ރިޔާސީ އިންތިހާބުގައި ވޯޓުލެވޭ މީހުންގެ 12 ޕަސެންޓް މީހުން މިހާތަނަށް ވޯޓުލާފައިވާ ކަމަށް އިލެކްޝަންސް ކޮމިޝަނުން ބުނެފި އެވެ.
ރިޔާސީ އިންތިހާބުގެ ވޯޓުލުން ފެށީ މިއަދު ހެދުނު 8:00 ޖެހި އިރުއެވެ. އިލެކްޝަންސް ކޮމިޝަނުން ހާމަކޮށްފައިވާ ގޮތުގައި 10:00 އާ ހަމަޔަށް އޭގެ ތެރެއިން 12 ޕަސެންޓް މީހުން ވަނީ ވޯޓުލާފަ އެވެ. އެއީ 22،403 ފިރިހެނުންނާއި، 13،760 އަންހެނުންނާއެކު ޖުމުލަ 36،163 މީހުންނެވެ.
މިއަދު ހެނދުނު 8:00 ގައިވޯޓުލާން ފެށިއިރު ހެދުނު 7:00 އިން ފެށިގެން ވޯޓުލާ މަރުކަޒުތައް ދޮށުގައި މީހުން ވަނީ ކިޔު ހަދަން ފަށާފަ އެވެ. އަދި މާލޭގެ ރައްޔިތުންގެ ވޯޓުލާ މަރުކަޒުތަކުގައި ކިޔު ދިގުކަންވެސް ފާހަގަކުރެވުނެވެ.
މި ފަހަރުގެ އިންތިހާބުގައި ވޯޓުލުމުގެ ހައްގު ލިބޭ 282،395 މީހުން ވޯޓުލުމަށް ރާއްޖެއާއި ރާއްޖެއިން ބޭރުގައި ޖުމުލަ 574 ވޯޓު ފޮށި ބެހެއްޓިފައި ވެ އެވެ. އޭގެ ތެރޭގައި ހިމެނެނީ، މާލެ ސަރަހައްދުގައި ބެހެއްޓޭ 176 ފޮއްޓާއި އަތޮޅު ތެރޭގައި ބެހެއްޓޭ 319 ފޮށިީގެ އިތުރުން، ރިސޯޓުތަކުގައި 65 ފޮށި، ރާއްޖެއިން ބޭރުގައި އަށް ފޮށި، އަދި ޖަލުތަކާއި ސިނާއި ރަށްރަށުގައި ހަ ފޮއްޓެވެ. މިހާތަނަށް ވޯޓުލުން ފެށިފައި ނުވަނީ ލަންޑަންގައި ބެހެއްޓި ވޯޓު ފޮށީގެ އެވެ.
މި އަހަރުގެ ރިޔާސީ އިންތިހާބުގައި އެމްޑީޕީގެ ރައީސް ސޯލިހުގެ އިތުރުން ސިޔާސީ ޕާޓީތަކުން ވާދަ ކުރައްވަނީ ޕީޕީއެމް ޕީއެންސީގެ މުހައްމަދު މުއިއްޒާއި ޖުމްހޫރީ ޕާޓީގެ ގާސިމް އިބްރާހިމާއި ޑިމޮކްރެޓްސްގެ އިލްޔާސް ލަބީބާއި އެމްއެންޕީގެ މުހައްމަދު ނާޒިމެވެ. އޭގެ އިތުރުން، ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން ފާރިސް މައުމޫނާއި ކުރީގެ ހޯމް މިނިސްޓަރު އުމަރު ނަސީރާއި ހަސަން ޒަމީލް އަމިއްލަ ގޮތުން ވާދަކުރައްވަ އެވެ.
