ހިޔާގެ ކޮންމެ ޓަވަރެއްގައި އިތުރު ދެ ލިފްޓު ހަރުކުރާނެ ވައުދު އިންތިހާބީ ރައީސް ޑރ. މުހައްމަދު މުއިއްޒު އިއްޔެ އާކުރެއްވި އެވެ. އެ ވައުދު ފުރަތަމަ ވެވަޑައިގަތީ ކެމްޕޭނު ތެރޭގަ އެވެ.
ސެޕްޓެމްބަރު 30 ގައި ބޭއްވި ރިޔާސީ އިންތިހާބުގެ 54 ޕަސެންޓުން މުއިއްޒު ކާމިޔާބު ކުރެއްވުމުގެ އުފާ ފާޅުކުރުމަށްޓަކައި އިއްޔެ ހަވީރު، ހުޅުމާލޭ 2 ގެ ހިޔާ ފްލެޓު ސަރަހައްދުގައި ބޭއްވި ހަރަކާތުގައި އެ މަނިކުފާނު ވިދާޅުވީ ހިޔާ ޓަވަރުތަކުގައި އިތުރަށް ހަރުކުރާ އެއް ލިފްޓަކީ ސްޓްރެޗާ އެރުވޭ ވަރުގެ ލިފްޓެއް ކަމަށެވެ.
އަންނަ އަހަރަށް ލަފާކުރާ ބަޖެޓުގައި އެ މަޝްރޫއު ހިމަނާނެ ކަމަށް މުއިއްޒު ވިދާޅުވި އެވެ.
"ބަޖެޓު ހުށަހެޅިއިރު އެއް ކަމަކަށް އަޅުގަނޑު ހިމަނާފައި ވާނީ މި ޓަވަރުތަކުގައި އިތުރު ލިފްޓު ހަރުކޮށްދިނުމަށް. ކޮންމެ ޓަވަރަކަށް ދެ ލިފްޓު އަންނާނެ. އެއް ލިފްޓަކީ ސްޓްރެޗާ އެރުވޭ ވަރުގެ ބޮޑު ލިފްޓެއް. އަނެއް ލިފްޓަކީ ގާތްގަނޑަކަށް 14 މީހުންގެ ކެޕޭސިޓީގެ ލިފްޓެއް،" އެމަނިކުފާނު ވިދާޅުވިއެވެ.
ހިޔާ ފްލެޓުތަކުގެ ކުލި ކުޑަކުރުމަށާއި، ފްލެޓުތަކުގެ ފިނިޝިން މަސައްކަތް ނިންމުމަށް ކުރި ހަރަދު ދޭނެ ކަމަށް މުއިއްޒު ވަނީ ވައުދުވެވަޑައިގެންފަ އެވެ.
މުހިންމު ބައެއް ހަބަރު
ދުވަހެ ފޮޓޯ
ފަލަސްތީނަށް ތާއިދުކޮށް މާލޭގައި ރޭ ބޭއްވި ހިނގާލުން. އެ ހިނގާލުމުގައި ގިނަ އަދަދެއްގެ ބަޔަކު ބައިވެރިވެ، އިޒްރޭލުގެ އަމަލުތައް ކުށްވެރިކޮށް، ފަލަސްތީނު މިނިވަންކުރަން ގޮވާލި. -- ފޮޓޯ: އަބްދުﷲ އިޔާން/ އަދަދު
