ކަނޑުދަތުރު ކުރާ ފަރާތްތަކުން ސަމާލުވުމުގެ އިލްތިމާސްއާއެކު މޫސުމާ ބެހޭ ގައުމީ އިދާރާއިން ރާއްޖޭގެ ބޮޑު ބަޔަކަށް ރީނދޫ ސަމާލު ނެރެފި އެވެ.
މޯލްޑިވްސް މީޓިއޮރޮލޮޖިކަލް ސާވިސަސް އިން އެންމެ ފަހުގެ ސަމާލު ނެރެފައިވަނީ މިއަދު ހިނދުނު 8:30 އާ ހަމައަށެވެ. ނަމަވެސް ކަނޑުދަތުރުކުރުމުގައި މިއަދު އިރުއޮއްސި ހަޔަކާ ހަމައަށް ސަމާލުވުމަށް ވަނީ އިލްތިމާސްކޮށްފަ އެވެ.
ކ. އަތޮޅުން ފެށިގެން އައްޑު އަތޮޅުގެ ނިޔަލަށް ނެރެފައިވާ ރީނދޫ ސަލާމުގެ ވަގުތުގައި، ގުގުރުމާއެކު ބޯކޮށް ވާރޭ ވެހޭނެ ކަމަށް ލަފާ ކުރާއިރު، ވިލާގަނޑުގައި ގަޑިޔަކު 45 މޭލު ބާރަށް ވައިޖެހޭނެ އެވެ. އަދި ކަނޑުތައް ގަދަވާނެ ކަމަށް ވަނީ ލަފާކޮށްފަ އެވެ.
މި ދުވަސްވަރު ރާޅުގެ އުސްމިން ހުންނާނީ ހަތަރު ފޫޓާއި ހަތް ފޫޓުގެ އުސްމިނެއްގައި ކަމަށް ވެސް މެޓު އޮފީހުން ބުނެ އެވެ.
މާލެއަށް މިހާރު ވެސް ދަނީ ބޯކޮށް ވާރޭ ވެހެމުންނެވެ.
