ޗައިނާގެ ބެއިޖިންގައި ދިރިއުޅޭ ދިވެހިންނާ ރައީސް ޑރ. މުހައްމަދު މުއިއްޒު އިއްޔެ ބައްދަލު ކުރައްވައިފި އެވެ.
މި ބައްދަލުކުރެއްވުމުގައި ރައީސްގެ އަރިހުގައި އެމަނިކުފާނުގެ އަނބިކަނބަލުން ސާޖިދާ މުހައްމަދާއި މިނިސްޓަރުން ބައިވެރިވެވަޑައިގަތެވެ.
މި ބައްދަލުވުމުގައި ދިވެހި ދަރިވަރުންނަށް ދިމާވާ ދަތިތަކާއި، ތަޖުރިބާ ރައީސް މުއިއްޒު އޮޅުން ފިލުއްވި އެވެ. އަދި ތައުލީމު ހާސިލުކުރަން ލިބޭ އެފަދަ ފުރުސަތުތަކުގެ ބޭނުން ފުރިހަމަައަށް ހިފުމަށް ނަސޭހަތްތެރިވި އެވެ.
ބެއިޖިންގައި ދިރިއުޅޭ ދިވެއްސަކާ ރައީސް މުއިއްޒު ސަލާމްކުރައްވަނީ. -- ފޮޓޯ: ރައީސް އޮފީސް
ބެއިޖިންގައި ދިރިއުޅޭ ދިވެހިންގެ ފަރާތުން ހުށަހެޅި ކަންބޮޑުވުންތަކަށް ހައްލު ގެނެސްދެއްވާނެކަމުގެ ކަމަށް ވެސް އެ މަނިކުފާނު ވިދާޅުވި އެވެ. ނަމަވެސް އެ ކަންކަމުގެ ތަފުސީލެއް ރައީސް އޮފީހުން ހާމައެއް ނުކުރެ އެވެ.
ރައީސްގެ ދެކަނބަލުން ޗައިނާއަށް މިހާރު ކުރައްވަމުންގެންދަވާ ދަތުރުފުޅަކީ ޗައިނާގެ ރައީސް ޝީ ޖިންޕިންގެ ދައުވަތަކަށް ކުރައްވާ ފުރަމާނަ ދަތުރުކެވެ. މި ދަތުރުފުޅުގައި އެ ދެކަނބަލުންގެ އަރިހުގައި ދިވެހި ސަރުކާރުގެ މަތީފަންތީގެ ވަފުދެއް ބައިވެރިވެވަޑައިގަންނަވައެވެ.
މި ދަތުރުގައި ޗައިނާ އާއި ރާއްޖެއާއެކު 20 ދާއިރާ އަކުން އެއްބަސްވުމުގައި ވަނީ ސޮއިކޮށްފަ އެވެ.
