22 އޭޕްރީލް 2024 - 14:46 4
އަހުމަދު އާއިދު
ރައީސް މުއިއްޒު އަދި އަބްދުއްރަހީމް : އޭނާ ވިދާޅުވީ މަޖިލީހުގެ ރައީސް ކަމަށް އޮތް ޝައުގު ބިނާވާނީ ރައީސްގެ ލަފަޔަށް ކަމަށް - ފޮޓޯ: ރައީސް އޮފީސް
22 އޭޕްރީލް 2024 - 14:46 4
ވެރިކަންކުރާ ޕީއެންސީއިން ސުޕަ މެޖޯރިޓީ ހޯދާފައިވާ 20 ވަނަ ރައްޔިތުންގެ މަޖިލީހުގެ ރައީސްގެ މަގާމަށް އަންނާނެ މެންބަރަކު ކަނޑައަޅާނީ ޕާޓީގެ ތެރޭގައި މަޝްވަރާކުރުމަށްފަހު ކަމަށް އެ ޕާޓީގެ ޗެއާޕާސަން އަބްދުއްރަހީމް އަބްދުﷲ ވިދާޅުވެއްޖެ އެވެ.
މަޖިލީހުގެ ރައީސްގެ މަގާމާ ގުޅޭގޮތުން "އަދަދު" އާ ވާހަކަ ދައްކަވަމުން އަބްދުއްރަހީމް ވިދާޅުވީ އެކަމާމެދު ގޮތެއް ނިންމުމުގެ ކުރިން ރައީސް ޑރ. މުހައްމަދު މުއިއްޒު އަދި ޕާޓީގެ ލީޑަޝިޕު އެކީގައި އިށީނދެ މަޝްވަރާ ކުރާނެ ކަމަށެވެ.
މަޖިލިސް އިންތިހާބުގެ ކުރިން، ރިޔާސީ އިންތިހާބުގައި ޕީއެންސީއަށް ލިބުނު ކާމިޔާބާއެކު މަޖިލީހުގެ ރައީސްކަމަށް އަންނާނެ ކަމަށް އެންމެ ބޮޑަށް ބެލެވުނީ އަބްދުއްރަހީމެވެ. އޭނާގެ ޝައުގު އެ މަގާމަށް އޮތް ކަމަށް ވެސް ވަނީ އަޑުފެތުރިފަ އެވެ.
އެކަމާ ގުޅޭ ގޮތުން ސުވާލުކުރުމުން އަބްދުއްރަހީމް ވިދާޅުވީ މަޖިލީހުގެ ރައީސް އިހުތިޔާރު ކުރުން ބިނާވާނީ ރައީސް މުއިއްޒުގެ ލަފަޔަށް ކަމަށެވެ.
"އަޅުގަނޑުގެ ޝައުގުވެރިކަން އޮންނަ ގޮތަކީ ރައީސުލްޖުމްހުރިއްޔާ ބޭނުންފުޅުވާ ކޮންމެ ކަމަކަށް އަޅުގަނޑު ހުންނާނީ ރައީސުލްޖުމްހުރިއްޔާއާއެކު،" ރައީސްގެ އިސް ވަޒީރުގެ މަގާމުގައި ވެސް ހުންނެވި އަބްދުއްރަހީމް ވިދާޅުވި އެވެ.
އަބްދުއްރަހީމްގެ އިތުރުން މަޖިލީހުގެ ރައީސްގެ މަގާމަށް އަންނާނެ ކަމުގެ އަޑު ފެތުރިފައިވާ އެހެން މެންބަރުންގެ ތެރޭގައި ދިއްގަރު ދާއިރާއަށް އިންތިހާބުވި އަހުމަދު ނާޒިމް އަދި ނިލަންދޫ ދާއިރާއަށް އިންތިހާބުވި، ރައީސް މުއިއްޒުގެ ކޮއްކޮ ފާތުމަތު ސައުދާ ވެސް ހިމެނެ އެވެ.
Comment