ހާއްސަ އެހީއަށް ބޭނުންވާ މީހަކު ގެއްލިގެން ހޯދަން ފަށައިފި އެވެ.

ހުޅުމާލެ ދެވަނަ ފިޔަވަހިން ގެއްލިގެން ހޯދަމުން އަންނަނީ އަބްދުالله ހަނީފް އެވެ.

އޭނާ ހޯދަން އާއިލާއިން އާންމުންގެ އެހީތެރިކަމަށް އެދުނީ, މިއަދު ފަތިހު ބޭރަށް ދިޔަ ގޮތަށް ވީ ނުވީއެއް ނޭނގި އާއިލާއަށް ހަބަރެއް ނުވާތީ އެވެ.

ހަނީފްއަކީ ހާއްސަ އެހީއަށް ބޭނުންވާ, ބަލި މީހެއް ކަމުން, އާއިލާއިން ވަނީ އޭނާ ފެނިފައިވާނަމަ އާއިލާއަށް އެކަން އެންގުމަށް އެދިފަ އެވެ.

ހަނީފް ހޯދުމަށް އާއިލާއިން އާންމުންގެ އެހީތެރިކަމަށް އެދިފައިވާއިރު, މިގޮތަށް ގެއްލިގެން އުޅޭ މީހުން ހޯދުމުގައި ފުލުހުން ވެސް އެހީތެރިކަން ފޯރުކޮށްދެ އެވެ. އަދި ފުލުހުން އާންމުންގެ އެހީތެރިކަމަށް ވެސް އެދެ އެވެ.

މިގޮތަށް ގެއްލޭ މީހުން ބައެއް ފަހަރު އަމިއްލައަށް ގެއަށް ގޮސްފައި ވެސް އެބަހުއްޓެވެ.