ކޮރަޕްޝަނުގެ ތުހުމަތުކުރެވޭތީ ޖިހާދާއި ދީދީ މަގާމުން ވަކިކުރަން މަދަނީ ޖަމިއްޔާތަކުން ގޮވާލައިފި

މަގާމުން ވަކިކުރަން ގޮވާލި އަބްދުﷲ ޖިހާދާއި (ވ) އަބްދުﷲ ދީދީ: ޖިހާދުގެ މައްޗަށް ދައުވާކުރި ނަމަވެސް ދީދީގެ މައްޗަށް އަދި ކޯޓެއްގައި ދައުވާނުކުރެވޭ ---

މަގާމުން ވަކިކުރަން ގޮވާލި އަބްދުﷲ ޖިހާދާއި (ވ) އަބްދުﷲ ދީދީ: ޖިހާދުގެ މައްޗަށް ދައުވާކުރި ނަމަވެސް ދީދީގެ މައްޗަށް އަދި ކޯޓެއްގައި ދައުވާނުކުރެވޭ ---

ކޮރަޕްޝަންގެ މައްސަލަތަކެއްގައި ތުހުމަތުކުރެވޭތީ ސަރުކާރުގެ އިސް މަގާމުތަކަކަށް އައްޔަންކޮށްފައިވާ ކުރީގެ ފިނޭންސް މިނިސްޓަރު އަބްދުﷲ ޖިހާދާއި ހައި ކޯޓުގެ ކުރީގެ ފަނޑިޔާރު އަބްދުﷲ ދީދީ މަގާމުން ވަކިކުރަން މަދަނީ ޖަމިއްޔާތަކަކުން މިއަދު ގޮވާލައިފި އެވެ.

މިކަމަށް ގޮވާލީ ޖަމިއްޔާތަކުގެ ތެރޭގައި ހިމެނެނީ ޓްރާންސްޕޭރެންސީ މޯލްޑިވްސް އާއި އެސޯސިއޭޝަން ފޯ ޑިމޮކްރެސީ އިން މޯލްޑިވްސް އާއި ސޭވް މޯލްޑިވްސްގެ އިތުރުން ޒީރޯ ވޭސްޓް މޯލްޑިވްސް އިންނެވެ.

މި ހަތަރު ޖަމިއްޔާއިން ނެރުނު ގުޅިފައިވާ ނޫސް ބަޔާނެއްގައި ބުނީ ކޮރަޕްޝަނުގެ ތުހުމަތުކުރެވޭ ދެ މީހަކު ސަރުކާރުގެ އިސް މަގާމުތަކަށް އައްޔަނުކުރުމަކީ، ކޮރަޕްޝަނާއި ކުށް ކުރާ މީހުންނަށް އަދަބު ނުލިބުން ހުއްޓުވަން ސަރުކާރުން ބޭނުންވާ ކަމާމެދު ސުވާލު އުފެދޭ ކަމަށެވެ.

"މި ނިންމުންތަކުގެ ސަބަބުން ނުފޫޒު ފޯރުވަން މަގުފަހިވެ، ކޮރަޕްޝަނުގެ ތުހުމަތުކުރެވޭ އޮފިޝަލުންގެ ތަހުގީގުތަކަށް ހުރަސްއެޅި، ދައުލަތުގެ އިދާރާތަކާއި ޝަރުއީ ނިޒާމާއި ތަހުގީގު ކުރާ އިދާރާތަކަށް ރައްޔިތުންގެ ކުރާ އިތުބާރު ކުޑަވެގެންދޭ," މަދަނީ ޖަމިއްޔާތަކުން ބުނެފައިވެ އެވެ.

އެގޮތުން, މި ސަރުކާރުން އުފެއްދި މޯލްޑިވްސް އިންޓަނޭޝަނަލް ފައިނޭންޝަލް ސާވިސް އޮތޯރިޓީގެ ޗެއާމަނަކަށް އައްޔަނުކުރި ޖިހާދަކީ، ފިނޭންސް މިނިސްޓަރަކަށް ހުންނަވައިގެން ކެބިނެޓުގެ ނިންމުމާ ހިލާފަށް ކ. ފުށިދިއްގަރުފަޅު ޖޮއިންޓް ވެންޗާ އެއްބަސްވުން ސަރުކާރަށް ގެއްލުންވާ ގޮތަށް އެކުލަވާލި މައްސަލައިގައި ދައުވާ އުފުލާފައިވާ މީހެކެވެ.

