ކެނެޑާ، ޔޫކޭ، އޮސްޓްރޭލިއާ އަދި މެލޭޝިއާގެ ޔުނިވާސިޓީތަކާ އެކު ހާއްސަ ފެއާއެއް މި ހަފުތާ ބަންދުގައި

އިނގިރޭސިވިލާތާއި, ކެނެޑާ އަދި އޮސްޓްރޭލިއާ ފަދަ ގައުމުތަކުގެ ޔުނިވާސިޓީތައް ހިމެނޭހެން ހާއްސަ ފެއާއެއް މި ހަފުތާ ބަންދުގައި ބާއްވާނެ އެވެ.

ޒީދު އިންޓަނޭޝަނަލްގެ ފަރާތުން އިންތިޒާމުކުރާ މި ފެއާ އޮންނާނީ މި ހަފުތާ ބަންދުގެ ކޮންމެ ދުވަހެއްގެ ހަވީރު 4 އިން 10 އަށް މީރުމާގަ އެވެ. މި ފެއާގައި އެ ތިން ގައުމުގެ އިތުރުން މެލޭޝިއާ, ބެލާރުސް, އިންޑިއާ, ސްރީ ލަންކާ އަދި ފިލިޕީންސް, ބަންގްލަދޭޝާއި ރާއްޖޭގެ 45 އަށްވުރެ ގިނަ ޔުނިވާސިޓީން ބައިވެރިވާނެ އެވެ.

ފެއާގައި ބައިވެރިވާ ބައެއް ޔުނިވާސިޓީތައް

• ކާޑިފް ޔުނިވާސިޓީ (ޔޫކޭ)
• ޔުނިވާސިޓީ އޮފް ލީޑްސް (ޔޫކޭ)
• ޔުނިވާސިޓީ އޮފް ލަންޑަން (ޔޫކޭ)
• ދަ ޔުނިވާސިޓީ އޮފް ޝެފީލްޑް (ޔޫކޭ)
• ޔުނިވާސިޓީ އޮފް ބްރައިޓަން (ޔޫކޭ)
• ސަދަން ކްރޮސް ޔުނިވާސިޓީ (އޮސްޓްރޭލިއާ)
• ލޭކްހެޑް ޔުނިވާސިޓީ (ކެނެޑާ)
• ޓްރިނިޓީ ވެސްޓާންސް ޔުނިވާސިޓީ (ކެނެޑާ)
• ޖޯޖިއަން ކޮލެޖު (ކެނެޑާ)

މި ޔުނިވާސިޓީތަކުގެ ބޭފުޅުން ކޯސްތަކުގެ މައުލޫމާތު ހިއްސާކުރުމަށް މީރުމާގައި ތިއްބަވާނެ ކަމަށް ޒީދު އިންޓަނޭޝަނަލް އިން މައުލޫމާތު ދެ އެވެ.

ޒީދު އިންޓަނޭޝަނަލްއިން ވަނީ މީގެކުރިން ވެސް މިފަދަ ފެއާތަކެއް ކުރިއަށް ގެންގޮސްފަ އެވެ.