ބޯކޮށް ވާރޭވެހި ފެންބޮޑުވާނެ ކަމަށް ލަފާކޮށް މެދުރާއްޖެތެރޭ ތިން އަތޮޅަކަށް ސަރަހައްދަށް އޮރެންޖު އެލާޓް ނެރެފި އެވެ.

މޫސުމާއި ބެހޭ ގައުމީ އިދާރާ، މޯލްޑިވްސް މީޓިއޮރޮލޮޖިކަލް ސާވިސް އިން އޮރެންޖް އެލާޓް ނެރެފައިވަނީ މާލެ އަތޮޅުން ފެށިގެން އދ. އަތޮޅަށެވެ. މެޓް އޮފީހުން ލަފާކުރާ ގޮތުގައި މިއަދު ހަވީރު 5:30 އާ ހަޔަމަށް މި ސަރަހައްދަށް ގުގުރުމާއެކު ބޯކޮށް ވާރޭވެހި ފެންބޮޑުވާނެ އެވެ.

މެޓް އޮފީހުން އޮރެންޖް އެލާޓް ނެރެފައިވާއިރު މިއަދު ކުރި ވިއްސާރައިގައި މާލެ އާއި ހުޅުމާލޭގައިވެސް ވަނީ ވަރަށް ބޮޑަށް ފެން ބޮޑުވެފަ އެވެ. އަދި ވިއްސާރައިގެ ސަަބަބުން ވެލާނާ އެއާޕޯޓުގައިވެސް ފެންބޮޑުވެ ގިނަ އަދަދެއްގެ ފްލައިޓުތައް ވަނީ ޑިލޭވެފަ އެވެ.

މިހާރު ކުރަމުންދާ ވިއްސާރައިގެ އަސަރު ރާއްޖޭގެ އެކި ހިސާބުތަކަށް ދަނީ ކުރަމުންނެވެ. މޫސުން ދައްކާ ގޮތުން މިއަދާއި މާދަމާ ވެސް މުޅި ރާއްޖެއަށް ވާރޭ ވެހޭނެ ކަމަށް މެޓް އޮފީހުންް ބުންޏެވެ.