ޕީސީސީއާރުން ފޮނުވި މަހްލޫފްގެ މައްސަލަ ފެބްރުއަރީ މަހުން ފެށިގެން ޕޮލިހުގައި!

މިނިސްޓަރު މަހްލޫފް: އެމްއެމްޕީއާރުސީގެ ހިޔާނާތުގެ މައްސަލައެއް މަހްލޫފްގެ މައްޗަށް ތުހުމަތުކޮށް ތަހުގީގު އޮތީ ނިންމާފައި.

މިނިސްޓަރު މަހްލޫފް: އެމްއެމްޕީއާރުސީގެ ހިޔާނާތުގެ މައްސަލައެއް މަހްލޫފްގެ މައްޗަށް ތުހުމަތުކޮށް ތަހުގީގު އޮތީ ނިންމާފައި.

އެމްއެމްޕީއާރުސީގެ ހިޔާނާތުގައި ޔޫތު މިނިސްޓަރު އަހްމަދު މަހްލޫފަށް ތުހުމަތުވި މައްސަލައެއްގެ ތަހުގީގު ނިންމައި ދައުވާކުރަން ޕްރޮސިކިއުޓާ ޖެނެރަލަށް ފޮނުވައިދޭން އެދި ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ (ޕީސީސީއާރު)ން ފުލުހުންނަށް ފޮނުވިތާ ހަތަރު މަސްވެއްޖެ އެވެ.

އެ މައްސަލަ ބެލީ ފުލުހުންނާއި އެސެޓް ރިކަވަރީގެ އިތުރުން އެންޓި ކޮރަޕްޝަން ކޮމިޝަނާއި ޕީޖީ އޮފީހުގެ ވެސް ބައިވެރިވުމާ އެކުގަ އެވެ. މައްސަލަ ނިންމައި ފުލުހުންނަށް ޕީސީސީއާރުން ފޮނުވީ، އެނގިފައިވާ ގޮތުގައި، ފެބުރުއަރީ ހަތަރު ވަނަ ދުވަހެވެ.

ސަރުކާރުގެ މަގާމްތަކުގައި ތިބި މީހުންގެ މައްސަލަތަކަށް އިސްކަންދޭ ތަރުތީބެއް ކަނޑައަޅައި ހިޔާނާތުގެ ތަހުގީގު ކުރިއަށް ގެންގޮސް މިނިސްޓަރު މަހްލޫފްގެ މައްސަލަ ނިންމާފައި ވިޔަސް ދައުވާ ނުކޮށް ލަސްވާ ސަބަބާ މެދު ދަނީ ސުވާލު އުފައްދަމުންނެވެ.

Advertisement

ހަތަރު މުއައްސަސާގެ ބައިވެރިވުން އޮތް ޖޮއިންޓް އިންވެސްޓިގޭޝަންގައި މައްސަލައެއްގެ ތަހުގީގު ނިމުމުން ދައުވާކުރަން ޕީޖީ އަށް ފޮނުވާނީ ޕޮލިހުންނެވެ. ޕީސީސީއޭރަށް ދައުވާކުރަން އެދުން ފަދަ ގާނޫނީ ބާރުތަކެއް ލިބިފައި އޮތަސް އެއްބަސްވެވިފައި އޮތީ ފުލުހުން މެދުވެރިކޮށް މައްސަލަތައް ހުށަހަޅާށެވެ.

މި މައްސަލައިގައި ދައުވާކުރަން ފޮނުވުން ލަސްވުމާ ގުޅޭ ގޮތުން ފުލުހުން ވާހަކައެއް ނުދެއްކި އެވެ. އެ މުއައްސަސާގެ މީޑިއާ އޮފިޝަލް ވިދާޅުވީ އެމްއެމްޕީއާރުސީގެ ޖޮއިންޓް އިންވެސްޓިގޭޝަންގެ މައުލޫމާތު މީޑިއާއަށް ހިއްސާކުރާނީ ޕީޖީން ކަމަށެވެ.

