އުޒްބެކިސްތާން ބަލިކޮށް ކޮލަމްބިއާ އަށް ރަނގަޅު ފެށުމެއް

Jun 18, 2026, 9:02 AM
އުޒްބެކިސްތާން ކޮޅަށް ލަނޑު ޖެހުމަށް ފަހު ކޮލަމްބިއާގެ ޑިއާޒް އުފާފާޅުކުރަނީ.

އުޒްބެކިސްތާން ކޮޅަށް ލަނޑު ޖެހުމަށް ފަހު ކޮލަމްބިއާގެ ޑިއާޒް އުފާފާޅުކުރަނީ.

މެކްސިކޯ ސިޓީ، މެކްސިކޯ (ޖޫން 18) - ފީފާ ވޯލްޑް ކަޕް ފުޓްބޯޅަ މުބާރާތުގައި މުޅިން އަލަށް ވާދަކުރި އުޒްބެކިސްތާން 3-1 އިން ބަލިކޮށް ކޮލަމްބިއާ އިން މި ފަހަރުގެ މުބާރާތް ރަނގަޅު މޮޅަކުން ފަށައިފި އެވެ. 

މިއީ، ކޮލަމްބިއާ އިން ވޯލްޑް ކަޕްގައި ކުޅޭ ހަތް ވަނަ ފަހަރެވެ. އަދި، އެ ޓީމުން ވޯލްޑް ކަޕަށް އެނބުރި މި އައީ، 2022 ވަނަ އަހަރުގެ ވޯލްޑް ކަޕަށް ކޮލިފައިނުވެ އޮތުމަށް ފަހު އެވެ. 

އިޓަލީ އަށް 2006 ވަނަ އަހަރުގެ ފީފާ ވޯލްޑް ކަޕްގެ ޗެމްޕިއަންކަން ހޯދައިދިން ޓީމުގެ ކެޕްޓަން،  ފަބިއޯ ކަނަވާރޯގެ ކޯޗުކަމުގައި ކުޅޭ އުޒްބެކިސްތާނުން ވަނީ ޖުމްލަކޮށް ބަލާއިރު ކޮލަމްބިއާ ކައިރީގައި ރަނގަޅު ކުޅުމެއް ދައްކައިފަ އެވެ.

މެކްސިކޯގެ މަޝްހޫރު އަޒްޓެކާ ސްޓޭޑިއަމްގައި ކުޅުނު މި މެޗުގައި ކޮލަމްބިއާ އިން ލީޑުނެގީ 40 ވަނަ މިނިޓްގަައި ލުއިސް ޑިއާޒް ތަނަވަސްކޮށްދިން ފުރުސަތެއްގައި އެ ޓީމުގެ ފުލްބެކް، ޑެނިއަލް މުނޯޒް ޖެހި ގޯލެެކެވެ. ޑިއާޒް ދިން ބޯޅައަކުން މުނޯޒް ޖެހި މި ލަނޑާ އެކު ހޯދި ލީޑާ އެކު ކޮލަމްބިއާ އިން ފުރަތަމަ ހާފު ކުރީގައި އޮވެ ނިންމާލި އެވެ. 

ދެ ވަނަ ހާފުގައި ކުޅެން އަރައި، 60 ވަނަ މިނިޓްގައި އުޒްބެކިސްތާނުން އެއްވަރުކުރި އެވެ. އެ ޓީމަށް ލަނޑު ޖަހައިދިނީ އަބޯސްބެކް ފަޒުލައޭވް އެވެ. އުޒްބެކިސްތާނުން މި ލަނޑާ އެކު އެއްވަރުކުރި ނަމަވެސް، މާ ގިނައިރު ނަތީޖާ ހަމަހަމަކޮށް ބޭއްވޭ ގޮތެއްނުވި އެވެ. އެއީ، އެއްވަރުކުރިތާ ފަސް މިނިޓް ފަހުން އަލުން ކޮލަމްބިއާ އިން ލީޑުނެގުމެވެ. ގުސްޓާވޯ ޕުއޭޓާ ތަނަވަސްކޮށްދިން ފުރުސަތެއްގައި މި ލަނޑު ޖެހީ މެޗުގައި މޮޅު ކުޅުމެއް ދެއްކި ޑިއާޒް އެވެ. 

އުޒްބެކިސްތާނުން ދެ ވަނަ ފަހަރަށް އެއްވަރުކުރެވޭތޯ ގިނަ މަސައްކަތްތަކެއް ކުރަމުންދިޔަ ނަމަވެސް އެ ޓީމަށް ފުރުސަތުތަކުގެ ބޭނުން ހިފޭގޮތެއްނުވި އެވެ. ނަތީޖާ އަކަށްވީ މެޗުގެ އިތުރު ވަގުތުގެ ތެރޭގައި، ކޮލަމްބިއާ އިން އިތުރު ގޯލެއް ޖެހުމެވެ. އިތުރު ވަގުތުގެ ނުވަ ވަނަ މިނިޓްގައި މި ލަނޑު ޖެހީ ޖަމިންޓަން ކަމްޕާޒް އެވެ. ހެނާންޑޭޒް ނަގައިިދިން ހުރަހަކުން ކަމްޕާޒް ވަނީ ހަމަޖެހިލައިފައި ގޯލަށް ފޮނުވާލައިފަ އެވެ. 

އޭގެ ފަހުން، އުޒްބެކިސްތާންގެ ބެހްރޫޒް ކަރީމޯވް ފޮނުވާލި ބޯޅަ އަމާޒުވީ ގޯލުގެ ހުރަސްދަނޑިއަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox