ފުވައްމުލަކު ސިޓީން ހަތަރު އަހަރުގެ ކުއްޖަކު ގެއްލިގެން ހޯދަން ފަށައިފި އެވެ.

މިކަމާ ގުޅިގެން "އަދަދު" އާ ވާހަކަ ދައްކަވަމުން އެ ސިޓީގެ މޭޔަރު އިސްމާއިލް ރަފީގު ވިދާޅުވީ، ގެއްލިގެން ހޯދަނީ ހަތަރު އަހަރުގެ ފިރިހެން ކުއްޖެ ކަމަށެވެ.

އެ ކުއްޖާ އެންމެ ފަހުން ފެނުނީ މިއަދު ހަވީރު 5:00 ހާއިރު އެ ރަށު ދިގުވާނޑު އަވަށުގައި ހުންނަ ފުލެޓުތައް ކައިރިން ކަމަށް ވެސް އޭނާ ވިދާޅުވި އެވެ. އަދި، ރަށުގެ ރައްޔިތުންނާއި ފުލުހުން ނުކުމެ އެ ކުއްޖާ ހޯދުމުގެ މަސައްކަތް ކުރަމުންދާ ކަމަށް ވެސް މޭޔަރު ވިދާޅުވި އެވެ.

ފުލުހުންވެސް ވަނީ މިފަދަ ހާދިސާއެއްގެ ރިޕޯޓެއް ލިބިފައިވާ ކަމަށާއި އެ ކުއްޖާ ހޯދުމުގެ މަސައްކަތް ފުލުހުން ކުރަމުންދާ ކަމަށް ބުނެފަ އެވެ.