މީގެ ކުރިން ޔޫރޯ ފުޓްބޯޅަ މުބާރާތުގައި ހަތަރު ފަހަރެއްގެ މަތިން ސްވިޒަލެންޑް ވަނީ ވާދަކޮށްފަ އެވެ. އެ ޓީމުން އެންމެ ފުރަތަމަ ޔޫރޯގައި ވާދަކުރީ 1996 ވަނަ އަހަރު އެވެ. އޭގެ ފަހުން 2000 ވަނަ އަހަރުގެ ޔޫރޯ އާއި 2012 ވަަނަ އަހަރުގެ ޔޫރޯ ނޫން ދެން ހުރިހާ މުބާރާތަކުން އެ ޓީމު ވަނީ ފެނިފަ އެވެ. މި ފަހަރުގެ ޔޫރޯ އަށް ސްވިޒަލެންޑް ކޮލިފައިވެފައިވަނީ ގްރޫޕްގެ އެއް ވަަނަ ޓީމުގެ ގޮތުގައި ޑެންމާކާއި އަޔަލެންޑް ފަހަތަށް ޖައްސާލުމަށް ފަހު އެވެ. ކޮލިފައިންގައި ޖުމްލަ އަށް މެޗު ސްވިޒަލެންޑުން ކުޅުނުއިރު، އެ ޓިމު ބަލިވީ އެއް މެޗުންނެވެ. އެއީ ރަށުންބޭރުގައި ޑެންމާކް އަތުން އެކަންޏެވެ..

ޔޫރޯ އެއްގައި މިހާތަނަށް ސްވިޒަލެންޑްގެ އެންމެ ރެކޯޑް ރަނގަޅު ފަހަރަކީ 2016 ވަނަ އަހަރު ފްރާންސްގައި ކުރިއަށްދިޔަ މުބާރާތުގަ އެވެ. އެ ފަހަރު ދެ ވަނަ ބުރުން ފުރުސަތު ހޯދި ސްވިޒަލެންޑް ކެޓީ ޕެނަލްޓީ ޖަހައިގެން ޕޮލެންޑް އަތުންނެވެ. އެކާވީސް ވަނަ ގަރުނު ފެށުނު ފަހުން ބައިނަލްއަގުވާމީ މުބާރާތްތަކުގައި ސްވިޒަލެންޑްގެ ގްރޫޕް ސްޓޭޖުތަކުގެ ނަތީޖާ ރަނގަޅެވެ. އެކަމަކު ނޮކައުޓް ބުރުގައި އެ ޓީމަށް ދިމާވާ މައްސަލަ ގިނަ އެވެ

ސްވިޒަލެންޑްގެ ސްކޮޑަށް ބަލާއިރު އެ ޓީމުގައި ތަރިން ގިނަ އެވެ. އާސެނަލްގެ ގްރޭނިޓް ޝާކާ، ލިވަޕޫލްގެ ޒެރްޑަން ޝަގީރީ، ބޮރޫޝިއާ މުންޗެންގްލަޑްބެކްގެ ބްރީލް އެމްބޯލޯ ފަދަ ކުޅުންތެރިންނަކީ ކޮންމެ ޓީމެއް ކޮޅަށް ވެސް ނަތީޖާ އަނބުރާލެވޭ ފަދަ ކުޅުންތެރިންނެވެ. ގައުމީ ޓީމާއި ކްލަބް ލެވަލްގައި އެ ކުޅުންތެރިން ވަނީ އެކަން ސާބިތުކޮށްދީފަ އެވެ. އެހެންކަމުން ވަކިވަކި ކުޅުންތެރިންގެ ފެންވަރަށް ބަލާއިރު ސްވިޒަލެންޑް އާދައިގެ ގޮތަކަށް ނެގޭނެ ކަމަށް ނުބެލެވެ އެވެ.

