ކަޅިއަށް ފުސް އަރައި، ލޮލުގެ ފެނުން ދިގު މުއްދަތަކަށް ދަށްވެ، އަދި ގްލޯކޮމާ ހުރި އުމުރުން 55 އަހަރުގެ އަންހެންގެ ލޯ ޓްރީ ޓޮޕް ހޮސްޕިޓަލުން ކާމިޔާބު ކަމާއެކު އޮޕަރޭޝަންކޮށްފި އެވެ.
"ސާޖަރީ ހެދި އުމުރުން 55 އަހަރުގެ އަންހެން މީހާ ޑރ. އަރުޗަނާ ޝަރްމާއަށް، ދެއްކީ ދެ ލޮލުގެ ފެނުން ވެސް ދިގު މުއްދަތަކަށް ދަށްވެ، ދިގު މުއްދަތަކަށް ގްލޯކޮމާ ބަލި ތަހައްމަލް ކުރަމުން ދާތީ. ޑޮކްޓަރަށް ފާހަގަކުރެވުނީ ދެ ލޮލުގައި ކްރޮނިކް އެންގަލް ކްލޯޒާ ގްލޯކޮމާ ހުރިކަމާއި ވައަތު ލޮލުގައި އެޑްވާންސްޑް ގްލޯކޮމާ އަދި ސެނައިލް ކެޓަރެކްޓް ހުރިކަމަށް" ޓްރީޓޮޕުން ބުނެ އެވެ.
ލޮލުގެ ހާއްސަ ޑޮކްޓަރު ޑރ.އަރުޗަނާ ޝަރްމާ އަދި އޭނާގެ ޓީމު ގުޅިގެން ކުރި އޮޕަރޭޝަންއަކީ ގްލޯކޮމާ އާއި ކެޓަރެކްޓްގެ ހާލަތެއް އެކީގައި ދިމާވާ ބަލި މީހުންނަށް ބޭނުންކުރާ ސާޖިކަލް ޓެކްނިކް އެކެވެ. އެއީ މިއީ ކެޓަރެކްޓް (ލޯފުސްވާ ބަލި) އަދި ގްލޯކޮމާ (ލޮލުގެ އޮޕްޓިކް ނާރަށް ލިބޭ ގެއްލުން) ފިލްޓްރޭޝަން ސާޖަރީ އެކެވެ.
މި އޮޕަރޭޝަންގެ ތެރޭގައި ފޭކޯއެމަލްސިފިކޭޝަން، އިންޓްރާއޮކިއުލާ ލެންސް އިމްޕްލާންޓް ކުރުމާއި، ޓްރެބިކިއުލެކްޓޮމީ ހިމެނެ ކަމަށެވެ.
ފޭކޯއެމަލްސިފިކޭޝަން އަދި އިންޓްރާއޮކިއުލާ ލެންސް އިމްޕްލާންޓް ކުރުމަކީ ކެޓަރެކްޓްއަށް ދެވޭ ސާޖިކަލް ފަރުވާތަކެއް އަދި ޓްރެބިކިއުލެކްޓޮމީ އަކީ ޕެނެޓްރޭޓިންގް ފިލްޓަރިން ސާޖިކަލް ޕްރޮސީޖާ ބޭނުން ކޮށްގެން އެކި ބާވަތުގެ އޯޕަން އެންގަލް އަދި ނޯމަލް ޓެންޝަން ގްލޯކޮމާއަށް ދެވޭ ފަރުވާއެއް ކަމަށް ޓްރީޓޮޕުން ބުނެ އެވެ.
މި ބަލީގައި ލޭޒާ އިރިޑޮޓޮމީ އާއި އެންޓި ގްލޯކޮމާ ބޭސްތައް ބޭނުންކުރި ނަމަވެސް، ދެ ލޮލުގެ އެންޓިރިއާ ޗެމްބަރު އަދި އޮކްލޫޑެބަލް އެންގަލްސް ތިލަވެ އެއާއެކު ލޮލުގެ ޕްރެޝަރު ވަރަށް މަތިވެގެންދެ އެވެ.
ގްލޯކޮމާއަކީ ލޮލުގެ ފެނުން ދަށްކޮށް އަދި ލޮލުގެ ޕްރެޝަރު މަތިވެ އޭގެ ސަބަބުން ލޮލުގެ ފެނުމަށް އެހީތެރިވެދޭ ނާރު ހަލާކުވާން މެދުވެރިވާ ބައްޔެކެވެ. އެހެންވެ، ސާޖަރީ ހެދިފައިވަނީ ލޮލުގެ ޕްރެޝަރު ދަށްކޮށް އަދި ނާރުތަކަށް އިތުރު ގެއްލުން ނުލިބި، ބަލި ބޮޑުވުން މަޑުޖައްސާލުމަށް ކަމަށާއި، ލޮލުގެ ފެނުން ރަނގަޅުވެ، ރަނގަޅަށް ފެންނާނެ ގޮތަށް ކެޓަރެކްޓް ސާޖަރީއާ ވެސް އެކުއެކީގައި ކުރިއަށް ގެންދެވުނު ކަމަށް ޓްރީޓޮޕުން ބުނެ އެވެ.
"ސާޖަރީއަށް ފަހު ބަލި މީހާގެ ފެނުން ރަނގަޅުވެ ލޮލުގެ ޕްރެޝަރު ދަށްވި. މީގެ ކުރިން މި ސާޖަރީއަށް އާންމުކޮށް ބަލި މީހުން ރާއްޖެއިން ބޭރަށް ދާން ޖެހުނުކަމުގައި ވިޔަސް، މިހާރު ޓްރީ ޓޮޕް ހޮސްޕިޓަލްއިން ފަސޭހަކަމާއެކު މި ސާޖަރީ ކުރެވޭނެ. ޓްރީ ޓޮޕުން ދެވޭ މިފަދަ ފަރުވާތަކުން ބަލިމީހާގެ ވަގުތު ސަލާމަތްކުރެވި، ރާއްޖެއިން ބޭރަށްދާން ކުރަންޖެހޭ ހަރަދުތަކާއި ދަތުރުތަކާއި ގުޅުން ހުރި އިތުރު ފިކުރުތައް ކުޑަވެގެންދޭ" ޓްރީޓުޕުން ބުންޏެވެ.
ކެޓަރެކްޓް ބައްޔަކީ އުފެދިގެން ދާއިރު މާގިނަ އަލާމާތްތަކެއް ނުފެނި ގިނަދުވަހުން މަޑުމަޑުން ބޮޑުވަމުންދާ ބައްޔަކަށްވާއިރު، މި ބަލީގެ ޢަލާމާތްތަކުގެ ތެރޭގައި ލޮލުގައި އެއްވެސް ތަދެއް ނުވަތަ ރަތްވުމެއް ކުރިމަތި ނުވެވެސް ހިނގައިދާނެ އެވެ.
ޓްރީ ޓޮޕް ހޮސްޕިޓަލް. -- ފޮޓޯ: އަދަދު
އުމުރުން ދުވަސްވީ މީހުންގެ ކިބައިން މިބަލި ގިނައިން ފެނުނުކަމުގައި ވިޔަސް، އެކިއެކި ސަބަބުތަކާހުރެ ޒުވާނުންނާއި ތުއްތު ކުދިންގެ ފަރާތުންވެސް މިބަލި ފެނިގެން ދިޔުމަކީ އެކަށިގެންވާކަމެކެވެ.
ގްލޯކޮމާ އަކީ ލޮލުގެ އޮޕްޓިކް (ލޮލުގެ ފެނުމަށް އެހީތެރިވެދޭ ނާރަށް) ލިބޭ ގެއްލުމެކެވެ. މި ބަލީގެ ސަބަބުން ގިނަ ފަހަރަށް ލޮލުގެ އެތެރޭގެ ޕްރެޝަރު މަތިވެ، ނާރުތައް ފިތި ނާރުތަކުގެ ފައިބަރުތަކައް ގެއްލުންލިބެއެވެ.
މި ބައްޔަށް އެކަށީގެންވާ ފަރުވާ ނުލިބިއްޖެ ކަމުގައި ވާނަމަ، ލޮލުގެ ވަށައިގެން ފެންނަ ފެނުން ގެއްލި، އަދި އެންމެ ފަހުން ސީދަލަށް ފެންނަ ފެނުންވެސް ގެއްލިގެން ދިޔުމުގެ ފުރުސަތު ބޮޑުވެ އެވެ.
މިގޮތުން ލޮލުގެ ފެނުމަށް އެއްވެސް ބަދަލެއް އައިސްފައިވާކަން ފާހަގަކުރެވިއްޖެނަމަ، ނުވަތަ މަތީގައި ބަޔާންކުރެވުނު އެއްވެސް އަލާމާތެއް ފެނިއްޖެނަމަ ލޮލުގެ ހާއްސަ ޑޮކްޓަރަށް ދައްކައިގެން ތަހުލީލު ކުރަން ޖެހެއެވެ.
ކެޓަރެކްޓް ބަލި އަވަހަށް ދެނެގަނެ ފަރުވާ ދިނުމަކީ ލޮލުގެ ފެނުން ގެއްލުން ހުއްޓުވައި، ދިރިއުޅުމުގެ ފެންވަރު ރަނގަޅު ކުރުމަށް އެހީތެރިވެދޭނެ ކަމެކެވެ.
ޓްރީ ޓޮޕް ހޮސްޕިޓަލަކީ ރާއްޖޭގައި އެންމެ ކުރިއަރާފައިވާ ސިއްހީ ހިދުމަތް ދޭ ހޮސްޕިޓަލަށް ވެފައި ލޮލުގެ ޚާއްސަ ބަލިތަކަށް ފުޅާ ދާއިރާއެއްގައި ހިދުމަތް ފޯރުކޮށްދޭ ހޮސްޕިޓަލެކެވެ.
މީގެއިތުރުން ޓްރީޓޮޕަކީ ބަލި މީހުންނަށް މަތީ ފެންވަރުގައި އަދި އަތްފޯރާފަށުގައި ސިއްހީ ހިދުމަތްތައް ފޯރުކޮށްދިނުމަށާއި، ކާމިޔާބު ސާޖަރީތަކާއި ރަނގަޅު ނަތީޖާއެއް ހޯދުމަށް ހީވާގިކަމާއެކު އަޒުމު ކަނޑައަޅައި މަސައްކަތް ކުރަމުން އަންނަ ހޮސްޕިޓަލެކެވެ.
