ވީބީ ބްރަދާސްގެ ހޯލްސޭލް އައުޓްލެޓެއް ގދ. ތިނަދޫގައި ހުޅުވައިފި

ވީބީ ބްރަދާސްގެ ހޯލްސޭލް އައުޓްލެޓެއް ގދ. ތިނަދޫގައި ހުޅުވުން -- ފޮޓޯ: ވީބީ

ވީބީ ބްރަދާސްގެ ހޯލްސޭލް އައުޓްލެޓެއް ގދ. ތިނަދޫގައި ހުޅުވުން -- ފޮޓޯ: ވީބީ

ރާއްޖޭގައި ފުޅާ ދާއިރާއެއްގައި ހޯލްސޭލް އަދި ރީޓެއިލް ވިޔަފާރިކުރާ ވީބީ ބްރަދާސްގެ ހޯލްސޭލް އައުޓްލެޓެއް ގދ. ތިނަދޫގައި އިއްޔެ ހުޅުވައިފި އެވެ.

ވީބީ ބްރަދާސްއިން ބުނީ ތިނަދޫގައި ފިހާރައެއް ހުޅުވީ، އެ ރަށަކީ ރާއްޖޭގެ ދެކުނުގައި ވިޔަފާރީގެ ވަރުގަދަ މަރުކަޒެއްގެ ގޮތުގައި ތަރައްގީ ވަމުން އަންނަ ރަށަކަށް ވުމާއެކު، އެރަށާއި އެ ސަރަހައްދުގެ އެހެން ރަށްތަކަށް ވީބީގެ މުދާ ފަސޭހައިން ލިބޭނެ ގޮތެއް ތަނަވަސްކޮށް ދިނުމަށް ކަމަށެވެ.

ވީބީގެ ގޮފިތައް ރާއްޖެއަށް ފުޅާކުރުމަކީ އެ ކުންފުނީގެ ވިސްނުމެކެވެ.

ވީބީގެ ހޯލްސޭލް އައުޓްލެޓް އައްޑޫ ސިޓީ، ފުވައްމުލައް ސިޓީ އަދި ކުޅުދުއްފުށި ސިޓީގައި މިހާރު ވެސް އެބަ ހުއްޓެވެ. އަދި މާލޭގައި ވީބީގެ ހޯލްސޭލް ތިން އައުޓްލެޓް ހުރިއިރު، ހުޅުމާލޭގައި އެއް އައުޓްލެޓް ހުރެ އެވެ.

ރީޓެއިލް ވިޔަފާރި ވެސް ފުޅާކޮށް ކުރަމުން އަންނަ ވީބީ ބްރަދާސްގެ ދެ މާޓު މާލޭގައި ހުރެ އެވެ. ހުޅުމާލޭ ފިތުރޯނު މަގުގައި ހުންނަ އޯޝަން ފްރަންޓް ރެސިޑެންސްގެ ގްރައުންޑު ފްލޯގައި ވީބީގެ މާޓެއް މިދިޔަ އަހަރު ވަނީ ހުޅުވައިފަ އެވެ.

ވީބީ ބްރަދާސްއިން ގދ. ތިނަދޫގައި ހުޅުވި އައު ހޯލްސޭލް އައުޓްލެޓް -- ފޮޓޯ: ވީބީ ބްރަދާސް
ވީބީ ބްރަދާސްއިން ގދ. ތިނަދޫގައި ހުޅުވި އައު ހޯލްސޭލް އައުޓްލެޓް -- ފޮޓޯ: ވީބީ ބްރަދާސް

ވީބީ ބްރަދާސްއިން ގދ. ތިނަދޫގައި ހުޅުވި އައު ހޯލްސޭލް އައުޓްލެޓް -- ފޮޓޯ: ވީބީ ބްރަދާސް

އާންމުކޮށް ދިވެހިން ބޭނުންކުރާ ހުރިހާ ބާވަތެއްގެ މުދާ ވީބީ ބްރަދާސްއިން ވިއްކަ އެވެ. ނަމަވެސް އެ ކުންފުނީގެ ސޯލް ޑިސްޓްރިބިއުޓަރުކަން ލިބިފައިވާ މުދަލުގެ ތެރޭގައި އަލްމުދިޝް ހިކި ކިރު އަދި ދިޔާ ކިރުގެ އިތުރުން އެ މަރުކާގެ ޓޮމާޓޯ ޕޭސްޓު ހިމެނެ އެވެ.

މަގުބޫލު ނެޕީ ބްރޭންޑު، މަމީޕޮކޯ އާއި ޕްރިންގަލްސްގެ ޗިޕްސް ވެސް އެތެރެކޮށް ވިއްކަނީ ވީބީންނެވެ. ކެލޮގްސް އަދި މަޝްހޫރު ޗޮކްލެޓް ބްރޭންޑް، މާސް ވެސް އެތެރެކޮށް ވިއްކަނީ ވީބީންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox