އެސްޓީއޯގެ ޑިރެކްޓަރުންގެ ބޯޑުގައި ޕަބްލިކް ހިއްސާދާރުން ތަމްސީލްކުރުމަށް، ބޯޑަށް ކުރިމަތިލުމުގެ ފުރުސަތު އެ ކުންފުނިން މިއަދު ހުޅުވާލައިފި އެވެ.
އެގޮތުން، އެސްޓީއޯގެ ޑިރެކްޓަރުންގެ ބޯޑަށް ކުރިމަތިލާ ފަރާތްތަކުގައި ހުންނަންވާ ޝަރުތުތައް ވަނީ، އެ ކުންފުނިން މިއަދު ކުރި އިއުލާނުގައި ބަޔާންކޮށްފަ އެވެ.
އެސްޓީއޯގެ ބޯޑަށް ކުރިމަތިލާން ބޭނުންވާ ހިއްސާދާރުން، އެ ކުންފުނީގެ ޑިރެކްޓަރުންގެ ބޯޑަށް ކުރިމަތިލުމަށް އެދި ހުށަހަޅާ ފޯމް އަދި ފޯމާއެކު ހުށަހަޅަންޖެހޭ ޑޮކިއުމަންޓްތައް ފުރިހަމަކުރުމަށްފަހު cs@sto.mv އަށް އީމެއިލްކުރުމަށް ނުވަތަ އެ ކުންފުނީގެ ވެބްސައިޓްގައި ގާއިމްކުރެވިފައިވާ ޕްލެޓްފޯމް މެދުވެރިކޮށް ފޯމް ހުށަހެޅުމަށް، އެ ކުންފުނިން އެދިފައިވެ އެވެ.
ފޯމް ހުށަހެޅުމުގެ ސުންގަޑިއަކީ 24 އޭޕްރީލް ވާ ހޯމަ ދުވަހުގެ ހެނދުނު 10:00 ގެ ކުރިންނެވެ.
މި މަޤާމަށް އަންހެން ބޭފުޅުން ކުރިމަތިލުމަށްވެސް އެސްޓީއޯއިން ކުރި އިއުލާންގައި ބާރުއަޅާފައިވެ އެވެ.
ޑިރެކްޓަރުންގެ ބޯޑުގައި ސަރުކާރު ތަމްސީލްކުރާ ޑިރެކްޓަރުން ނޮމިނޭޓްކޮށްދެއްވުމަށް އެދި ޕީސީބީއަށްވެސް މިއަދު ނޯޓިސް ހުށަހަޅާފައިވާކަމަށް އެސްޓީއޯއިން ބުންޏެވެ.
