ދަރުމަވަންތަ ހޮސްޕިޓަލުން ފުރޮޅުލީ ގޮނޑި ނުލިބޭ މައްސަލަ ބޮޑުވެއްޖެ

ދަރުމަވަންތަ ހޮސްޕިޓަލް: އެ ހޮސްޕިޓަލުން ފުރޮޅުލީ ގޮނޑި ނުލިބޭ މައްސަލަ ވަނީ ބޮޑުވެފައި -- ފޮޓޯ: އަދަދު ފައިލް

ދަރުމަވަންތަ ހޮސްޕިޓަލް: އެ ހޮސްޕިޓަލުން ފުރޮޅުލީ ގޮނޑި ނުލިބޭ މައްސަލަ ވަނީ ބޮޑުވެފައި -- ފޮޓޯ: އަދަދު ފައިލް

ދަރުމަވަންތަ ހޮސްޕިޓަލުން ހިދުމަތް ހޯދަން ދާ ބަލި މީހުންނަށް ފުރޮޅުލީ ގޮނޑި ފަސޭހައިން ނުލިބޭ މައްސަލަ ބޮޑުވެއްޖެ އެވެ.

ފޭސްބުކްގައި އާންމު މީހަކު ކޮށްފައިވާ ޕޯސްޓެއްގައި ބުނީ ދަރުމަވަންތަ ހޮސްޕިޓަލުން ފުރޮޅުލީ ގޮނޑިއެއް ހޯދަން އެދުމުން، ފުރޮޅުލީ ގޮނޑި އަމިއްލައަށް އައިޖީއެމް ހޮސްޕިޓަލުން ގެނައުމަށް އެންގި ކަމަށެވެ.

"މިއަދު ދަރުމަވަންތަ ހޮސްޕިޓަލަށް ނުހިނގޭ މީހަކު ގޮވައިގެން ގޮސް ވީލްޗެއާއެއް ނުލިބިގެން ކައުންޓަރުގައި އެދުމުން ޖަވާބުދިނީ އަމިއްލައަށް ގޮސް އައިޖީއެމްއެޗުން ހޯދައިލައިގެން އަންނާށޯ. މީ ހިތާމަ ކުރަން ޖެހޭ ފެންވަރުގެ ހިދުމަތެއް،" އޭނާ ބުންޏެވެ.

އެކަމާ ގުޅިގެން މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއް ރައްޒާގް ހަލީމް "އަދަދު" އަށް ވިދާޅުވީ ހޮސްޕިޓަލަށް އަންނަ ބަލިމީހުންނަށް ފުރޮޅުލީ ގޮނޑި ހޯދުމަށް ދަތިތަކެއް ހުރިކަން ފާހަގަކުރެވިފައިވާ ކަމަށެވެ.

މިއަދު އޮތް އެޗްއޯޑީ ބައްދަލުވުމުގައި ފުރޮޅުލީ ގޮނޑި ފަސޭހައިން ލިބޭނެ އިންތިޒާމާއި، ޕްރޮސެސް ހަރުދަނާ ކުރުމަށް ނިންމާފައިވާ ކަމަށް ވެސް ހަލީމް ވިދާލުވި އެވެ.

ހަލީމް ވިދާޅުވީ ފުރޮޅުލީ ގޮނޑީގެ ހިދުމަތަށް ބުރޫ އަރަނީ ހިދުމަތްތައް ހޯދުމަށް އެ ގޮނޑިތައް ނެގުމަށްފަހު، ފަހުން އަނބުރާ އެކި ތަންތަނުގައި ބަހައްޓާތީ ކަމަށެވެ. އެގޮތުން ބޮޑު ސަރަހައްދަކުން އަނބުރާ ގޮނޑިތައް ހޯދުމަށް ވެސް ދަތިތައް ކުރިމަތިވާ ކަމަށް އޭނާ ވިދާޅުވި އެވެ.

"ހޮސްޕިޓަލުގައި ވީލްޗެއާ ހުންނާނެ. ދަރުމަވަންތަ ހޮސްޕިޓަލުގައި ވެސް އަދި އައިޖީއެމްއެޗް ހޮސްޕިޓަލުގައި ވެސް. ވީލްޗެއާގެ ޝޯޓޭޖެއް އުޅެނީކީއެއް ނޫން. ވީލްޗެއާ އަޅުގަނޑުމެން ކޮންމެ އަހަރަކު ވެސް އިތުރަށް ވެސް ނަގާނެ. މިދިޔަ އަހަރު ވެސް އަޅުގަނޑުމެން ވީލްޗެއާތަކެއް ގަނެފައި ހުންނާނެ،" އޭނާ ވިދާޅުވި އެވެ.

މީގެއިތުރުން ހަލީމް ވިދާޅުވީ ދަރުމަވަންތަ ހޮސްޕިޓަލުގެ އިތުރުން އައިޖީއެމްއެޗް ހޮސްޕިޓަލުން ފުރޮޅުލީ ގޮނޑި ބޭނުންވާ ބަލި މީހުންނަށް އެ ހިދުމަތް ކައުންޓަރުތަކުން ފޯރުކޮށްދޭނެ ކަމަށެވެ.

ހޮސްޕިޓަލުތަކުގައި އާންމުންކޮށް ފުރޮޅުލީ ގޮނޑިއަކީ ލިބެން ޖެހޭ އެންމެ އަސާސީ އެއް ހިދުމަތެވެ. މިގޮތުން މީގެ ކުރިން އެފަދަ އެއްވެސް ޝަކުވާއެއް ފެންމަތިވެފައި ނުވާކަން ވެސް ފާހަގަކުރެވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox