އައްޑޫ ސިޓީގެ ގަން އިންޓަނޭޝަނަލް އެއާޕޯޓް ތަރައްގީކުރުމުގެ 458 މިލިއަން ރުފިޔާގެ މަޝްރޫއު، ބީލަން ކާމިޔާބުކުރި އިންޑިއާގެ ރެނާޓަސް ޕްރޮޖެކްޓްސްއާ ހަވާލުކުމުގެ އެއްބަސްވުމުގައި އިއްޔެ ސޮއިކޮށްފި އެވެ.
އިންޑިއާ އެގްޒިމް ބޭންކުގެ ލޯނުގައި ހިންގާ މި މަޝްރޫއުގެ އަމާޒަކީ ދެކުނުގެ ޓޫރިޒަމް ވަރުގަދަކުރުމަށްޓަކައި، 1.5 މިލިއަން ފަޖިސްޖަރުންނަށް ހިދުމަތް ދެވޭވަރަށް، ޒަމާނީ ވަސީލަތްތަކާއެކު އެއާޕޯޓު ތަރައްގީ ކުރުމެވެ. އޭގެ ތެރޭގައި ޕެސެންޖާ ޓާމިނަލް، ޑިއުޓީ ފްރީ ފިހާރަތައް، ރެސްޓޯރެންޓްތައް، ލައުންޖް، އަދި އެހެނިހެން ވަސީލަތްތައް ހިމެނެ އެވެ.
ކޯލްޑް ސްޓޯރޭޖަކާއެކު ކާގޯ ވަސީލަތްތަކާއި، ކޮންޓްރޯލް ޓަވަރު އަދި ފަޔާ ސްޓޭޝަނާއި، މަގުތަކާއި ޕާކިން ސަރަހައްދުތައް މި މަޝްރޫއުގެ ދަށުން އެއާޕޯޓްގައި ތަރައްގީކުރާނެ އެވެ.
އައްޑޫ ސިޓީ، އިގްތިސާދީ ހަބެއްގެ ގޮތުގައި ތަރައްގީ ކުރުމަކީ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ވަރަށް ބޮޑު އަމާޒެކެވެ. މި އަމާޒަށް ވާސިލުވުމަށްޓަކައި އެ ސިޓީގައި ތަރައްގީގެ ގިނަ މަޝްރޫއުތަކެއް ދަނީ ހިންގަމުންނެވެ.
އޭގެ ތެރޭގައި މަގުތައް ޒަމާނީ ފެންވަރަކަށް ހެދުމާއި، ނަރުދަމާ އެޅުމާއި ބަނދަރު ތަރައްގީކުރުމާއި، ބިން ހިއްކުމުގެ އިތުރުން އެހެން މަޝްރޫއުތައް ވެސް ހިމެނެ އެވެ. އައްޑޫ ސިޓީގެ ޓޫރިޒަމް ތަރައްގީ ކުރުމަށްޓަކައި ވެސް ދަނީ މަސައްކަތް ކުރަމުންނެވެ.
ގަން އިންޓަނޭޝަނަލް އެއާޕޯޓް ތަރައްގީ ކުރުމުގެ ސަބަބުން ދުނިޔޭގެ އެކި ކަންކޮޅުތަކުން ސީދާ ފްލައިޓުތައް ރާއްޖޭގެ ދެކުނަށް އޮޕަރޭޓް ކުރުމަށް މަގުފަހިވެ، އެ ސަރަހައްދުތަކުގައި ރިސޯޓުތަކާއި، ސިޓީ ހޮޓަލާއި ގެސްޓްހައުސްތައް އިތުރު ކުރުމަށް ފުރުސަތު ހުޅުވިގެންދާނެ ކަމަށް ސަރުކާރުން ބުނެ އެވެ.
މީގެ އިތުރުން ވިޔަފާރިއާއި އެކިއެކި ސިނާއަތްތައް އެ ސަރަޙައްދުތަކުގައި ތަރައްގީ ކުރުމަށް މަގުފަހިވެ، އަދި ސީދާ ގޮތުންނާއި ނުސީދާ ގޮތުން އެތައް ހާސް ވަޒީފާއެއް އުފެދިގެންދާނެ ކަމަށް ސަރުކަރުން ވަނީ ބުނެފަ އެވެ.
