ކޮންމެ މަހެއްގެ ފުރަތަމަ ހޮނހިރު ދުވަހެއްގެ ކަލަންޑަކަށް ވިލާމާޓު ލާށެވެ. ވަރަށް އަގުހެޔޮކޮށް މުދާ ގަނެވޭނެ ސޭލެއް ބުރުޒު މަގު (ޓީވީއެމް ކުރިމަތީގައި) ހުންނަ ވިލާ މާޓުން ވަނީ ފަށައިފަ އެވެ.
ގިނަ ދުވަސްތަކެއްގެ މެދުކެނޑުމަކަށް ފަހު، "ހޮނިހިރު ސޭލް" ފުރަތަމަ މިފެށީ މިދިޔަ ހޮނިހިރު ދުވަހު އެވެ. މިއީ ހެޔޮ އަގުގައި މުދާ ގަނެލަން ރަނުގެ ފުރުސަތެކެވެ.
މި ހާއްސަ ސޭލް ކުރިއަށް ދާނީ ކޮންމެ މަހެއްގެ ފުރަތަމަ ހޮނިހިރު ދުވަހުގެ ހަވީރު 5:00 އިން ރޭގަނޑު 9:00 އަށެވެ.
ވިލާ ޓްރޭޑިންގެ މާކެޓިން އޮފިސަރު ބުނީ މިއީ އާންމު ދިރިއުޅުމަށް ބޭނުންވާ ތަފާތު ގިނަ ބާވަތްތަކުގެ އުފެއްދުންތައް އަތްފޯރާ އަގެއްގައި ފޯރުކޮށްދިނުމަށް ހުޅުވާލި ފުރުސަތެއް ކަމަށެވެ.
"ކާބޯތަކެތިން ފެށިގެން ގޭތެރޭގައި ބޭނުންކުރާ ސާމާނާ ހަމައަށް ލިބޭނެ،" އޭނާ ބުންޏެވެ.
މީގެ ކުރިންވެސް އާންމުންގެ ބޮޑު ތަރުހީބެއް ލިބުނު މި ހާއްސަ ސޭލް، ގިނަ ދުވަސްތަކަކަށް ފަހު މިދިޔަ ހޮނިހިރު ދުވަހު އަލުން ފެށުމާއެކު އެ ދުވަހު ވެސް ގިނަ ބަޔަކު ވިޔަފާރިކުރި ކަމަށް ވިލާ މާޓުން ބުންޏެވެ.
މާލޭގެ ތަފާތު ސަރަހައްދުތަކުގައި ވިލާމާޓުގެ 5 ފިހާރައެއް މިހާރު ދަނީ ހިންގަމުންނެވެ.
