ސެޕްޓެމްބަރު 9 ގައި ބާއްވާ ރިޔާސީ އިންތިހާބަކީ,އާ ގާނޫނުއަސާސީ އަށް އަމަލުކުރަން ފެށި ފަހުން މިހާތަނަށް އެންމެ ގިނަ ކެންޑިޑޭޓުން ބައިވެރިވާ އިންތިހާބެވެ. ފަސް ޕާޓީއަކުންނާއި އަމިއްލަ ގޮތުން ވާދަ ކުރައްވާ ތިން ކެންޑިޑޭޓުންނާއެކު ޖުމުލަ އަށް ކެންޑިޑޭޓުން މިފަހަރު ވާދަ ކުރައްވަ އެވެ.
ކެންޑިޑޭޓުން
- އެމްޑީޕީގެ ފަރާތުން ރައީސް އިބްރާހިމް މުހައްމަދު ސޯލިހު
- ޕީއެންސީގެ ފަރާތުން ޑރ. މުހައްމަދު މުއިއްޒު
- އެމްއެންޕީން މުހައްމަދު ނާޒިމު
- ޖުމްހޫރީ ޕާޓީން ގާސިމް އިބްރާހިމް
- ދަ ޑިމޮކްރެޓްސްއިން އިލްޔާސް ލަބީބު
- އަމިއްލަ ގޮތުން ފާރިސް މައުމޫން
- އަމިއްލަ ގޮތުން އުމަރު ނަސީރު
- އަމިއްލަ ގޮތުން ޒަމީލް
އާ ގާނޫނު އަސާސީގެ ދަށުން ފުރަތަމަ ރިޔާސީ އިންތިހާބެއް ބޭއްވީ 2008 އެވެ. އެ އިންތިހާބުގައި ހަ ކެންޑިޑޭޓުން ބައިވެރިވެވަޑައިގެންނެވިއިރު، 2013 ގެ އިންތިހާބުގައި ވާދަ ކުރެއްވީ ހަތަރު ކެންޑިޑޭޓުން އަދި 2018 ގަ ދެ ކެންޑިޑޭޓުންނެވެ.
މި ފަހަރުގެ އިންތިހާބުގައި ވާދަ ކުރައްވަން ފޯމް ހުށަހެޅުއްވި ބޭފުޅުންގެ ތެރެއިން ކެންޑިޑެސީ ސައްހަ ނޫން ކަމަށް ކަނޑައެޅީ 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޕީޕީއެމްގެ ލީޑަރު، ކުރީގެ ރައީސް އަބްދުﷲ ޔާމީންގެ ފޯމެވެ.
އެ މަނިކުފާނުގެ ފޯމް ބާތިލުކުރީ ޖިނާއީ ހުކުމެއް ތަންފީޒު ކުރައްވަމުން ގެންދަވާތީ އާއި ސާބިތު ދަރަންޏެއް އޮތުމުންނެވެ.
އިލެކްޝަންސް ކޮމިޝަންގެ އެ ނިންމުން ރަނގަޅު ކަމަށް ސުޕްރީމް ކޯޓުން ކަނޑައެޅުމުން، ޔާމީނަށް ވަނީ އިންތިހާބުގައި ވާދަ ކުރެއްވުމުގެ ފުރުސަތު ގެއްލިފަ އެވެ.
މިހުންމު ބައެއް ހަބަރުތައް
ދުވަހުގެ ކޯޓޭޝަން
ރައީސް އިބްރާހިމް މުހައްމަދު ސޯލިހުގެ ރަނިންމޭޓު މުހައްމަދު އަސްލަމް ވިދާޅުވީ،
މި ވަގުތުގައި ދަންނަވައިލަން ބޭނުންވޭ، އަޅުގަނޑަށް ފުރިހަމައަށް އިތުބާރުކުރައްވާށޭ. އަޅުގަނޑަށް ފުރިހަމައަށް އިތުބާރުކުރައްވާށޭ. އަޅުގަނޑުގެ އިހުލާސްތެރިކަމާ މެދު ފުކެއް ވެސް ، އަޅުގަނޑުގެ އިހުލާސްތެރިކަމާ އަޅުގަނޑުގެ ތެދުވެރިކަމާ މެދު ފުކެއްގެ ޝައްކެއް އުފެދޭ މިންވަރު ކަމެއް ވެސް އިރާދަކުރެއްވިއްޔާ އަޅުގަނޑުގެ ކިބައިން ފެނިގެނެއް ނުދާނެ،"
ދުވަހުގެ ފޮޓޯ
ދ. މާއެނބޫދޫގައި އިއްޔެ ބޭއްވި ޖަލްސާގައި ރައީސްގެ ކަރުދާހެއް ކިޔުއްވަނީ. -- ފޮޓޯ: އަބްދުﷲ އިޔާން/ އަދަދު
