ރާއްޖެ އާއި އިންޑިއާ އަދި ސްރީލަންކާއަށް ޓްރެފިކް ކުރަން އުޅުނު ކަމަށް ބެލެވޭ މަސްތުވާތަކެތީގެ ބޮޑު ޝިޕްމަންޓެއް އިންޑިއާއިން ހޯދައި ހިފަހައްޓައިފި އެވެ.
އިންޑިއާގެ ނޫސްތަކުން ބުނި ގޮތުގައި އެގައުމުގެ ނާކޮޓިކްސް ކޮންޓްރޯލް ބިއުރޯ (އެންސީބީ) އާ ހަވާލާދީ އެގައުމުގެ ނޫސްތަކުން ބުނި ގޮތުގައި ކެރެލާގެ އައްސޭރި ކައިރިން ދަތުުކުރި ބޯޓަކުން އަތުލައިގަތް ބޯޓުގައި ހުރީ 2.5 ޓަނުގެ މެތަމްޕެޓަމައިން (މެތު) އެވެ.
އެ ބޯޓް ހިފެހެއްޓީ މަސްތުވާތަކެތި ޓްރެފިކް ކުރުން ހުއްޓުވަން އިންޑިއާގެ ކަނޑުގެ ސިފައިންނާއި އެންސީބީ ގުޅިގެން އިއްޔެ ހިންގި އޮޕަރޭޝަނެއްގަ އެވެ. އެންސީބީއާ ހަވާލާދީ ނޫސްތަކުން ބުނި ގޮތުގައި އެ މައްސަލާގައި ޕާކިސްތާނު މީހަކު ވަނީ ހައްޔަރުކޮށްފަ އެވެ.
އެ އޮޕަރޭޝަނުގެ މައުލޫމާތު ދޭން އެންސީބީން ބޭއްވި މީޑިއާ ބްރީފިންއެއްގައި އެ އެޖެންސީގެ ޑެޕިއުޓީ ޑިރެކްޓާ ޖެނެރަލް ސަންޖޭ ކުމާރު ސިންގް ވިދާޅުވި ގޮތުގައި މެތު ޝިޕްމެންޓް އަތުލައިގަތީ އަފްގާނިސްތާނުން ބޭރުކުރާ މެތު އަތުލައިގަންނަން "އޮޕަރޭޝަން ސަމޫދުރަގުޕްތު"ގެ ނަމުގައި ހިންގި ހާއްސަ އޮޕަރޭޝަނެއްގަ އެވެ.
