ޓީއެމްއޭގެ ސީޕްލޭންއެއް މޫދަށް ޖައްސަން އުޅުމުގެ ތެރޭގައި ބޯޓުގެ ކަނދަށް ގެއްލުންވެ ދިޔަވި ހާދިސާ ސިވިލް އޭވިއޭޝަން އޮތޯރިޓީން ތަހުގީގު ކުރަން ފަށައިފި އެވެ.
އެ އޮތޯރިޓީން ދެންމެ ނެރުނު ބުލެޓިންއެއްގައި ބުނީ އެ ހާދިސާ ހިނގާފައި ވަނީ ބ. އަތޮޅު ސީސައިޑް ފިނޮޅު ރިސޯޓުން ފުރައިގެން އެ އަތޮޅު ވެސްޓިން މިރިޔަންދޫ ރިސޯޓަށް ދަތުރު ކުރި ބޯޓަކަށް ކަމަށެވެ. މައްސަލަ ދިމާވީ އެ ބޯޓުގެ ކަނާތު ކަނދަށް ކަމަށް ވެސް އެ ބުލެޓިންގައި ބުނެފައިވެ އެވެ.
އެ ހާދިސާގައި ހިނގިއިރު، ބޯޓުގައި 11 ފަސިންޖަރުންނާއި ތިން ކުރޫއިންނާ އެކު ޖުމުލަ 14 މީހުން ތިބި ނަމަވެސް އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެ އޮތޯރިޓީން ބުނެފައިވެ އެވެ.
އެ ބުލެޓިންގައި އިތުރަށް ބުނެފައި ވަނީ އެ ހާދިސާގައި ބޯޓަށް އެކިވަރުގެ ގެއްލުންވި ނަމަވެސް ބޯޓުގައި އުފުލި އެއްވެސް ދާގީނާއަކަށް ގެއްލުމެއް ނުވާ ކަމަށެވެ.
ޑީއެޗްސީ ޑޭޝް 6 މަރުކާގެ އެ ސީޕްލޭންގެ ކަނދަށް މައްސަލަ ދިމާވެ ހާދިސާ ހިނގީ މިއަދު މެންދުރުން އަނބުރައި 3:30 ހާއިރު ކަމަށް ސިވިލް އޭވިއޭޝަނުން ބުންޏެވެ.