މުހިންމު ހަބަރުތައް
- ސަރުކާރު ހިންގާ ކޯލިޝަނުގައި ހިމެނޭ އެމްއާރުއެމް މިދިޔަ ފަސް އަހަރު ވަރަށް ބޮޑަށް ވެސް އަޑު މަޑުކޮށް އަދި ހަރަކާތްތައް މަދުކޮށް ތިބިކަން ފާރިސް ވެސް ގަބޫލުކުރައްވަ އެވެ. އޭގެ ސަބަބެއް ގޮތުގައި އޭނާ ވިދާޅުވީ ރައީސް އިބްރާހީމް މުހައްމަދު ސޯލިހު ސަރުކާރުގެ ކޯލިޝަން ޕާޓްނަރަކަށް ވާތީ، އެމަނިކުފާނަށް ވެރިކަން ކުރުމުގެ ޖާގަ ދިނުމަށެވެ.
- އެމްޑީޕީގެ ރިޔާސީ ޕްރައިމަރީ އަލުން ބާއްވައިދިނުމަށް އެދި ސިވިލް ކޯޓަށް ހުށަހެޅި މައްސަލަ ބެލުމުގެ އިހުތިސޯސް އެ ކޯޓަށް ލިބިގެން ނުވާ ކަމަށް އެމްޑީޕީން ބުނުމުން، ޕްރައިމަރީގެ ނަތީޖާއަށް އަމަލުކުރުން މަޑުޖައްސައިލަން އެދިފައިވާ ވަގުތީ އަމުރާ މެދު ގޮތެއް ނިންމުން ފަސްވެއްޖެ އެވެ.
- ޏ. ފުވައްމުލަކުގައި ހަށިވިއްކާ ކަމުގެ ތުހުމަތުގައި ތިން މީހަކު ހައްޔަރުކުރި އެވެ.
- އދ. އިން ބާއްވާ އެންމެ ކުޑަކޮށް ތަރައްގީވެފައިވާ ގައުމުތަކުގެ ފަސް ވަނަ ކޮންފަރެންސްގެ ހަވާސާގެ ތެރެއިން، ފަލަސްތީނުގެ ރައީސް މުހައްމަދު އައްބާސްއާ ރައީސް އިބްރާހީމް މުހައްމަދު ސޯލިހު މިއަދު ބައްދަލުކުރައްވައިފި އެވެ.
- މާލޭގެ މަގުތަކާ ގޯޅިތަކުގެ ފާރުތަކުގައި ކުރަހާފައިވާ ގްރެފިޓީތައް ފުހެ ސާފުކުރުމުގެ މަސައްކަތް، މާލެ ސިޓީ ކައުންސިލުން ފުލުހުންނާއި ގުޅިގެން އަނެއްކާ ވެސް ފަށައިފި އެވެ.
ނަފްސާނީގޮތުންނާއި ޖިސްމާނީ ގޮތުން އަންހެނުންނަށް ދިމާވާ މައްސަލަތަކަށް ހައްލެއް ހޯދަން ދިރާސާއެއް ކުރުމަށް ގޮވާލައި މަޖިލީހަށް ގަރާރެއް ހުށަހަޅައިފި އެވެ.
އެމްޑީޕީގެ ކުރީގެ ރައީސް ޑރ. މުހައްމަދު މުނައްވަރު ރިޔާސީ އިންތިހާބުގައި ވާދަކުރައްވަން ނިންމަވައިފި އެވެ.
ދުވަހުގެ ކޯޓޭޝަން
ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި އެމްޑީޕީގެ ކުރީގެ ރައީސް ޑރ. މުހައްމަދު މުނައްވަރު ވާދަކުރައްވަން ނިންމެވުމާ ގުޅިގެން އަދަދު ނޫހަށް އިއްޔެ ދެއްވި އިންޓަވިއުގައި ވިދާޅުވީ؛
މިކަމުގައި ނަޝީދާ މަޝްވަރާއެއް ނުކުރަން. ނަމަވެސް ގައުމަށް ހެޔޮއެދޭ، ގައުމާމެދު ފުންކޮށް ވިސްނާ، މި ދާ ގޮތް ކަމުނުދާ ގިނަ ބަޔެއްގެ ތާއިދު އެބަ އޮތް. އެފަދަ ބޭފުޅުންގެ ހިޔާލާއި ދެކެވުނު ވާހަކަތަކާއެކު މިހާ ހިސާބަށް މިކަން އައީ،"
ދުވަހުގެ ފޮޓޯ
ގަތަރުގެ ދޯހާގައި ހުންނަ ނެޝަނަލް ކޮންވެންޝަން ސެންޓަރުގައި އދ. ގެ ސެކްރެޓަރީ ޖެނެރަލް އެންޓޯނިއޯ ގުޓާރޭޒްއެކު ރައީސް ސޯލިހު ބޭއްވެވި ބައްދަލު ކުރެއްވުމަށް ފަހު ދެ ބޭފުޅުން ފޮޓޯފުޅަކަށް ހުއްޓިވަޑައިގެން. -- ފޮޓޯ: ރައީސް އޮފީސް