ހަމައެހެންމެ، ނައިބު ރައީސްއަކަށް ހުންނެވި ދުވަސްވަރު ދިރިއުޅެން ޖިހާދަށް ދީފައި ހުރި ރެހެންދި އެޕާޓްމަންޓު ހުސްނުކުރި މައްސަލައިގައި ނުހައްގު މުއްސަނދިކަން ހޯދުމުގެ ދައުވާކޮށް، އެ އެޕާޓްމަންޓުގެ ކުއްޔާއި މެއިންޓެނަންސަށް ހިނގި އެއް މިލިއަނަށް ވުރެ ގިނަ ރުފިޔާ ބަދަލު ހޯދަން ވެސް ދައުވާކޮށްފަ އެވެ. މަދަނީ ޖަމިއްޔާތަކުން ބުނީ މި އަހަރުގެ ޖެނުއަރީގައި މި ދައުވާތައް އަނބުރާ ގެންގޮސްފައިވާ ކަމަށެވެ.

މަގާމުން ދުރުކުރަން ދެން ގޮވާލާފައިވާ ރައީސް އޮފީހުގެ ލީގަލް ކައުންސިލަކަށް އައްޔަނުކުރި ދީދީއަކީ ރިޝްވަތު ހިފި މައްސަލަތަކެއް ޖުޑީޝަލް ސާވިސް ކޮމިޝަން (ޖޭއެސްސީ) އިން ބެލުމަށް ފަހު، ސުޕްރީމް ކޯޓުގެ ފަނޑިޔާރުކަމުން ރައްޔިތުންގެ މަޖިލީހުން ވަކިކޮށްފައިވާ މީހެކެވެ. އޭނާގެ މައްޗަށް ތުހުމަތުކުރެވޭ ކޮރަޕްޝަންގެ މައްސަލައިގެ ތަހުގީގު ނިމި، މިހާރު އޮތީ ދައުވާކުރާ ހިސާބުގައި ކަމަށް މައުލޫމާތު ލިބެ އެވެ.

ކޮރަޕްޝަންގެ ތުހުމަތު ކުރެވޭ މީހުން މަގާމުން ވަކިކުރުމުގެ އިތުރުން، ގާބިލިއްޔަތު ވަޒަންކުރުމަށް ފަހު ސިޔާސީ މަގާމުތަކަށް މީހުން އައްޔަނުކުރުމަށާއި ކޮރަޕްޝަނާ ދެކޮޅަށް އިދާރާތައް މިހާރަށް ވުރެ ބާރުވެރިކުރުވަން ވެސް އެ ޖަމިއްޔާތަކުން ގޮވާލާފައިވެ އެވެ. އަދި ކޮރަޕްޝަންގެ ތުހުމަތުކުރެވޭ މީހުންގެ މައްސަލަތައް މިހާރަށް ވުރެ ދެފުށް ފެންނަ ނިޒާމެއްގެ ތެރެއިން ބެލޭނެ ގޮތް މަހުފަހިކޮށްދީ، ޒިންމާދާރުކުރެވޭނެ ފަދަ ގޮތަކަށް ސިޔާސަތުތައް ބައްޓަން ކުރަން ވެސް ގޮވާލާފައިވެ އެވެ.

ކޮމެންޓް

ފަހުގެ ޚަބަރު

އިހަވަންދިއްޕޮޅުގައި ވިޔަފާރި ބަނދަރު ހަދަން ސޮއިކޮށްފި

އިހަވަންދިއްޕޮޅުގައި ބައިނަލްއަގުވާމީ ވިޔަފާރި ބަނދަރަކާއި މެރިޓައިމް އަދި ސިނާއީ މަސައްކަތްތަކަށް ބޭނުންވާ ވަސީލަތްތައް ގާއިމުކުރުމަށް ޔޫއޭއީގެ ސަހު ގްރޫޕާއެކު ސަރުކާރުން މިއަދު ސޮއިކޮށްފިއެވެ. މި މަޝްރޫއުގެ ދަށުން އެ ސަރަހައްދުގައި ޓޫރިޒަމް ތަރައްގީކުރުން ވެސް ހިމެނޭއިރު، މިއީ ރާއްޖޭގެ އެންމެ އުތުރުގައި އިގްތިސާދީ ހަރަކާތްތައް ފުޅާކުރުމަށް ކުރިއަށްގެންދާ މުހިންމު މަސައްކަތެކެވެ.

މާދަމާރޭގެ ޖަލްސާއަށް ދާން ސަރުކާރު މުވައްޒަފުންނަށް އަންގައިފި

މާދަމާރޭ ބާއްވާ ޖަލްސާއަށް، ސަރުކާރުގެ ހުރިހާ މުވައްޒަފުން އެމީހުންގެ އަނބިން ނުވަތަ ފިރިންނާއެކު ބައިވެރިވުމަށް ރައީސުލްޖުމްހޫރިއްޔާ ވަނީ ދައުވަތު އަރުވާފައެވެ. މި ޖަލްސާއަށް ދާ މުވައްޒަފުންނާއި އެމީހުންގެ އަނބިފިރިންގެ މައުލޫމާތު މިއަދު މެންދުރުގެ ކުރިން ރައީސް އޮފީހަށް އެންގުމަށް ވުޒާރާތަކަށް ވަނީ އަންގާފައެވެ.

