ވެރިކަން ހިންގާ މާލެ ސިޓީގެ ހުރިހާ ގޭބީސީއަކަށް ފޮތި ކޮތަޅު ބަހަން ނިންމާފައިވާ ކަމަށް އެ ސިޓީގެ ކައުންސިލުން އިއްޔެ ނިންމި އެވެ.
ކައުންސިލުން ބުނީ މާލެ އާއި ހުޅުމާލެ އާއި ވިލިމާލޭގެ ހުރިހާ ގެއަކަށް ފޮތި ކޮތަޅު ބަހަން ނިންމީ އެ އިދާރާގެ ޕްލާސްޓިކާ ދުރުވުމުގެ ރޭވުމުގެ ދަށުން ކަމަށެވެ. ކޮންމެ ގެއަކަށް 50 ކޮތަޅު ބަހަން ނިންމާފައިވާ ކަމަށް ވެސް ކައުންސިލުން ބުނެ އެވެ.
"އަޅުގަނޑު މި ހުށަހަޅަނީ އެކަހަލަ 25 ކޮތަޅުގެ ޕެކް ހަދާފަ މާލެސިޓީ ކައުންސިލްގެ ހަރަދުގައި މާލެ ސިޓީގެ ކޮންމެ ގޭބިސީ އަކަށް ހިލޭ ފޯރުކޮށްދޭން،" މާލޭގެ މޭޔަރު މުހައްމަދު މުއިއްޒު ވިދާޅުވި އެވެ.
"ކައުންސިލްގެ އެއް އަމާޒަކީ ވެސް ހަމަ ތިމާވެށި ރައްކާތެރިކުރުމަށް އެކި ކަހަލަ މަޝްރޫއުތައް ހިންގުން."
މާލެ ސިޓީ ކައުންސިލުން ގޭބީސީތަކަށް ފޮތި ކޮތަޅު ބަހަން މި ނިންމީ ޕްލާސްޓިކު ކޮތަޅުން 2ރ. ގެ ފީއެއް ނަގަން ފަށާފައި އޮއްވަ އެވެ. ޕްލާސްޓިކު ކޮތަޅުން ފީއެއް ނަގަން ފެށީ ސަރުކާރުން ގެންގުޅޭ "ޕްލާސްޓިކު ނޫން ގޮތެއް" ސިޔާސަތުގެ ދަށުންނެވެ.
ފޮތި ކޮތަޅު ބެހުމަށް ގާތްގަނޑަކަށް 1.5 މިލިއަން ރުފިޔާ ހަރަދުވާނެ ކަމަށް ލަފާ ކުރެވޭ ކަމަށް ކައުންސިލުން ބުނެ އެވެ.
"މިކަހަލަ މަސައްކަތްކުރާ ބޭފުޅުންނާ ނުރަސްމީކޮށް ދެކެވުނު ވާހަކައިގަ ފްރައިޓް ޗާޖާ އެއްކޮށް މާލެ ހުޅުމާލެ އަދި ވިލިމާލޭގެ ގާތް ގަނޑަކަށް 50،000 ގޭބިސީ އަށް 1.5 މިލިއަން ރުފިޔާ ހަރަދު ވާނެ،" މޭޔަރު ވިދާޅުވި އެވެ.
މުހިންމު ބައެއް ހަބަރު
ދުވަހުގެ ކޯޓޭޝަން
މުޅި ދުނިޔޭގައި އިއްޔެ ފާހަގަކުރި ދުނިޔޭގެ ނޫސްވެރިކަމުގެ މިނިވަންކަމުގެ ދުވަހާ ގުޅިގެން ރައީސް އިބްރާހިމް މުހައްމަދު ސޯލިހު ދެއްވި ހިތޯބުގައި ވިދާޅުވީ؛
"ނޫސްވެރިކަމުގެ މިނިވަންކަމުގެ ހައްގުގެ ބޭނުން ހެޔޮގޮތުގައި ހިފުމުން، އެ ބައެއްގެ އިންސާނީ ހައްގުތަކުގެ ހާލަތު ވަޒަންކުރެވި، އެ ހައްގުތައް އިތުރަށް ކަށަވަރު ކުރުމަށާއި ލިބިދިނުމަށް މަސައްކަތް ކުރުމުގެ ހިތްވަރާއި ހަކަތަ އެ ބައެއްގެ މެދުގައި އުފެދޭ،"
ދުވަހުގެ ފޮޓޯ
އޮފީސްތަކުގެ ވޮލީ މުބާރާތުގައި އިއްޔެ އާބަންކޯ އާއި އެމްއޭސީއެލް ކުޅުނު މެޗްގެ ތެރެއިން. -- ފޮޓޯ: އަބްދުﷲ އިޔާން/އަދަދު
