ސިމެންތީގެ ފެންވަރު ފުރިހަމައަށް ވަޒަން ކުރެވޭނީ އިމާރާތް ކުރުމާއި އުމްރާނީ ތަރައްގީގެ މަސައްކަތްތަކުގައި ބޭނުންކުރުމުން ނުކުންނަ ނަތީޖާ އާއި ލެބޯޓަރީ ޓެސްޓުތަކުންނެވެ. އެ ހުރިހާ މިންގަނޑަކުން ވެސް ވިލާ ހަކަތައިގެ ސިމެންތިއަކީ ކޮންސްޓްރަކްޝަން ދާއިރާގައި އިތުބާރު ލިބިފައިވާ އޭގެ ފެންވަރު ހިފަހައްޓައި ދަމަހައްޓާ އުފެއްދުމެކެވެ.
ވިލާ ހަކަތައިން ލޫޒް ސިމެންތި އެތެރެކޮށް، އެ ސިމެންތި ސްޓޯރޭޖް ސައިލޯ ފެސިލިޓީގައި ވަރަށް ފަރުވާތެރިކަމާއެކު ރައްކާ ކުރެ އެވެ. ކޮލިޓީ ހިފެހެއްޓުމަށް ވަގުތުން ވަގުތަށް ސިމެންތި ޕެކް ވެސް ކުރެ އެވެ.
ފާއިތުވެދިޔަ ފަސް އަހަރު ތެރޭގައި ވިލާ ސިމެންތި ރާއްޖޭގެ ކޮންސްޓްރަކްޝަން މާކެޓުގައި ކުރިއެރުން ހޯދީ ކޮލިޓީގެ ސަބަބުން ކަމަށްވާއިރު، ފާއިތުވި އަހަރުތަކުގައި ވިލާ ހަކަތައިން ވަނީ ޕެކިން ކެޕޭސިޓީ ވެސް އިތުރު ކޮށްފަ އެވެ.
އެގޮތުން ވިލާ ހަކަތައިގެ އަށް ސިމެންޓް ސައިލޯސްގައި 16،000 މެޓްރިކް ޓަނުގެ ސިމެންތި ރައްކާ ކުރުމުގެ ގާބިލުކަން މިހާރު ލިބިފައިވެ އެވެ.
އެ ކުންފުނިން އުފައްދަނީ 50 ކިލޯގެ ސިމެންތި ބަސްތާ އަދި އެއް މެޓްރިކް ޓަނުގެ ޖަމްބޯ ބަސްތާގެ ސިމެންތި އެވެ.
ވިލާ ހަކަތައިން އަންނަނީ ސިމެންތީގެ އިތުރުން ޕްލައިވުޑް، ޝެރާ ބޯޑް، ބައިޑިން ވަޔާ، ޑީފޯމްޑް ސްޓީލް ބާސް، ހިލަ އާއި ހިލަވެލި، ބްލެކް ފިލްމް ފޭސްޑް ޕްލައިވުޑް އަދި ޓިނު ވެސް ވިއްކަމުންނެވެ.
ވިލާގެ ސިމެންތިއާ ގުޅޭ މައުލޫމާތު ހޯދުމަށް 7236464 ނަންބަރަށް ގުޅައިގެން ނުވަތަ sales@vhpl.com އަށް މެއިލް ކޮށްލައިގެން ލިބޭނެ ކަމަށް އެ ކުންފުނިން ބުންޏެވެ.
ވިލާ ހަކަތައިން މީގެ 24 އަހަރު ކުރިން ފެށިގެން ރާއްޖޭގެ އުމްރާނީ ތަރައްގީގެ މަޝްރޫއުތަކުގައި ބޮޑު ދައުރެއް އަދާކޮށް، ރާއްޖޭގެ މާކެޓުތަކަށް ފެންވަރު ރަނގަޅު އުފެއްދުންތައް ފޯރުކޮށްދެމުންނެވެ.