އެކަމަކު ޕީޖީ އޮފީހުގެ އޮފިޝަލަކު ވިދާޅުވީ އެ އިންވެސްޓިގޭޝަންގައި މައުލޫމާތު ހިއްސާކުރާނީ އެ އޮފީހުން ކަމަށް ހަމަޖައްސާފައި ނުވާ ކަމަށެވެ.

މަހްލޫފާ ދެކޮޅަށް އޮތީ އެމްއެމްޕީއާރުސީން 33،000 ޑޮލަރު އޭނާ ލިބިފައި އޮތުމެވެ. އޭސީސީން ވަކިން ކުރިއަށް ގެންދިޔަ އެމްއެމްޕީއާރުސީގެ ހިޔާނާތުގެ މައްސަލައިގައި ނެރުނު ރިޕޯޓުގައި މަހްލޫފްގެ ނަން އޮވެގެން އޭނާ ވަޒީރުކަމުގެ މަސްއޫލިއްޔަތުތަކުން އެކަހެރި ވެސް ކުރި އެވެ. އެކަމަކު ފަހުން އޭނާ އޮފީހަށް ނުކުންނަވަން ރައީސް އެންގެވީ، މަހްލޫފްގެ ކޮރަޕްޝަން މައްސަލައެއް ބަލަމުން ނުދާ ކަމަށް އޭސީސީން އޭރު ލިއުމެއް ދިނުމުންނެވެ.

އެކަމަކު، ތަހުގީގު ދިގުލައިގެން ގޮސްފައިވާ އެމްއެމްޕީއާރުސީ ހިޔާނާތުން މަންފާވި ލިސްޓު ރައްޔިތުންގެ މަޖިލީހުގެ ކޮމިޓީން މިދިޔަ ހަފުތާގައި އާއްމުކުރިއިރު، ސަރުކާރުގެ ވަޒީރެއްގެ ގޮތުގައި މަހްލޫފްގެ ނަން އޮތެވެ. ކޮމިޝަނުން ބުނެފައި އޮތީ މަހްލޫފްގެ މައްސަލަ ނިންމައި އޮތީ ދައުވާ ކުރަން ތައްޔާރުވެފަ އެވެ.

އޭނާގެ މައްޗަށް ތުހުމަތުކޮށްފައި އޮތަސް މަހްލޫފް ވިދާޅުވެފައިވާ ގޮތުގައި އެކައުންޓަށް 33،000 ޑޮލަރު ވަދެފައި އޮތީ ސައްހަ މުއާމަލާތަކުންނެވެ.

އެ މުއާމަލާތާ ގުޅިގެން މަހްލޫފް ނެރުއްވި ބަޔާނެއްގައި ވިދާޅުވެފައި އޮތީ، "އެއީ އަޅުގަނޑުގެ އާއިލާއިން ދަ ޖީންސްގެ ނަމުގައި ފިހާރައެއް ހިންގި އިރު އަޅުގަނޑުގެ އެއްބަފާ ކޮއްކޮ އަލީ މުބީން ގ. ހާފްސީ މެދުވެރިވެގެން ކޮށްފައިވާ ސައްހަ ކަރަންސީ އެކްސްޗޭންޖްގެ މުއާމަލާތެއް" ކަމަށެވެ.

އެ މުއާމަލާތް ހިންގިއިރު ބަދަލުކުރި ލިޔުންތައް ވެސް އޭސީސީއާ ހިއްސާ ކުރެއްވި ކަމަށް މަހްލޫފް ވިދާޅުވި އެވެ.

އެނގިފައިވާ ގޮތުގައި ޖޮއިންޓް ތަހުގީގައި ވަނީ، މަހްލޫފަށް ތުހުމަތުކުރާ މައްސަލައިގައި އޭނާއާ ދެކޮޅަށް ހެކި ހޯދައިފަ އެވެ. އޭގެތެރޭގައި، ސައްހަ މުއާމަލާތެއް ކަމަށް ބުނެ ދީފައިވާ ލިޔެކިއުންތަކާ ގުޅޭ ކަންތައްތަކެއް ހޯދިކަން އެނގިފައިވެ އެވެ.

