މަޖިލިސް އިންތިހާބުގައި އެމްޑީޕީގެ ޓިކެޓުގައި މައްޗަންގޯޅި މެދު ދާއިރާއަށް ވާދަކުރައްވާ އަކްރަމް ކަމާލުއްދީންގެ ކެމްޕޭން ޕޯސްޓަރުތަކަށް ގެއްލުންދިން މައްސަލަ ފުލުސް އޮފީހަށް ހުށަހަޅައިފި އެވެ.

އަކްރަމް މި ނޫހާ ވާހަކަ ދައްކަވަމުން ވިދާޅުވީ ރޭގެ ވަގުތެއްގައި އޭނާގެ ގިނަ އަދަދެއްގެ ކެމްޕޭން ޕޯސްޓަރުތަކަށް ގެއްލުން ދީފައިވާ ކަމަށެވެ. މިހާރު ހަލާކުނުވެ ހުރީ މަދު ޕޯސްޓަރެއް ކަމަށް ވެސް އޭނާ ވިދާޅުވި އެވެ.

Advertisement

އަކްރަމްގެ ކެމްޕޭން ޕޯސްޓަރުތަކަށް ގެއްލުން ދިނުމުގެ އިތުރުން އެމްޑީޕީގެ ދިދަތަކަށް ވެސް ރޭ ވަނީ ގެއްލުން ދީފަ އެވެ.

މަޖިލިސް އިންތިހާބުގައި ކެމްޕެއިން ޕޯސްޓަރުތަކަށް ގެއްލުން ދިނުން އާންމުވެފައިވާއިރު، އެކި ކެންޑިޑޭޓުން އަންނަނީ މައްސަލަތައް ފުލުހުންނަށް ހުށަހަޅަމުންނެވެ.

މަޖިލިސް އިންތިހާބު އެޕްރިލް، 21 ގައި ބޭއްވުމަށް ހަމަޖެހިފައިވާއިރު، 93 ދާއިރާއަކަށް މެމްބަރުން އިންތިހާބު ކުރާނެ އެވެ.