ވެލާނާ އިންޓަނޭޝަނަލް އެއާޕޯޓުގައި މިއަދު މެންދުރު ޖެއްދސި ފްލައި ދުބާއީގެ މަތިންދާ ބޯޓުގެ ފުރޮޅު ފަޅައި ހިނގެއްޖެ އެވެ.
"އަދަދު" އަށް އެނގިފައިވާ ގޮތުގައި މި ހާދިސާ ހިނގާފައިވަނީ މިއަދު މެންދުރު އެ ބޯޓު ޖެއްސި ވަގުތުގަ އެވެ. ހާދިސާ ހިނގަން މެދުވެރިވީ ކީއްވެގެން ކަމެއް ނޭނގެ އެވެ.
އެ ހާދިސާގައި އެ ބޯޓުގައި ދަތުރުކުރި އެއްވެސް ފަސިންޖަރަކަށް އަނިޔާ ވެފައި ނުވެ އެވެ. އަދި ފުރޮޅު ފަޅައިގެން ދިޔުން ފިޔަވައި ބޯޓަށް އިތުރު ގެއްލުމެއް ލިބިފައެއް ނުވެ އެވެ..
ހާދިސާ އާ ގުޅިގެން ވެލާނާ އިންޓަނޭޝަނަލް އެއާޕޯޓު ހިންގަމުން އަންނަ މޯލްޑިވްސް އެއާޕޯޓްސް ކޮމްޕެނީގެ ބަހެއް އަދި ނުލިބެ އެވެ.
ޔޫއޭއީގެ އެއާލައިނެއް ކަމަށްވާ ފްލައި ދުބާއީ އިން މާލެ އާއި ދުބާއީއާ ދެމެދު ހަފުތާއަކު ހަތަރު ދަތުރު ކުރެ އެވެ.