ކޯޗު: ވްލަޑިމީރް ޕެޓްކޮވިޗް

ސްވިޒަލެންޑަށް އުފަން ވްލަޑިމީރް ޕެޓްކޮވިޗްގެ ކޯޗުކަމުގައި އެ ޓީމުން ވަނީ ކޮންމެ މުބާރާތެއް ފަށައިގެން ވެސް ތަފާތު ހިތްވަރެއް ދައްކައިފަ އެވެ. ޕެޓްކޮވިޗް ސްވިޒަލެންޑާ ހަވާލުވި ފަހުން އެޓީމުން ކުޅުނު ބައިނަލްއަގުވާމީ ހަތަރު މުބާރާތުގެ ގްރޫޕް ސްޓޭޖު ފަހަނައަޅައި ދިޔަ އެވެ. އެއީ 2014 ވަނަ އަހަރުގެ ވޯލްޑް ކަޕާއި 2016 ވަނަ އަހަރުގެ ޔޫރޯ އާއި 2018 ވަނަ އަހަރުގެ ވޯލްޑް ކަޕްގެ އިތުރުން 2019 ވަނަ އަހަރުގެ ޔުއެފާ ނޭޝަންސް ލީގެވެ. އެކަަމަކު އެ ހަތަރު މުބާރާތުގެ ނޮކައުޓް ބުރުން އެއްވެސް މޮޅެއް ނުލިބި އެނބުރި ގައުމަށް ދާން ޖެހުނީ އެވެ.

ސްކޮޑު

ކީޕަރުން: ޔެން ސޮމާ (ބޮރޫޝިއާ މުންޗެންގްލަޑްބެކް)، ޔްވޯން މްވޯގޯ (ޕީއެސްވީ)، ޖޮނަސް އޮމްލިން (މޮންޓެޕިއޭ)

ޑިފެންޑަރުން: މެނުއަލް އަކަންޖީ (ބޮރޫޝިއާ ޑޯޓްމަންޑް)، ލޮރިސް ބެނިޓޯ (ބޯޑޯ)، އީރޭ ކޮމާޓް (ބަސެލް)، ނިކޯ އެލްވޭޑީ (ބޮރޫޝިއާ މުންޗެންގްލަޑްބެކް)، ޖޯޑަން ލޮޓޮމްބާ (ނީސް)، ކެވިން އެމްބާބޫ (ވުލްފްސްބާގް)، ބެޝީރް އޮމެރަޖިޗް (ޒިއުރިކް)، ރިކާޑޯ ރޮޑްރިގޭޒް (ޓޮރީނޯ) ފަބިއަން ޝެއާ (ނިއުކާސަލް ޔުނައިޓެޑް) ، ސިލްވަން ވިޑްމާ (ބަސެލް)

މިޑްފީލްޑަރުން: ކްރިސްޓިއަން ފަޝްނަޓް (ޔަންގް ބޯއީސް)، އެޑްމިލްސަން ފެނާންޑޭސް (މައިންޒް)، ރެމޯ ފްރެއުލާ (އެޓަލަންޓާ)، އަދްމީރް މެހްމެދީ (ވުލްފްސްބާގް)، ޒެރްޑަން ޝަގީރީ (ލިވަޕޫލް)، ޖިބްރީލް ސޯ (ފްރޭންކްފާޓް)، ރުބެން ވާގާސް (އޮއުގްސްބާގް)، ގްރޭނިޓް ޝާކާ (އާސެނަލް)، ދެނިސް ޒަކަރިއްޔާ (ބޮރޫޝިއާ މުންޗެންގްލަޑްބެކް)، ސްޓީވެން ޒޫބާ (ފްރެންކްފާޓް)

ފޯވާޑުން: ބްރީލް އެމްބޯލޯ (ބޮރޫޝިއާ މުންޗެންގްލަޑްބެކް)، މާރިއޯ ގަވްރާނޮވިޗް (ޑިނަމޯ ޒަގްރެބް)، ހަރިސް ސެފެރޯވިޗް (ބެންފީކާ)