ކަނޑޫދޫ މިރުހުގެ އަގު ނުވެއްޓުނު، އަގުހެޔޮ ލަންކާ މިރުސް ވެސް ބާޒާރަށް ނެރެފި

ބާޒާރަށް ލަންކާ މިރުސް ނެރުން: ކިލޯއެއް 240ރ. އަށް ލިބެން އެބަހުރި -- ފޮޓޯ: މުހައްމަދު ޝަހުޒާން / އަދަދު

ބާޒާރަށް ލަންކާ މިރުސް ނެރުން: ކިލޯއެއް 240ރ. އަށް ލިބެން އެބަހުރި -- ފޮޓޯ: މުހައްމަދު ޝަހުޒާން / އަދަދު

މާލޭ ލޯކަލް މާރުކޭޓުގައި ކަނޑޫދޫ މިރުހުގެ އަގު ނުވެއްޓި އުޅެނިކޮށް، ސްރިލާންކާ މިރުސް އަގުހެޔޮކޮށް މިއަދު ނެރެފި އެވެ.

ބާޒާރުގައި މިއަދު ކަނޑޫދޫ މިރުހުގެ 100 ގްރާމް 50ރ. އަށް އުފުލުނުއިރު، ގިނަ ދުވަސްވީ މިރުހުގެ 100 ގްރާމް 40ރ. އާއި 45ރ. އަށް ލިބެން އެބަހުއްޓެވެ. ކަނޑޫދޫ މިރުސް ކިލޯއެއްގެ އަގު ވަނީ 480ރ. އަށް ބޮޑުވެފަ އެވެ.

ރޯދަމަސް ފެށުމުގެ ހަފްތާއެއްހާ ދުވަސް ކުރިން ކަނޑޫދޫ މިރުހުގެ އަގު ބާޒާރުގައި އަތްނުފޯރާފަށަށް އަރައިގެންދިޔަ އެވެ. މިގޮތުން ކިލޯއެއްގެ އަގު ހުރީ 400ރ. އަށް ވުރެ މަތީގަ އެވެ.

ލަންކާ މިރުސް ބާޒާރަށް ނެރެ ވިއްކަމުންދަނީ 100 ގްރާމް 25ރ. އާއި 30ރ. އާ ދެމެދުގެ އަގެއްގަ އެވެ. ލަންކާ މިރުސް ކިލޯއެއް ބާޒާރުގައި ވިއްކަމުންދަނީ 240ރ. އާއި 300ރ. އާ ދެމެދުގެ އަގެއްގަ އެވެ.

މީގެއިތުރުން ބާޒާރުގައި ލ. އަތޮޅުގެ މިރުސް ވިއްކަމުންދަނީ 45ރ. އަށެވެ. ކިލޯއެއް ވިއްކަމުންދަނީ 450ރ. އަށްކަން ފާހަގަކުރެވެ އެވެ.

މާރުކޭޓުގެ ގޮޅިއެއް ހިންގާ މީހަކު އަދަދު އަށް ބުނީ ކަނޑޫދޫ މިރުހުގެ އަގު އުފުލިގެން އުޅެނީ މިރުސް ލިބުމުގައި ހުރި ދަތިކަމާއި، މިރުސް ގަންނަންވެސް ލިބޭ އަގު ބޮޑުވުމުން ކަމަށެވެ.

މިގޮތުން ލަންކާއިން މިރުސް ގެނެސް ފައިދާ ލައިގެން މާ އަގުހެޔޮކޮށް ވިއްކޭ ކަމަށް އޭނާ ބުންޏެވެ.

"ރޯދަ މަހުގެ ފުރަތަމަ ހަފްތާގައި ކަނޑޫދޫ މިރުސް އާންމުކޮށް ބޮޑުވާނެ. އެކަމަކު މިފަހަރު ލިބޭލެއްވެސް އަގުބޮޑު. ލިބެނީވެސް މަދުން. ލަންކާ މިރުސް މި ގެނައީ އަގުހެޔޮކޮށް. ފައިދާ ލާފައި ވިއްކަމުން މިދަނީ ވަރަށް އަގުހެޔޮކޮށް އަސްލު،" އޭނާ ބުންޏެވެ.

ބާޒާރުގައި އިއްޔެއާ އަޅާބަލާއިރު މިއަދުވެސް ތަކެތީގެ އަގު ހުރީ ގާތްގަނޑަކަށް އެއް މިންވަރެއްގައި ހިފެހެއްޓިފަ އެވެ. ނަމަވެސް ރޯދައަށް ތަކެތީގެ އަގު ބާޒާރުގައި ބޮޑުވެގެންދިޔަކަން ފާހަގަކުރެވެ އެވެ.

މީގެއިތުރުން ބާޒާރުގައި އެކި ގޮޅިތަކުގައި ތަކެތީގެ އަގުތަކުގައި ބޮޑު ތަފާތުތަކެއް އުޅޭކަން ވެސް ވަނީ ފާހަގަކުރެވިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox