މިރޭ ފަށާ ޔޫރޯ ފުޓުބޯޅަ މުބާރާތުގައި ކުޅޭ މެޗުތަކުގެ ސްކޯ ދިމާކޮށްގެން އަގުހުރި އިނާމުތަކެއް ހޯދުމުގެ ފުރުސަތު "އަދަދު" އިން ހުޅުވާލައިފި އެވެ.
ސްކޯ ދިމާ ކޮށްގެން އިނާމު ހޯދުމުގެ ފުރުސަތު "އަދަދު" އިން ހުޅުވާލައިފައި ވަނީ ގޯލްއާރްއާ ގުޅިގެންނެވެ. އެއީ ޔޫރޯއަށް ހާއްސަކޮށް އަދަދު ނޫހުން އިއްޔެ ލޯންޗު ކުރި "ބޯޅަ އީދު" ކަވަރޭޖުގެ ތެރެއިން ކުރިއަށް ގެންދާ ހަރަކާތެކެވެ.
ގޯލްއާރް އެޕު ފޯނަށް އަޅައިގެން ބޯޅަ އީދު ލީގުގައި ގައި ކޮންމެ މީހަކަށް ވެސް ބައިވެރިވެވޭނެ އެވެ. އަދަދުގެ "ބޯޅަ އީދު - ޔޫރޯ 24" ގައި ބައިވެރިވެވުމަށް:
- އެޕަށް ލޮގިންވުން
- ޕްރޮފައިލް ސިލެކްޓު ކޮށްލުމަށްފަހު 100ރ. އަށް 250 ގެ ޓޯކަންއެއް ޓޮޕްއަޕް ކޮށްލުން
- ލީގްސް ސިލެކްޓު ކޮށްލުމަށްފަހު "ބޯޅަ އީދު - ޔޫރޯ 24" އަށް ޖޮއިން ކޮށްލުން
"ބޯޅަ އީދު - ޔޫރޯ 24" ގައި ބައިވެރިވާ ފަރާތްތަކުގެ ތެރެއިން ރަނގަޅު ސްކޯ ދިމާކުރާ ފަރާތްތަކުގެ މެދުގައި ކޮންމެ މެޗަކަށްފަހު ނަގާ ގުރުއަތަކުން ހޮވޭ ނަސީބުވެރި ފަރާތަކަށް ޕިއްޒާ ބޯނާއިން ދޭ ޕިއްޒާއެއް ލިބޭނެ އެވެ.
ޔޫރޯގެ ހުރިހާ މެޗުތަކެއް ނިމޭއިރު، އެންމެ ގިނަ މެޗުތަކުގެ ރަނގަޅު ސްކޯ ދިމާކުރާ ފަރާތްތަކުގެ މެދުގައި ނަގާ ގުރުއަތަކުން ހޮވޭ ނަސީބުވެރި އެއް ފަރާތަކަށް އައިފޯން 15 ޕްރޯ މެކްސްއެއް ލިބޭނެ އެވެ.
ބޯޅަ އީދު ލީގުގައި ބައިވެރިވެ މުޅި މުބާރާތް ނިމޭއިރު ސްކޯ ދިމާކުރާ ފަރާތްތަކުގެ ތެރެއިން ދެވަނަ އަދި ތިންވަނައަށް ދާ ފަރާތްތަކަށް ވެސް ހާއްސަ އިނާމުތަކެއް ޔޫރޯ ނިމޭއިރު ލިބިގެންދާނެ އެވެ.
އޭގެއިތުރުން މުބާރާތުގެ އެކި މަރުހަލާތަކުގައި ވެސް އެއްވަނަ ދެވަނަ ތިންވަނަ ހޮވާނެ އެވެ. އެގޮތުން ހޮވާނެ މަރުހަލާތަކަކީ:
- ގްރޫޕް ސްޓޭޖު ނިމޭއިރު، އެންމެ ގިނަ ޕޮއިންޓު ހޯދާފައިވާ ފަރާތްތައް [1،2،3 ވަނަ]
- ރައުންޑް އޮފް 16 ނިމޭއިރު، އެންމެ ގިނަ ޕޮއިންޓު ހޯދާފައިވާ ފަރާތްތައް [1،2،3 ވަނަ]
- ސެމީ ފައިނަލް ނިމޭއިރު، އެންމެ ގިނަ ޕޮއިންޓު ހޯދާފައިވާ ފަރާތްތައް [1،2،3 ވަނަ]
ގޯލްއާރް އެޕްގެ ލީގުތަކުގައި ބައިވެރިވާ ފަރާތްތަކުން އަމަލު ކުރަންޖެހޭ ގަވާއިދު އެޕްލިކޭޝަނުން ބަލައިލެވޭނެ އެވެ.
ގޯލްއާރް އެޕުގައި "ބޯޅަ އީދު - ޔޫރޯ 24" ގެ އިތުރުން ވެސް އެހެން ލީގުތައް ހުންނާނެ އެވެ. އަދި ކޮންމެ މީހަކަށް ވެސް ވަކިވަކި ލީގުތައް އަމިއްލައަށް ހެދުމުގެ ފުރުސަތު ވެސް ގޯލްއާރް އެޕުން ލިބެ އެވެ.
