އެޓާނީ ޖެނެރަލްގެ މަގާމަށް އައްޔަން ކުރެއްވި އަހުމަދު އުޝާމާއި އިސްލާމިކް މިނިސްޓަރުކަމަށް އައްޔަންކުރެއްވި ޑރ.މުހައްމަދު ޝަހީމް އަލީ ސައީދު އަދި ހައުސިން މިނިސްޓަރަކަށް އައްޔަންކުރި ޑރ. އަލީ ހައިދަރު ފިޔަވައި ރައީސް ޑރ. މުހައްމަދު މުއިއްޒު އަައްޔަން ކުރެއްވި އެހެން ވަޒީރުންނަށް ރުހުން ދޭން ރައްޔިތުންގެ މަޖިލީހުން މިއަދު ފާސްކޮށްފި އެވެ.
އުޝާމަށް ރުހުން ނުދޭން މަޖިލީހުން ފާސްކުރީ ވޯޓުގައި ބައިވެރިވި 64 މެމްބަރުންގެ ތެރެއިން 44 މެމްބަރުން އެގޮތަށް ވޯޓު ދެއްވައިގެންނެވެ. އޭނާއަށް ރުހުންދޭން ފެންނަ ކަމަށް ވޯޓު ދެއްވީ 24 މެމްބަރުންނެވެ. ޑރ.ޝަހީމަށް ރުހުންދޭން ނުފެންނަ ކަމަށް، 31 މެމްބަރަކު ވޯޓު ދެއްވި އިރު އޭނާއަށް ރުހުންދޭން ނުފެންނަ ކަމަށް، 30 މެމްބަރަކު ވޯޓު ދެއްވި އެވެ. ވަކިކޮޅަކަށް ވޯޓުނުދެއްވައި އަށް މެމްބަރަކު ތިއްބެވި އެވެ.
ހައިދަރަށް ރުހުންދޭން ނުފެންނަ ކަމަށް 46 މެމްބަރަކު ވޯޓު ދެއްވި އިރު އޭނާއަށް ރުހުންދޭން ނުފެންނަ ކަމަށް 24 މެމްބަރަކު ވޯޓުދެއްވި އެވެ.
ރުހުން ދިން ވަޒީރުންނާއި ވޯޓުގެ ތަފްސީލު
- ޑިފެންސް މިނިސްޓަރު ޣައްސާން މައުމޫނު: 71 ވޯޓު ( އިއްތިފާގުން)
- ފޮރިން މިނިސްޓަރު މޫސާ ޒަމީރު: 70 ވޯޓު ( އިއްތިފާގުން)
- ހޯމް މިނިސްޓަރު އަލީ އިހުސާން: ރުހުންދޭން ފެންނަ ކަމަށް 68، ނުފެންނަ ކަމަށް 1
- ފިނޭންސް މިނިސްޓަރު ޑރ. މުހައްމަދު ޝަފީގު: 70 ވޯޓު ( އިއްތިފާގުން)
- އެޑިއުކޭޝަން މިނިސްޓަރު ޑރ. އިސްމާއީލް ޝަފީގު: ރުހުންދޭން ފެންނަ ކަމަށް 57، ނުފެންނަ ކަމަށް 9،
- ހެލްތު މިނިސްޓަރް އަބްދުﷲ ޚަލީލް : ރުހުންދޭން ފެންނަ ކަމަށް 69، ވަކިކޮޅަކަށް ވޯޓު ނުދޭ އެކެއް.
- އިކޮނޮމިކް މިނިސްޓަރު މުހައްމަދު ސައީދު: ރުހުންދޭން ފެންނަ ކަމަށް 37، ނުފެންނަ ކަމަށް 32،
- ފިޝަރީޒް މިނިސްޓަރު އަހުމަދު ޝިޔާމް: ރުހުންދޭން ފެންނަ ކަމަށް 69 ވޯޓު ( އިއްތިފާގުން)
- ޓޫރިޒަމް މިނިސްޓަރު އިބްރާހީމް ފައިސަލް : ރުހުންދޭން ފެންނަ ކަމަށް: 58، ނުފެންނަ ކަމަށް 02، ވަކިކޮޅަކަށް ވޯޓު ނުދެއްވާ އެކެއް.
- ސޯޝަލް އެންޑް ފެމިލީ މިނިސްޓަރު ޑރ. އައިޝަތު ޝިހާމް: 69 ވޯޓު ( އިއްތިފާގުން)
- ސްޕޯޓްސް މިނިސްޓަރު އަބްދުﷲ ރާފިއު: ރުހުން ދޭން ފެންނަ ކަމަށް 70 ވޯޓު ( އިއްތިފާގުން)
- އެންވަޔަރްމެންޓް މިނިސްޓަރު ތޯރިގު އިބްރާހީމް: ރުހުން ދޭން ފެންނަ ކަމަށް 69 ވޯޓު ( އިއްތިފާގުން)
- ކޮންސްޓްރަކްޝަން މިނިސްޓަރު އަބްދުﷲ މުއްތަލިބު: ރުހުން ދޭން ފެންނަ ކަމަށް 70 ވޯޓު ( އިއްތިފާގުން)
- އެގްރިކަލްޗާ މިނިސްޓަރު އައިޝަތު ރަމީލާ: ރުހުން ދޭން ފެނަން ކަމަށް 70 ވޯޓު ( އިއްތިފާގުން)
- ސްޕޯޓްސް މިނިސްޓަރު އަބްދުالله ރާފިއު: ރުހުންދޭން ފެންނަ ކަމަށް 70 ވޯޓް، (އިއްތިފާގުން)
- ލޯކަލް ގަވަމެންޓް މިނިސްޓަރު އާދަމް ޝަރީފް: 70 ވޯޓު (އިއްތިފާގުން)
- ޔޫތު މިނިސްޓަރު އިބްރާހިމް ވަހީދު: 68 ވޯޓު
- ހަޔާ އެޑިއުކޭޝަން މިނިސްޓަރު މަރިޔަމް މާރިޔާ: 66 ވޯޓު, ނުފެންނަ ކަމަށް އެއް ވޯޓު
- ދިވެހި ލޭންގުއޭޖް މިނިސްޓަރު އާދަމް ނަސީރު: 63 ވޯޓު
ބައެއް ވަޒީރުންނަށް ރުހުން ނުދޭން މަޖިލީހުން މިއަދު ފާސްކުރީ މަޖިލީހުގެ މެޖޯރިޓީ އޮންނަ އެމްޑީޕީއާއި ދަ ޑިމޮކްރެޓްސްއިން އެގޮތަށް ނިންމައިގެންނެވެ. ބައެއް ވަޒީރުންނަށް ރުހުން ނުދޭން އެ ދެޕާޓީގެ ޕާލަމެންޓްރީ ގްރޫޕުން ވިޕްލައިނެއް ނެރުނު ކަމަށް ނުރަސްމީކޮށް އެނގުނު ނަމަވެސް ރުހުން ނުދޭން ނިންމީ ސީދާ ކޮންކޮން ވަޒީރުންނަކަށް ކަމެއް އެ ދެޕާޓީން ހާމައެއް ނުކުރެ އެވެ.
