އެމްޑީޕީ އެތެރޭ އިންތިހާބުގެ ވޯޓުލުން މާދަން ކުރިއަށް ދާނެ ކަމަށް އެ ޕާޓީގެ ރައީސް ވިދާޅުވެއްޖެ އެވެ.
އެ ޕާޓީގެ ގައުމީ މަޖިލީހުގެ ހުސްވެފައިވާ މަގާމުތަކަށް ކުރިމަތިލާން ހުޅުވާލީ ޖުލައި 7، ގަ އެވެ. ޖުމްލަ 25 ދާއިރާއަކަށް މާދަމާ މީހުން އިންތިހާބު ކުރާއިރު، ވޯޓުލުން ކުރިޔަށް ދާނީ މެންދުރުފަހު 2:30 އިން ފެށިގެން ރޭގަނޑު 9:00 އާ ހަމައަށެވެ.
އެމްޑީޕީން ބުނި ގޮތުގައި މި އިންތިހާބުގައި 10،687 މީހުންނަށް ވޯޓު ދިނުމުގެ ހައްގު ލިބިގެންވެ އެވެ. މާލޭގައި ވޯޓު ފޮށިތައް ހުންނަނީ ހިރިޔާ ސްކޫލާއި ތާޖުއްދީން ސްކޫލްގަ އެވެ.
އެމްޑީޕީގެ ރައީސް އަބްދުﷲ ޝާހިދު އެކްސްގައި ކުރެއްވި ޕޯސްޓުގައި ވިދާޅުވީ އެމްޑީޕީއަކީ އަބަދުވެސް އެތެރޭގެ ޑިމޮކުރެސީ އެންމެ ހަރުދަނާ ޕާޓީ ކަމަށެވެ. މިފަހަރުގެ އިންތިހާބުގައި ވެސް ވޯޓުލާން ނުކުތުމަށް އޭނާ އެދިވަޑައިގެންނެވި އެވެ.
