ވިއެޓްނާމުގެ ކުރީގެ ޕަބްލިކް ސެކިއުރިޓީ މިނިސްޓަރު ޓޯ ލަމް، 66 އެ ގައުމުގެ ރައީސްކަމުގެ ހުވާ ކުރައްވައިފި އެވެ.

ވިއެޓްނާމުގެ އާ ރައީސަކަށް ލަމް ގެންނަން ނިންމީ އެ ގައުމުގެ ގާނޫނު ހަދާ މަޖިލީހުން އެގޮތަށް ފާސްކުރުމުންނެވެ. ރައީސް ކަމަށް ލަމް ގެންނަން ނޮމިނޭޓުކުރީ މިދިޔަ ހަފުތާގަ އެވެ.

ރައީސް ކަމާ ހަވާލުވެވަޑައިގަތުމަށް ފަހު އިއްޔެ ގާނޫނު ހަދާ މަޖިލީހުގައި ލަމް ވިދާޅުވީ ކޮރަޕްޝަނާ ދެކޮޅަށް ކުރާ މަސައްކަތް ހުއްޓާނުލާ ކުރިއަށް ގެންދަވާނެ ކަމަށެވެ.

ވިއެޓްނާމުގައި ކޮރަޕްޝަނާ ދެކޮޅަށް މަސައްކަތްކުރާ ސްޓިއަރިން ކޮމިޓީގެ ޑެޕިއުޓީއެއްގެ ގޮތުގައި ހުންނަވައި ސިޔާސީ ވާދަވެރިންނާ ދެކޮޅަށް ލަމް މަސައްކަތް ކުރެއްވި ކަމުގެ ތުހުމަތުކޮށްފައިވެ އެވެ.

ޕަބްލިކް ސެކިއުރިޓީ މިނިސްޓަރުކަމާ 2016 ގައި ހަވާލުވެވަޑައިގެންނެވި ލަމްއަކީ ވިއެޓްނާމްގައި އިންސާނީ ހައްގުތަކަށް ވަރަށް ބޮޑަށް ވަކާލާތު ކުރައްވާ ބޭފުޅެކެވެ.

ވިއެޓްނާމްއަށް އާ ރައީސަކު އައްޔަނު ކުރަން ޖެހުނީ އެ މަގާމުގައި ހުންނެވި ވޯވަން ތޮންއަށް ކުރެވުނު ކޮރަޕްޝަންގެ ތުހުމަތުތަކާއެކު އިސްތިއުފާ ދެއްވުމާ ގުޅިގެންނެވެ.

ވިއެޓްނާމްގެ ގާނޫނު ހަދާ މަޖިލީހުގެ ރައީސް ވުއޮންގް ޑިންހް ވެސް ވަނީ އޭނާގެ މައްޗަށް ކުރެވޭ ކޮރަޕްޝަން ތުހުމަތުތަކާ ގުޅިގެން މަގާމުން އިސްތިއުފާ ދެއްވައިފަ އެވެ.