އިންތިހާބީ ރައީސް ޑރ. މުހައްމަދު މުއިއްޒު އަމިއްލަ ދަތުރެއްގައި އިއްޔެ އަބޫދާބީއަށް ވަޑައިގަތެވެ.
މުއިއްޒު ވަޑައިގަތީ ޖެޓެއްގަ އެވެ. އަރިހުގައި ޕީޕީއެން/ޕީއެންސީގެ ލީޑަޝިޕްގެ އެއްވެސް ބޭފުޅަކު ބައިވެރިވެވަޑައިނުގަންނަވަ އެވެ.
މި ދަތުރުގެ ބޭނުމެއް އިންތިގާލީ ތަރުޖަމާ މުހައްމަދު ފިރުޒުލް ވިދާޅެއް ނުވި އެވެ. ދަތުރުކުރެއްވި ޖެޓަކީ ކާކު ފޮނުވި، ނުވަތަ ކުއްޔަށް ނެގި ޖެޓެއް ކަމެއްކަން ފުރަތަމަ ވިދާޅެއް ނުވެ އެވެ.
ނަމަވެސް މި ހަބަރު ޝާއިޢުކުރި ފަހުން ފިރުޒުލް ވިދާޅުވީ ދަތުރު ހަމަޖައްސާފައިވަނީ ޔޫއޭއީ ސަރުކާރުން ކަމަށެވެ.
"އެނގިވަޑައިގަންނަވާނެ ޔޫއޭއީއަކީ ރާއްޖޭގެ ވަރަށް ގިނަ މަޝްރޫއުތަކަށް އެހީތެރިކަން ދެއްވަމުންދާ ގައުމެއްކަން. މެހްމާނުދާރީގެ ގޮތުން ދަތުރުފަތުރުގެ އިންތިޒާމުތައް ޔޫއޭއީ ސަރުކާރުން ހަމަޖައްސަވައި ދެއްވާފައިވޭ،" އޭނާ ވިދާޅުވި އެވެ.
ކުއްލި ދަތުރެއްގައި މުއިއްޒު އަބޫދާބީއަށް ގެންނެވިއިރު، މިދިޔަ ހަފުތާގައި ވަނީ ނުރަސްމީ ދަތުރެއްގައި ސިންގަޕޫރަށް ވަޑައިގެންފަ އެވެ. އެ ދަތުރުގައި ޕީޕީއެމް/ޕީއެންސީގެ ބައެއް އިސް ބޭފުޅުން ބައިވެރިވެވަޑައިގެންނެވި އެވެ.
އިންތިހާބީ ރައީސް މަގާމުގެ ހުވާ ކުރެއްވުން މިމަހުގެ 17 ވަނަ ދުވަހަށް ތާވަލުކޮށްފައިވާއިރު، ރާއްޖޭގެ ރައީސުލްޖުމްހޫރިއްޔާގެ ގޮތުގައި ފުރަތަމަ ދަތުރު ކުރައްވަން ނިންމަވާފައި ވަނީ ސައޫދީ އަރަބިއްޔާއަށް ކަމަށް "އަދަދު" އަށް ވަނީ މައުލޫމާތު ލިބިފަ އެވެ.
މުހިންމު ބައެއް ހަބަރު
ދުވަހުގެ ފޮޓޯ
ސަރުކާރުގެ ބޯހިޔާވެހިކަމުގެ މަޝްރޫއުގެ ދަށުން ހުޅުމާލޭގައި ހަދާ ފްލެޓުތަކުގެ މަސައްކަތް ބާރަށް ކުރިޔަށް ދަނީ. -- ފޮޓޯ: އަބްދުﷲ އިޔާން/އަދަދު
