ޕްރޮސެކިއުޓާ ޖެނެރަލްގެ އޮފީހުން އޮންލައިންކޮށް ކުށުގެ ރެކޯޑު ސާފު ކުރެވޭ ގޮތް ހަދައިފި އެވެ.
ޕީޖީ އޮފީހުން މިއަދު ބުނީ, އެ އޮފީހުގެ އޮންލައިން ހިދުމަތްތައް މެދުވެރިކޮށް ކުށުގެ ރެކޯޑް ސާފު ކުރެވޭ ގޮތަށް ހަމަޖެއްސީ އެ އޮފީހުން ކުށުގެ ރެކޯޑު ސާފުކުރަން ޖެހޭ ކަންކަމުގައި ލުއިފަސޭހަ ކޮށްދިނުމަށްޓަކައި ކަމަށެވެ.
ޕީޖީ އޮފީހުން ކުށުގެ ރެކޯޑް ސާފު ކުރެވޭނީ އީފާސް މޯބައިލް އެޕް މެދުވެރިކޮށް ނުވަތަ ޕީޖީ އޮފީހުގެ އޮންލައިން ޕޯޓަލްއަށް އީފާސް މެދުވެރިކޮށް ވަދެ, ކުށުގެ ރެކޯޑު މެނޫއިން ކުށުގެ ރެކޯޑަށް އެދުމުންނެވެ.
އެ އޮފީހުން ބުނީ ރެކޯޑަށް އެދޭތާ ގިނަވެގެން މަސައްކަތު އެއް ދުވަހުގެ ތެރޭގައި ޖަވާބު އޮންލައިން ޕޯޓަލްއަށް އަޕްލޯޑު ކުރާނެ ކަމަށެވެ. ޕޯޓަލް މެދުވެރިކޮށް ޕީޖީ އޮފީހުން ދޭ ލިޔުމުގައި އެ އޮފީހުން ދޭ ލިޔުމެއްކަން އެނގޭނެ ވެރިފިކޭޝަން ކޯޑެއް އޮންނާނެ އެވެ.
މީގެ އިތުރުން އީމެއިލް މެދުވެރިކޮށް ވެސް ކުށުގެ ރެކޯޑް ސާފުކުރެވޭނެ އެވެ. އެކަމަށް ޕީޖީ އޮފީހުން ހާއްސަކޮށްފައިވާ އީމެއިލް އަށް އެކަމަށް އެދި ހުށަހެޅުމުން މަސައްކަތު ދެ ދުވަހުގެ ތެރޭގައި ޖަވާބު ފޮނުވާނެ ކަމަށް އެ އޮފީހުން މިއަދު ނެރުނު ބަޔާނުގައި ވެއެވެ.
