ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ކ. ގުރައިދޫއަށް ވަޑައިގަންނަވާތީ ބަނދަރު ސަރަހައްދަށް އެއްވެ ތިބި ޕީޕީއެމްގެ ސަޕޯޓަރުންނާއި އެމްޑިީޕީ ސަޕޯޓަރުންނާ މެދު ހަމަނުޖެހުމެއް ހިނގައިފި އެވެ.
އެނގިފައިވާ ގޮތުގައި ބަނދަރު ސަރަހައްދަށް ނިކުމެ ތިބި އެމްޑީޕީ އަދި ޕީޕީއެމް ސަޕޯޓަރުންނާ މެދު ހަމަނުޖެން ހިނގާފައި ވަނީ މިއަދު ހަވީރު 17:30 ހާއިރު އެވެ. އެ ހަމަނުޖެހުން ހުއްޓުވުމަށް ފުލުހުން މަސައްކަތް ކުރި ނަމަވެސް ބައެއް މީހުންނާ ފުލުހުންނާ ދެމެދު ވެސް ހަމަނުޖެހުން ހިނގި މަންޒަރު، ސޯޝަލް މީޑިއާގައި އާއްމުކޮށްފައިވާ ބައެއް ވީޑިއޯތަކުން ފެނުނެވެ.
ހަމަނުޖެހުމުގާ އެއްްވެސް މީހަކަށް އަނިޔާއެއް ލިބުނު ކަމެއް ނުވަތަ ނޫން ކަމެއް އަދި ސާފެއް ނުވެ އެވެ.
މި ހަމަނުޖެހުމާއި ގުޅޭ ގޮތުން ފުލުހުންގެ ބަހެއް އަދި ލިބިފައެއް ނުވެ އެވެ.
