މޯލްޑިވްސް ހައްޖު ކޯޕަރޭޝަން ލިމިޓެޑުން ހުޅުމާލެއިން ދެ ބިމެއް ގަނެފި އެވެ.

މި ދެ ބިމާ ގުޅޭ ގޮތުން "އަދަދު" އަށް މައުލޫމާތު ދެއްވަމުން އެ ކޯޕަރޭޝަނުގެ މެނޭޖިން ޑިރެކްޓަރު މުހައްމަދު ޝަކީލު ވިދާޅުވީ، ހައްޖު ކޯޕަރޭޝަނުން ގަތް ދެ ބިމަކީ އޮފީސް އިމާރާތަކާއި ރެޒިޑެންޝަލް އިމާރާތެއް އަޅަން ގަނެފައިވާ ދެ ބިން ކަމަށެވެ.

އެގޮތުން ދެ ބިން ގަތީ ހައްޖުވެރިންނާއި އުމްރާވެރިން އެ ކޯޕަރޭޝަނަށް ދައްކާ ފައިސާއިން ކަމަށް ޝަކީލު ކަށަވަރުކޮށްދެއްވި އެވެ.

ނަމަވެސް، މި ދެ ބިމުގެ އަގާއި ބޮޑުމިން އަދި ލޮކޭޝަނާއި ގުޅޭ މައުލާމާތު އެ ކޯޕަރޭޝަނުން ހިއްސާއެއް ނުކުރެ އެވެ.

ހައްޖު ކޯޕަރޭޝަނުގެ އޮފީސް މިހާރު ހިންގަމުން އަންނަނީ ލޮނުޒިޔާރަތް މަގު، ގ. ސިކަންދަރުގޭގަ އެވެ.