Advertisement
ބޯހިމަނަން މި މަހު 13 ގައި ފަށަނީ، ގެތަކުގެ ނަންބޯޑު ހަރުކުރަން އެދިއްޖެ
2 ސެޕްޓެންބަރު 2022 - 09:24 0
ސާއިފް ޝިޔާދު
މާލޭ މަޖީދީ މަގުގައި ހުންނަ ބައެއް ގެތައް. ނަންބޯޑު ހަރުނުކޮށް ހުރުމަކީ ބޯހިމެނުމުގެ މަސައްކަތަށް އުނދަގޫވާނެ ކަމެއް --- ފޮޓޯ: އަދަދު
ބޯހިމަނަން މި މަހު 13 ގައި ފަށަނީ، ގެތަކުގެ ނަންބޯޑު ހަރުކުރަން އެދިއްޖެ
2 ސެޕްޓެންބަރު 2022 - 09:24 0
ބޯހިމެނުމުގެ މަސައްކަތަށް ފަސޭހަކުރުމުގެ ގޮތުން ގެތަކުގެ ނަންބޯޑުތައް ހަރުކުރުމަށް ނޭޝަނަލް ބިއުރޯ އޮފް ސްޓެޓިސްޓިކްސް އިން އަންގައިފި އެވެ.
މިއީ 2014 ގެ ފަހުން ބޯހިމަނާނެ ފުރަތަމަ ފަހަރެވެ. މިފަހަރުގެ ބޯހިމެނުމަށް މައުލޫމާތު އެއްކުރާއިރު ގޭގޭގެ އިތުރުން ވިޔަފާރިތަކާއި އެކި މަސައްކަތްތަކާ ގުޅޭ މައުލޫމާތު ވެސް އެއްކުރާނެ އެވެ.
އެކަމަށް މަގުފަހި ކުރުމުގެ ގޮތުން ގޭގޭގެ ނަންބޯޑުތައް ރަނގަޅަށް ހަރުކުރުމަށް އެސްއެމްއެސްގެ ޒަރިއްޔާއިން ވަނީ އަންގާފަ އެވެ. ބޯހިމެނުމުގެ ސާވޭގައި ހޮވާލެވޭ ގެތަކުން މައުލޫމާތު އެއްކުރުމަށް ވެސް ހަމަޖެހިފައިވާއިރު އެކަމަށް މަގުފަހިކުރަން ގެތަކުގެ ނަންބޯޑު ހަރުކޮށްފައި ހުރުމަކީ މުހިންމު ކަމެކެވެ.
އެ ހަރަކާތް ފެށުމަށް މަދު ދުވަސްކޮޅަކަށް ވެފައިވާއިރު މިހާރު ކުރިއަށްދަނީ ސާވޭގެ ބައިވެރިންގެ ތަމްރީނެވެ. ރާއްޖޭގެ ހުރިހާ އަތޮޅެއްގައި ސްޓެޓިސްޓިކްސް ބިއުރޯއިން ގެންދަނީ ތަމްރީނުތައް ހިންގަމުންނެވެ.
މި އަހަރުގެ ބޯހިމެނުުން ކުރިއަށް ގެންދިއުމަށް ނިންމާފައި ވަނީ ޓެބްލެޓް ބޭނުންކޮށްގެނެވެ. މިއީ ރާއްޖޭގައި މިގޮތަށް ކުރިއަށް ގެންދާ ފުރަތަމަ ބޯހިމެނުމެވެ.
Comment