އަންނަ ހޮނިހިރުގެ ކުރިން އައިސް ޕްލާންޓުތައް މިފްކޯއާ ހަވާލުކުރަނީ

ކޫއްޑު ފިޝަރީޒް ކޮމްޕްލެކްސްގައި މަސް ކިރުމުގެ މަސައްކަތް ކުރަނީ: ސަރުކާރުން މަސައްކަތް ކުރަނީ އައިސްއަށް ބަރޯސާވުން އެއްކޮށް ނައްތާލަން ކަމަށް ޝިޔާމް ވިދާޅުވި -- ފޮޓޯ: މިފްކޯ

ކޫއްޑު ފިޝަރީޒް ކޮމްޕްލެކްސްގައި މަސް ކިރުމުގެ މަސައްކަތް ކުރަނީ: ސަރުކާރުން މަސައްކަތް ކުރަނީ އައިސްއަށް ބަރޯސާވުން އެއްކޮށް ނައްތާލަން ކަމަށް ޝިޔާމް ވިދާޅުވި -- ފޮޓޯ: މިފްކޯ

ފެނަކައިން ހިންގުން ހުއްޓާލާފައިވާ ހުރިހާ އައިސް ޕްލާންޓުތަކެއް އަންނަ ހޮނިހިރުގެ ކުރިން މިފްކޯގެ ދަށަށް ބަދަލުކޮށް ނިންމައި, މަސްވެރިންނަށް އައިސް ލިބުުމުގައި ހުރި ދަތިތައް ހައްލުކުރާނެ ކަމަށް ފިޝަރީޒް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެ އެވެ.

މަސްވެރިންނަށް އައިސް ލިބުމުގައި ދިމާވާ ދަތިތަކާ ގުޅޭ ގޮތުން ރައްޔިތުންގެ މަޖިލީހުގައި މެންބަރުން ކުރި ސުވާލުތަކަށް ޖަވާބު ދެއްވަމުން ޝިޔާމް ވިދާޅުވި ގޮތުގައި މި މައްސަލަ ދިމާވީ ކުރީ ސަރުކާރުން އައިސް ޕްލާންޓުތައް ހިންގުން ފެނަކައާ ހަވާލުކުރުމުންނެވެ.

މިކަމުގެ ތަފުސީލުތަކަށް ވަޑައިގަންނަވަމުން މިނިސްޓަރު ވިދާޅުވީ, ފެނަކައިގައި އައިސް ޕްލާންޓުތައް ހިނގުމުގެ ފަންނީ ގާބިލުކަން ނެތް ކަމަށެވެ. މީގެ ސަބަބުން އައިސް ޕްލާންޓުތަކަށް މައްސަލަ ޖެހި, ސަރުކާރު ބަދަލުވިއިރު ބައެއް އައިސް ޕްލާންޓުތައް ހުރީ ބޭނުންނުކުރެވޭ ހާލަތުގައި ކަމަށް އޭނާ ވިދާޅުވި އެވެ.

"ފެނަކަ ކިޔާ ކަރަންޓު ދޭ ކުންފުންޏަަކަށް އައިސް ޕްލާންޓުތައް ދީފަ ހުރީ. އައިސް ޕްލާންޓަކާ ކުޅެން އެނގޭނެ މީހަކު ވެސް އެ ތާނގައި ނެތް. ދެން އިއްޒަތްތެރި މެންބަރު ވިސްނަވާ އެ އައިސް ޕްލާންޓުތަކަށް ވާނެ ގޮތް," ޝިޔާމް ވިދާޅުވި އެވެ.

މައްސަލަ ޖެހުނު އައިސް ޕްލާންޓުތައް މިހާރު އޮޕަރޭޝަނަށް ގެނެސްފައިވާ ކަމަށް ވެސް މިނިސްޓަރު ވިދާޅުވި އެވެ. އަދި މިފްކޯއިން މި ތަންތަން ހިންގަން ފެށުމުން މި މައްސަލަތައް ދިމާ ނުވާނެ ކަމަށް ވެސް ޝިޔާމް ވިދާޅުވި އެވެ.

އޭގެ އިތުރުން އައިސް ޕްލާންޓުތަކަށް ބަރޯސާވުން ނިމުމަކަށް ގެންނަން 50 ފޫޓުން ފެށިގެން ބޮޑު ހުރިހާ މަސް ބޯޓެއްގައި ރެފްރިޖަރޭޓަޑް ސޯލްޓް ވޯޓާ (އާރުއެސްޑަބްލިޔު) ނިޒާމު ހަރުކުރަން ވަރަށް ލުއި ފެސިލިޓީއެއް ތައާރަފުކޮށްފައިވާ ކަން ޝިޔާމް ފާހަގަކުރެއްވި އެވެ.

