އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސޯލިހުގެ މެނިފެސްޓޯގެ "ހެޔޮވެރިކަން" ސިޔާސަތު ރޭ ތައާރަފުކޮށްފި އެވެ.
އެ ސިޔާސަތު އާންމު ކުރީ ރައީސް ސޯލިހު ދެ ވަނަ ދައުރެއް ހޯއްދަވަން ކުރައްވަމުން ގެންދަވާ ކެމްޕޭނުގައި ބ. ދަރަވަންދޫގައި ބޭއްވި ޖަލްސާގަ އެވެ.
މީގެ ކުރިން ވަނީ ތިން ސިޔާސަތެއް އިއުލާނުކޮށްފަ އެވެ. އެއީ އުފާވެރި ދިރިއުޅުން، އާ ޒުވާނުންގެ ޖީލު އަދި އަމާން މުޖުތަމައު ސިޔާސަތެވެ.
އަލަށް ނެރުނު ސިޔާސަތު ބަހާލާފައިވަނީ މައިގަނޑު ފަސް ބަޔަކަށެވެ. އެއީ ލާމަރުކަޒީ ނިޒާމު ވަށައި ޖެހުން، އިންސާފު ގާއިމުކުރުމުގެ ނިޒާމު ފުރިހަމަ ކުރުން، ދައުލަތް ހިންގުމާއި ދައުލަތް ޖަވާބުދާރީ ކުރުވަނިވި ނިޒާމު ހަރުދަނާކުރުން، މިނިވަން ހާރިޖީ ސިޔާސަތު ދެމެހެއްޓުން އަދި ލާމެހިފައިވާ ދިފައު ދާއިރާ އެވެ. އެ ދާއިރާތަކުން ގެންނާނެ ގިނަ ބަދަލުތަކެއް މެނިފެސްޓޯގައި ހިމަނާފައިވެ އެވެ.
ބައެއް ބަދަލުތަކުގެ ތެރޭގައި މަޖިލީހުގެ މެމްބަރުންގެ އަދަދު އިތުރުވެ ދިޔުން ހިފެހެއްޓުމާއި، ދައުލަތުގެ މުވައްޒަފުންނަށް ރޯދަ މަހުގެ ފަހު ދިހައިގައި ގޭގައި ތިބިގެން މަސައްކަތް ކުރެވޭނެ ގޮތް ހެދުމާއި ވައިގެ އަދި ސައިބާ ދިފާއު ވަރުގަދަ ކުރުމާއި ކައުންސިލްތައް އިތުރަށް ބާރުވެރިކުރުން ހިމެނެ އެވެ.
ގުޅޭ ހަބަރުތައް
މުހިންމު ބައެއް ހަބަރު
ދުވަހުގެ ކޯޓޭޝަން
ކިހާދޫ ކައުންސިލުން ކުރީގެ ރައީސް އަބްދުﷲ ޔާމީންގެ ވެރިކަމުގައި ބަނދަރުގެ ހެދުމަށް ހުށަހެޅުމުން ކައުންސިލާ ބައްދަލު ކުރެއްވުމަށް ފަހު މުއިއްޒު ވިދާޅުވީ؛
އެންމެ 400 މީހުން ދިރިއުޅޭ ރަށެއްގައި ކީއްކުރާ ބަނދަރެއްހޭ އަޅަނީ،"
