އައްޑު އަތޮޅު ހިތަދުއިން މަސް ހިފަން ދިޔަ ޒުވާނާ މަރުވެއްޖެ އެވެ.

މަރުވީ ސ. ހިތަދޫ، ފެހިވިނަ، ތޮލާލު އަހުމަދެވެ. އޭނާ މަރުވެފައި އޮތްވާ ފެނުނީ މަސް ހިފަން ފައިބާ އުޅެނިކޮށް ގެއްލިގެން ހޯދަމުންދަނިކޮށެވެ.

ތޮލާލު ގެއްލިގެން ހޯދަމުން ދަނިކޮށް ފެނިފައި ވަނީ ކަނޑު އަޑިންނެވެ. އިތުރު މީހަކާ އެކު އޭނާ މިއަދު މަސް ހިފަން ދިޔައީ ޑިންގީއެއްގަ އެވެ.

މަސް ހިފަން ފޭބި ފަހުން ހަބަރެއް ނުވެގެން އޭނާ ހޯދަން ފެށީ މިއަދު 11:32 ހާއިރު ކަމަށް އެމްއެންޑީއެފުން ބުނެ އެވެ.

ކަނޑުއަޑިން އޭނާ ނަގައިގެން ގެންދިޔައީ އައްޑޫ އިކުއިޓޯރިއަލް ހޮސްޕިޓަލަށެވެ.