"އަޅުގަނޑު އުއްމީދުކުރަން ދިވެހިރާއްޖޭގެ ހުރިހާ ދޯނިތަކެއް މި ފެސިލިޓީއަށް ގޮސް އައިހަށް ދުއްވާދުއްވުން, އެއީ ވަރަށް ގިނަ ހޭދަ, ވަރަށް ބޮޑު ހޭދައެއް އެއީ ތެލަށް ކުރާ ހޭދައަކީ އެއީ," މިނިސްޓަރު ވިދާޅުވި އެވެ.

މި ފެސިލިޓީގެ ދަށުން ދެކުނުގެ 60 ޕަސެންޓު މަސް ބޯޓުތަކުގައި މި ނިޒާމު ގާއިމުކުރެވިފައިވާ ކަމަށް ވެސް ޝިޔާމް ވިދާޅުވި އެވެ. އަދި މުސްތަގުބަލުގައި މުޅި މަސް ފްލީޓުގައި މި ނިޒާމު ހަރުކުރެވުމުން އެއްގަމުގައި ހުރި އައިސް ޕްލާންޓުތަކަށް ބަރޯސާވުން އެއްކޮށް ނިމުމަކަށް ގެނެވޭނެ ކަމަށް އޭނާ ވިދާޅުވި އެވެ.

ފެނަކައިން 14 ރަށެއްގައި ހުރި އައިސް ޕްލާންޓުތަކާ ހަވާލުވީ ސެޕްޓެމްބަރު, 2022 ގަ އެވެ. ނަމަވެސް ސަރުކާރު ބަދަލުވެ, ފެނަކަ ހިންގުމާ ހަވާލުވީ އާ މެނޭޖުމަންޓުން ވަނީ މި ތަންތަން ހިންގައިގެން އެ ކުންފުންޏަށް ގެއްލުން ވާތީ މިދިޔަ އަހަރުގެ އޮގަސްޓުގައި އައިސް ޕްލާންޓުތައް ހިންގުން ހުއްޓާލަން ނިންމާފަ އެވެ.

މިކަމާ ގުޅޭ މައުލޫމާތު ދެމުން އޭރު ބޭއްވި ނޫސްވެރިންގެ ބައްދަލުވުމެއްގައި ފެނަކައިގެ އޭރުގެ މެނޭޖިން ޑިރެކްޓަރު މުއާޒު މުހައްމަދު ރަޝީދު ވިދާޅުވީ އެ ތަންތަނުން އަހަރަކު 12 މިލިއަން ރުފިޔާގެ ގެއްލުން ލިބެމުންދާ ކަމަށެވެ.

އައިސް ޕްލާންޓުތަކާ މިފްކޯއިން ހަވާލުވުމުގެ ކަންކަމާ ގުޅޭ ގޮތުން މިފްކޯގެ ޕީއާރު މެނޭޖަރު އިބްރާހިމް ސައީދު މި ފަހުން "އަދަދު" އަށް ވިދާޅުވީ, މިހާރު ކުރިއަށް ދަނީ މިނިސްޓްރީ މެދުވެރިވެގެން ދެ ކުންފުނިން އެއްބަސްވާން ޖެހޭ ކަންކަމާ ގުޅޭ މަޝްވަރާތައް ކަމަށެވެ.

މިފްކޯއިން ފާހަގަކުރި ކަންކަމުގެ ތެރޭގައި އައިސް ޕްލާންޓުތަކަށް ބޭނުންވާ ވަރަށް ވުރެ އިތުރަށް ތިބި މުވައްޒަފުންގެ މައްސަލަ އާއި އައިސް ޕްލާންޓުތަކުން ބޭނުންކުރާ ކަރަންޓަށް މިހާރަށް ވުރެ ކުޑަ ރޭޓެއް ދިނުމާ ގުޅޭ ކަންކަން ހިމެނެ އެވެ.

އިބްރާހިމް ސައީދު ވިދާޅުވި ގޮތުގައި އިތުރަށް ތިބި މުވައްޒަފުންނާ ހަވާލުވާން ފެނަކައިން އެއްބަސްވި ނަމަވެސް ހާއްސަ ރޭޓެއް ކަނޑައެޅުމާ ގުޅޭ ގޮތުން އަދި ގޮތެއް ނުނިމެ އެވެ.

މިފްކޯއިން މި ރޭޓު ބޭނުންވަނީ އެ ތަންތަނަކީ ވަރަށް ގިނަ އަދަދަކަށް ކަރަންޓު ބޭނުންކުރާ ތަންތަނަށް ވެފައި ހާއްސަ ރޭޓެއް ނުދީފި ހާލަތެއްގައި އެ ކުންފުންޏަަށް މާލީ ގޮތުން އިތުރު ދަތިތަކާ ކުރިމަތިލާން ޖެހޭނެތީ އެވެ. ސަރުކާރު ކުންފުނިތަކުގެ ތެރެއިން މިހާރު ވެސް މާލީ ހާލަތު އެންމެ ގޯސް އެއް ކުންފުންޏަކީ މިފްކޯ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox