ބޭންކް އޮފް މޯލްޑިވްސް (ބީއެމްއެލް) އިން މޯލްޑިވްސް ބްލަޑް ސާވިސަސް އާ ގުޅިގެން ލޭ ހިދިޔާ ކުރަން ކޭމްޕެއް މިއަދު ބާއްވައިފިއެވެ.

މިއީ 2021 ވަނަ އަހަރުން ފެށިގެން ތެލެސީމިއާ ކުދިންނަށް ލޭ ބޭނުންވާ މިންވަރަށް ބަލައި، ދެމެހެއްޓެނިވި ގޮތެއްގައި ލޭ ހަދިޔާކުރުމުގެ ބޭނުމުގައި ބީއެމްއެލްއިން ބާއްވަމުން އަންނަ ކޭމްޕެކެވެ. އެގޮތުން ކޮންމެ ތިން މަހަކުން އެއް ފަހަރު އެ ކުންފުނީގެ މުވައްޒަފުންނަށް އަމާޒުކޮށްގެން ބީއެމްއެލްއިން އަންނަނީ މި ކޭމްޕު ބާއްވަމުންނެވެ.

ބީއެމްއެލްއިން ބުނީ މިއަދުގެ ކޭމްޕުގައި 46 މުވައްޒަފަކު ލޭ ހަދިޔާ ކޮށްފައިވާ ކަމަށެވެ. އަދި މި އަހަރުގެ ފުރަތަމަ ދެ ކުއާޓާ ގައި 60 އަށް ވުރެ ގިނަ މުވައްޒަފުންނާއި މުއައްޒަފުންގެ އާއިލާތަކުން ވަނީ ލޭ ހަދިޔާކުރިކަމަށް ބޭންކުން މައުލޫމާތުދެ އެވެ.

ބީއެމްއެލް އިން ބުނީ، އެ ކުންފުނީގެ އަމާޒަކީ މުވައްޒަފުން އިޖްތިމާއީ ކަންކަމަށް ހޭލުންތެރިކުރުވައި މުޖުތަމައަށް ފައިދާ ކުރާނެ ހަރާކާތްތަކުގައި ބައިވެރިވުން އިތުރުކުރުން ކަމަށެވެ.