އިންޓަނޭޝަނަލް ބޯޑީބޯޑިން ކޯޕަރޭޝަންގެ ވޯލްޑް ޓުއާގައި ހިމެނޭ މޯލްޑިވްސް ޕްރޯގެ ޑެސްޓިނޭޝަން ޕާޓްނަރަކަށް މިފަހަރުވެސް ވިޒިޓް މޯލްޑިވްސް ހަމަޖައްސައިފި އެވެ.
މާލޭގައި އަންނަ މަހުގެ 3-12 އަށް އޮންނަ މޯލްޑިވްސް ޕްރޯގެ އެންމެ މައި ޕާޓްނަރަކަށް ވިޒިޓް މޯލްޑިވްސް ހަމަޖެއްސުމާއިއެކު މިއަހަރުގެ މުބާރާތުގެ ޓަައިޓް ނަމަކަށް ވާނީ "ވިޒިޓް މޯލްޑިވްސް ޕްރޯ" އެވެ.
ވިޒިޓް މޯލްޑިވްސް ޕްރޯ 2023ގެ މައި ޕާޓްނަރަކަށް ވިޒިޓް މޯލްޑިވްސް ހަމަޖެއްސި ރަސްމިއްޔާތުގައި ވާހަކަދައްކަވަމުން އެމްއެމްޕީއާރުސީގެ މެނޭޖިން ޑިރެކްޓަރު ތައްޔިބު މުހައްމަދު ވިދާޅުވީ ރާއްޖޭގެ ޓުއަރިޒަމް އިސްތިހާރުކުރުމުގައި މިކަހަލަ މޫދު ކުޅިވަރުގެ މުބާރާތްތަކުން ގިނަ އެހީތެރިކަން ލިބޭކަމަށެވެ. އަދި މިދިޔަ އަަހަރުގެ މުބާރާތުގެ ކާމިޔާބަށް ބަލާއިރު މިފަހަރު އިތުރަށް މި މުބާރާތުން ރާއްޖޭ ޕްރޮމޯޓްކުރުމަށް މަގުފަހިވާނެކަމަށް ގަބޫލުކުރައްވާކަމަށެވެ.
އޭނާ ވިދާޅުވީ މިދިޔަ އަހަރުގެ މުބާރާތުގެ ކާމިޔާބީ އެންމެ ބޮޑަށް ފެންނަން އޮތީ ދުނިޔޭގެ އެކިއެކި މީޑިއާތަކުގައި މިދިޔަ އަހަރުގެ މުބާރާތަށް ލިބުނު ސަމާލުކަމުގެ ސަބަބުން ކަަމަށާއި، މިފަހަރު މުބާރާތް މިދިޔަ އަހަރަށްވުރެ ފޯރިގަދަ އަދި ކާމިޔާބު މުބާރާތަކަށް ވާނެކަމަށް ޔަގީންކުރައްވާކަމަށެވެ.
ދުނިޔޭގެ އެންމެ މަތީ ފަންތީގެ ބޮޑީބޯޑަރުން ވާދަކުރާ ފޯރިގަދަ ބޮޑީބޯޑިން މުބާރާތުގެ ސްޕޮންސަރުންނާއި ޕާޓްނަރުން ވަނީ އިއްޔެ އިއުލާންކޮށްފަ އެވެ.
މުބާރާތުގެ އެސޯސިއޭޓެޑް ޕާާޓްނަރަކީ މިދިޔަ އަހަރެކޭ އެއްގޮތަށް މިނިސްޓްރީ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވާމަންޓެވެ. ކޯ ސްޕޮންސަރުގެ ގޮތުގައި މިއަަހަރު މިނިސްޓްރީ އޮފް ޓުއަރިޒަމް އިން ބައިވެރިވާނެ އެވެ.
ވިޒިޓް މޯލްޑިވްސް ޕްރޯ 2023ގެ ޑިޖިޓަލް ޕާޓްނަރަކީ ދިރާގު އެވެ. ދިރާގަކީ މިއަހަރުގެ މޯލްޑިވްސް ބޮޑީބޯޑިން އެސޯސިއޭޝަން (އެމްބީބީއޭ)ގެ ލޯކަލް މުބާރާތްތަކުގެވެސް މުހިންމު ބައިވެރިއެކެވެ. ޕްރިންޓިން ޕާޓްނަރަކީ އެމްބީބީއޭ އުފެދުނީއްސުރެ އެ އެސޯސިއޭޝަންގެ ޕާޓްނަރުގެ ގޮތުގައި މަސައްކަތްކުރަމުން އަންނަ ޕްރިންޓް ލެބެވެ. މޯލްޑިވްސް ޕްރޯގެ އޮންލައިން މީޑިއާ ޕާޓްނަރަކީ އަދަދު އޮންލައިން އެވެ. އިވެންޓް ޕާޓްނަރަކީ އޮފިޝަލް އިވެންޓްސް އެވެ.
ކޭޓަރިން ޕާޓްނަރަކީ ބުރުޒު ކޭޓަރިން އެވެ. އެޕަރަލްސްގެ ޕާޓްނަރުގެ ގޮތުގައި އައިލެންޑް އެޕަރަލްސް ބައިވެރިވާއިރު، މާޗަންޑައިޒް ނުވަތަ ޓްރޮފީ އާއި ކިޓްތަކުގެ ލޯގޯތައް ޑިޒައިންކޮށްދެެނީ މުޖާސް އާޓް ބޮކްސް އިންނެވެ. މިފަހަރުގެ މުބާރާތް ބްރޯޑްކާސްޓްކޮށްދޭނީ އައިސް ނެޓްވޯކުންނެވެ. އެކޮމޮޑޭޝަން ޕާޓްނަރަކީ މޫކައި ހޮޓެލް އެވެ. އިވެންޓުގެ އެކި ކަންކަމުގައި ބޭނުންކުރާ ޖެޓްސްކީތައް ފޯރުކޮށްދިނުމުގައި ޑީޓެކް ބައިވެރިވާއިރު، ޖިމް ޕާޓްނަރުގެ ގޮތުގައި ޓީއެފްޖީ ބައިވެރިވާނެ އެވެ.
މުބާރާތުގެ އެހެނިހެން ސަޕޯޓިން ޕާޓްނަރުންނަށް ބަލާއިރު، ސްޓެލްކޯ، މާލޭ ސިޓީ ކައުންސިލް، އެމްއެންޑީއެފް އަދި މޯލްޑިވްސް ޕޮލިސް ސާވިސް އިން ބައިވެރިވާނެ އެވެ.