އަދާލަތުން ސަރުކާރަށް ތާއީދުކުރުމުން އަލީ ޒާހިރު ފާޑުވިދާޅުވެއްޖެ

އޭނާ ވިދާޅުވީ މިއީ ގިނަ ބައެއްގެ އުއްމީދުތަކާއި ބުރަ މަސައްކަތް ފޮހެވިގެންދާނެ ހިތާމަވެރި ނިންމުމެއް ކަމަށެވެ. އަދާލަތުން މި ނިންމުން ނިންމާފައިވަނީ 2028 ވަނަ އަހަރުގެ ރިޔާސީ އިންތިޚާބުގައި ރައީސް މުޢިއްޒަށް ތާއީދުކުރުމުގެ ގޮތުންނެވެ.

ބަޖެޓު ރާވާފައި ވަނީ މުވައްޒަފުން ނުނަގާ ހިންގޭ ގޮތަށް: ފިނޭންސް

މަޖިލީހަށް މައުލޫމާތު ދެމުން ފިނޭންސުން ބުނީ އަންނަ އަހަރުގެ ބަޖެޓު ރާވާފައި ވަނީ އާ މުވައްޒަފުން ނުނަގާ ދައުލަތް ހިންގޭ ގޮތަށް ކަމަށް. އަދި މުސާރަ ކަނޑައެޅުމުގައި ބަލަނީ ދައުލަތުގެ ފޯރުންތެރިކަން ހުރި މިންވަރަށް ކަމަށް.

ޕެންޝަން އޮފީހުގެ ސީއޯއޯގެ މަގާމުން ޝިއުނާ ވަކިކޮށްފި

ޕެންޝަން އޮފީހުގެ ސީއޯއޯގެ މަގާމުން މަރިޔަމް ޝިއުނާ ވަކިކޮށްފައިވަނީ، އެ އޮފީހުގެ ޗެއާޕާސަނާ ގުޅޭ މައްސަލަތަކެއް ކަމާބެހޭ އިދާރާތަކަށް ހުށަހެޅުމާއި ސަރުކާރުން ފައިސާ ޗާޕުކުރި މުއާމަލާތާ ދެކޮޅު ހެދުމުންނެވެ. މިދިޔަ ސެޕްޓެމްބަރު މަހުން ފެށިގެން ސަސްޕެންޝަނުގައި ހުރި ޝިއުނާ އެ މަގާމުން ވަކިކުރިއިރު، އޭނާއަކީ މީގެ ކުރިން އޭސީސީގެ ރައީސްކަންވެސް ކުރައްވާފައިވާ ބޭފުޅެކެވެ.

ރަސްމާލެ ވިއްކާލުމާ ދެކޮޅަށް އިހުތިޖާޖަށް ނުކުންނަން ގޮވާލައިފި

ބޭރުގެ ބަޔަކަށް 99 އަހަރަށް ރަސްމާލެ ވިއްކާލުމާ ދެކޮޅަށް އެމްޑީޕީން އެކަތިގަނޑެއްގެ ގޮތުގައި އިހުތިޖާޖަށް ނުކުތުމަށް މެންބަރު މީކާއިލް ގޮވާލައްވައިފިއެވެ. މި މަޝްރޫއާ މެދު ރައްޔިތުންގެ ފެންނަނުފެންނަ ވޯޓެއް ނެގުމަށް އެމްޑީޕީން ގަރާރެއް ހުށަހަޅާފައިވާއިރު، އެކަމުގައި ޕާޓީގެ ޒިންމާ ބޮޑުކަމަށް މީކާއިލް ފާހަގަކުރެއްވިއެވެ.

ޕީއެންސީއާއެކު އަދާލަތުން ކޯލިޝަން ހަދައިފި

މި އެއްބަސްވުމުގެ ދަށުން ސަރުކާރުގެ އިސް މަގާމުތައް އަދާލަތު ޕާޓީގެ މެންބަރުންނަށް ދިނުމަށް ވަނީ ހަމަޖެހިފައެވެ. އަދާލަތު ޕާޓީއަކީ މީގެ ކުރިން އެމްޑީޕީ އަދި ޕީޕީއެމްގެ ސަރުކާރުތަކުގައިވެސް ކޯލިޝަން ބައިވެރިއެކެވެ.

Newsletter

Get the latest news delivered straight to your inbox