ޕީޕީއެމްގެ ރިޔާސީ ކެންޑިޑޭޓު، އަދި ކުރީގެ ރައީސް އަބްދުﷲ ޔާމީނަށް އިއްވާފައިވާ އެގާރަ އަހަރުގެ ޖަލު ހުކުމުން މިނިވަން ނުވެއްޖެ ހާލަތެއްގައި ރިޔާސީ ޓިކެޓު ހޯއްދެވުމަށް މާލޭ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު މަސައްކަތް ކުރައްވާ ކަމަށް ކުރެވޭ ތުހުމަތު އޭނާ އިއްޔެ ދޮގުކުރެއްވި އެވެ.
އިންތިހާބުގައި ޔާމީނަށް ވާދަ ކުރެއްވޭނެ މަގެއް ނުފެނިއްޖެ ނަމަ، މުއިއްޒުގެ އިތުރުން ބައެއް އެހެން ބޭފުޅުން ވެސް ގެންދަވަނީ ޓިކެޓަށް ތައްޔާރު ވަމުންނެވެ. ނަމަވެސް އެކަމަށް އެ ބޭފުޅުން ވެސް އަދި ޕާޓީން ވެސް އެއްބަސްވާން ބޭނުމެއް ނުވެ އެވެ.
އެކަންކަން ސިއްރުކޮށްފައި ވަނިކޮށް، ޔާމީންގެ ކެންޑިޑެސީއަށް ހުރަސް އެޅުމަށް މުއިއްޒުގެ އެންމެ އަރިސް އެކަކު، އަދި ސިޓީ ކައުންސިލްގެ މެމްބަރު އާދަމް ރަމީޒު މަސައްކަތް ކުރައްވާ ކަމަށް ސީދާ ޔާމީން ވަނީ ތުހުމަތު ކުރައްވައިފަ އެވެ.
ޔާމީންގެ އެންގެވުމަށް ސުލޫކީ ކޮމިޓީން ރަމީޒުގެ މައްސަލަ ބަލަމުން ދިޔައިރު، އަދި އެކަމާ ގުޅިގެން ރަމީޒު ޕާޓީން އިސްތިއުފާ ދިނުމުން ވެސް މުއިއްޒު ބަހެއް ވިދާޅެއް ނުވެ އެވެ.
ރިޔާސީ ޓިކެޓު ހޯއްދެވުމަށް މުއިއްޒުގެ އިތުރުން ޕީޕީއެމްގެ އެހެން ބައެއް ބޭފުޅުން ވެސް މަސައްކަތް ކުރައްވާ ކަމަށް އެ ޕާޓީގެ އެތައް މަސްދަރަކުން އަދި މުއިއްޒުގެ އަރިސް ބައެއް ބޭފުޅުން ވިދާޅުވެފައި ވާއިރު މުއިއްޒުގެ "ކެމްޕޭނުގައި" އެންމެ އިސްކޮށް ހުންނެވި އެކަކީ ރަމީޒުކަން ވަނީ އެނގިފަ އެވެ.
އެ ތުހުމަތުތައް ދޮގުކުރައްވައި މުއިއްޒު އެ ވަނީ ފަހަތަށް ފިޔަވަޅެއް އަޅުއްވައިފަ އެވެ.
މުހިންމު ބައެއް ހަބަރު
އެޑިޓަރުގެ ހޮވުން
ދުނިޔޭގެ ގިނަ ގައުމުތަކަށް ދެވިއްޖެ އެވެ. އެތައް ފަރުބަދައަކާ ވާދީއަކާ އަތިރިމައްޗެއް ފެނިއްޖެ އެވެ. އެކި މުޖުތަމައުގެ އެކި ސަގާފަތް ތަޖުރިބާ ކުރެވިއްޖެ އެވެ. ނަމަވެސް، ހަމަހިމޭން މަޑުމައިތިރި މާހައުލެއްގައި ދިރިއުޅޭ ހިތްޖެހިފައި ހުރި އާނާ މެރްގެރިޑާ ރިޑޯންޑޯގެ ހިތް މުޅީން ދެވުނީ މި ރާއްޖޭގެ ކުޑަކުޑަ ރަށަކަށެވެ.
ދުވަހުގެ ކޯޓޭޝަން
ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެމްބަރެއްގެ ގޮތުން ހުވާ ކުރެއްވުމަށް ފަހު އިބްރާހިމް ޝާޒު ވިދާޅުވީ،
އަޅުގަނޑު ގަބޫލުކުރާ ގޮތުގައި މަޖިލީހުގައި މި އޮތް ކުރު މުއްދަތުގައި އަޅުގަނޑު ހަމަ އެކަނި [ކުރާނެ ކަމަކީ] ގުޅި ގުރައިދޫ ދާއިރާގެ ރައްޔިތުންނަށް ލާބަޔާއި މަންފާޔަށް [މަސައްކަތް ކުރުން] އެބޭފުޅުންގެ އެހެރަ އުއްމީދުތައް ހާސިލުކުރުމަށް މިއީ ކުރު މުއްދަތެއް،"
ދުވަހުގެ ފޮޓޯ
ޕްރެޒިޑެންޓްސް ކަޕްގައި ރޭ ކުޅުނު ވެލެންސިއާ އަދި އީގަލްސް މެޗުގެ ތެރެއިން. -- ފޮޓޯ: އަބްދުﷲ އިޔާން/ އަދަދު