ހިޔާނާތުން މަންފާވި ލިސްޓުގައި ނަން ހިމަނާފައި އޮތުމުން، އެހެން މީހުންނެކޭ އެއްގޮތަށް މަހްލޫފް ވެސް ދާދި ފަހުން ވަނީ ހިތްހަމަނުޖެހުންފާޅުކުރައްވައިފަ އެވެ. އޭނާވެސް ތުހުމަތު ކުރެއްވި ގޮތުގައި، ލިސްޓަށް ނަން އެރުވުމަކީ ސިޔާސީ ކަމެކެވެ.

މަހުލޫފް ފޭސްބުކްގައި ލިޔުއްވި ޕޯސްޓެއްގައި ވިދާޅުވީ ސިޔާސީ ބަޔަކު އެކުލަވާލި، އަދި އެ މައްސަލަ އާއި ސީދާ ގުޅުން ނެތް އެތައް ބައެއްގެ ހައްގުތައް ގެއްލިގެންދިޔަ ލިސްޓެއްގައި ނަން އޮތުމަކީ ކުށްވެރިވުމެއް ނޫނެވެ. އަދި، އެކަމުގައި ބައިވެރި ވުމެއް ވެސް ނޫން ކަމަށެވެ.

‎"އެހެން ނަމަވެސް އަޅުގަނޑުގެ މައްޗަށް ދައުވާއެއް ކޮށްފި ނަމަ މި މަގާމުގަ އެންމެ ދުވަހަކު ވެސް ނުހުންނާނަން،" މަހުލޫފް ވިދާޅުވި އެވެ.

ކަމާބެހޭ އިދާރާތަކުގެ ޖޮއިންޓް އިންވެސްޓިގޭޝަނުން އެކުލަވާލި ލިސްޓަކީ "ސިޔާސީ ބަޔަކު އެކުލަވާލި ލިސްޓެއް" ކަމަށް މަހްލޫފް ތުހުމަތު ކުރެއްވިއިރު އެސެޓް ރިކަވަރީ ކޮމިޝަނުން ވަނީ އެއީ ތަހުގީގުގައި ބޭނުންކުރާ ސައްހަ ލިސްޓުކަން ރައްޔިތުންގެ މަޖިލީހާއި އާއްމުންނަށް ވެސް ޔަގީންކޮށްދީފަ އެވެ.

ރައްޔިތުންގެ މަޖިލީހުން މިއަދު ވަނީ ހިޔާނާތުން މަންފާވި ކަމަށް ލިސްޓުގައި ހިމެނޭ ދައުލަތުގެ އެކި މަގާމްތަކާއި މެމްބަރުން ވަކިކުރުމުގެ މަސައްކަތް ފެށުމަށް ތަޅުމުން ރިޕޯޓް ފާސްކޮށްފަ އެވެ.

ހިޔާނާތުގެ ލިސްޓު އާއްމުކޮށް މަޖިލީހުގެ ނިންމުމާ ގުޅޭ ގޮތުން ރައީސް އޮފީހުން ބުނެފައި ވަނީ، ހިޔާނާތުގެ ތަހުގީގު އަވަހަށް ނިންމުމަކީ ރައީސް އިބްރާހިމް ސޯލިހް އެދިވަޑައިގަންނަވާ ގޮތް ކަަމަށެވެ. ކޮމިޝަންގެ ލިސްޓުގައި ނަން އޮތް، ދައުލަތުގެ މަގާމްތަކުގައި ތިބި ބޭފުޅުންނާ މެދު ފިޔަވަޅު އަޅާނީ ތަހުގީގު ނިމުމުން ކަމަށް ވެސް ރައީސް އޮފީހުން ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox