ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ށ. ފުނަދޫ ދާއިރާއަށް އިދިކޮޅު މައި ޕާޓީ (މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޓިކެޓުގައި އެ މަޖިލީހުގެ ކުރީގެ މެމްބަރު އިލްހާމު އަހްމަދު ވާދަކުރައްވާނެކަން އިއުލާނު ކުރައްވައިފި އެވެ.
އޭނާ ވަނީ މީގެކުރިން ދިވެހި ރައްޔިތުންގެ ޕާޓީ (ޑީއާރުޕީ) ޓިކެޓުގައި ގެމަނަފުށީ ދާއިރާ އަދި އޭގެ ފަހުން ޖުމްހޫރީ ޕާޓީ (ޖޭޕީ) ގެ ޓިކެޓުގައި ދަނގެތި ދާއިރާގެ ގޮނޑި ފުރުއްވާފަ އެވެ.
ޑީއާރުޕީ، ޕީޕީއެމް، ޖޭޕީގެ ނައިބު ލީޑަރުކަން ވެސް ކުރެއްވި އިލްހާމް އެމްޑީޕީއަށް ބަދަލުވީ ރިޔާސީ އިންތިހާބުގެ ދެވަނަ ބުރުގެ ކުރިން ސެޕްޓެމްބަރު 21, 2023 ގަ އެވެ.
ގއ. ގެމެނަފުށްޓަށް އުފަން އިލްހާމްގެ ސިޔާސީ ހަޔާތް ފެއްޓެވީ ޑީއާރުޕީންނެވެ. އޭނާ ވަނީ ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސްކަން ވެސް ކުރައްވާފަ އެވެ.
މި ހިނގަމުންދާ މަޖިލީހުގައި ފުނަދޫ ދާއިރާގެ ގޮނޑި އެމްޑީޕީގެ ފަރާތުން ފުރުއްވަނީ މުހައްމަދު ޝާހިދު އެވެ.
