ސެޕްޓެމްބަރު މަހު ބާއްވާ ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހީމް މުހައްމަދު ސޯލިހަށް ތާއީދު ކުރުމުގެ ކުރިން އެ ޕާޓީއާއެކު އިތުރަށް މަޝްވަރާ ކުރަން އަދާލަތު ޕާޓީން ރޭ ނިންމާފައިވާއިރު، އެހެން ޕާޓީތަކުން އަދި ގޮތެއް ނުނިންމަ އެވެ.
މިހާރު އޮތް ސަރުކާރު ކޯލިޝަން ކުރިއަށް އޮތް ފަސް އަހަރު ވެސް ކުރިއަށް ގެންދިއުމަށް އަދާލަތު ޕާޓީގެ އިތުރަށް ޖުމްހޫރީ ޕާޓީ އާއި މޯލްޑިވްސް ރިފޯމް މޫވްމަންޓަށް ވެސް ރައީސް ސޯލިހު ސިޓީފުޅު ފޮނުއްވާފައިވެ އެވެ.
ރައީސް ސޯލިހުގެ ދައުވަތާ ގުޅޭ ގޮތުން 68 މެމްބަރުން ހިމެނޭ އަދާލަތު ޕާޓީގެ މަޝްވަރާ މަޖިލީހުން ރޭ ބޭއްވި ބައްދަލުވުމަށް ފަހު ނެރުނު ކުރު ބަޔާނުގައި ބުނެފައި ވަނީ، ރައީސް ސޯލިހުގެ މި ހިނގާ ރިޔާސީ ދައުރުގެ ތަޖުރިބާ އެހެން ސަރުކާރުތަކަށް ވުރެ ރަނގަޅުކަން ފެނިފައިވާ ކަމަށް ފާހަގަ ކުރެވޭ ކަމަށެވެ. ނަމަވެސް ކުރިއަށް އޮތް ދައުރަށް ކޯލިޝަން ހެދުމުގެ ކުރިން އެމްޑީޕީއާއެކު މަޝްވަރާކުރުން މުހިންމު ކަމަށް އަދާލަތު ޕާޓީން ނިންމި އެވެ.
މުހިންމު ބައެއް ހަބަރު
ދިވެހި ރައްޔިތުންގެ ޕާޓީ (ޑީއާރުޕީ) އުވާލަން އިލެކްޝަންސް ކޮމިޝަން (އީސީ) އިން ނިންމި މައްސަލަ ދެ ވަނަ ފަހަރަށް ހުށަހެޅުމުން ވެސް އެ މައްސަލަ ބަލައިނުގަތުމަށް ހައި ކޯޓުގެ ރަޖިސްޓްރާ ނިންމެވި އެވެ.
މާލޭގެ މޭޔަރު ޑރ. މުހައްމަދު މުއިއްޒު ޝަރީއަތަށް ދޮގު ހެދި ކަމަށް ބުނެ އޭނާއާ ދެކޮޅަށް ހިންގާ ޝަރީއަތަށް ދައުލަތުގެ ފަރާތުން ހުށަހެޅި ހެކިންގެ ހެކިބަސް ކޯޓުގައި ނެގިއެވެ.
އިދިކޮޅު ފަރާތްތަކުން ކުރަމުން އަންނަ މުޒާހަރާގެ ތެރެއިން ފުލުހެއްގެ ގައިގައި ދަނޑިބުރިއަކުން ޖެހިކަމުގެ ތުހުމަތުގައި މީހަކު ހައްޔަރުކޮށް ތިން ދުވަހުގެ މުއްދަތަކަށް ބަންދުކޮށްފި އެވެ
އައިޖީއެމްއެޗްގައި ވަޒީފާ އަދާކުރަމުން ދިޔަ ފިލިޕީންސްގެ ނަރުސް މޭރީ ގްރޭސް މަރުވުމުން، އެ މައްސަލާގައި ދައުވާ އުފުލާފައިވާ ލަމްހާ އަބްދުލްރަހްމާން ހުރީ ވަރަށް ބޮޑަށް ހިތްހަމަޖެހިގެން ކަމަށް އިއްޔެ ކްރިމިނަލް ކޯޓުގައި ބޭއްވި ޝަރީއަތުގެ އަޑުއެހުމުގައި ހެކިބަސް ދިން ހެކިވެރިޔަކު ބުނެފި އެވެ.
ބައެއް ކަސްޓަމަރުންގެ ކްރެޑިޓު ކާޑުތަކުން މުއާމަލާތްތައް ކޮށްފައިވަނީ ބޭރުގެ މާޗެންޓެއްގައި ހުރި ޑޭޓާ ވަގަށް ނަގައިގެން ކަމަށާއި އެފަދަ ހާލަތްތަކުގައި ގެއްލޭ ފައިސާ އަނބުރައި ހޯދައިދޭނެ ކަމުގެ ޔަގީންކަން ބީއެމްއެލް އިން ދިނެވެ.
މިދިޔަ ސަރުކާރުގައި ކޮރަޕްޝަނަށް މަގުފަހިވާ ގޮތަށް ޓޫރިސްޓު ރިސޯޓުތައް ތަރައްގީ ކުރުމަށް އެމްއެމްޕީއާރްސީން ރަށްތައް ދޫކޮށްގެން ފައިސާ ހޯދި މައްސަލައިގައި ވިޔަފާރިވެރިއެއްގެ އަތުން 2.46 މިލިއަން އެމެރިކާ ޑޮލަރު ހޯދަން އެންޓި ކޮރަޕްޝަން ކޮމިޝަން (އޭސީސީ) އިން އެމްއެމްޕީއާރްސީއަށް އެންގި އެވެ.
އިދިކޮޅު ޕީޕީއެމް/ޕީއެންސީން ކުރިއަށްގެންދާ މުޒާހަރާތަކުގެ ތެރެއިން، ހިޔާލުފާޅުކުރުމުގެ ހައްގުގެ އަދަބުތަކާ ހިލާފު ބައެއް ކަންކަން ފާހަގަ ކުރެވޭ ކަމަށް ހިއުމަން ރައިޓްސް ކޮމިޝަން (އެޗްއާރުސީއެމް) އިން އިއްޔެ ބުންޏެވެ.
ދުވަހުގެ ކޯޓޭޝަން
ބީއެމްއެލްގެ ކާޑުތަކުގެ މައުލޫމާތު ހާމަވެފައިވާ ކަމަށް ބުނެ ދެކެވޭ ވާހަކަތަކާ ގުޅޭ ގޮތުން ނެރުނު ކުރު ބަޔާނެއްގައި ބުނެފައި ވަނީ;
މާޗަންޓެއްގެ ފަރާތުން ކާޑުގެ މައުލޫމާތު ހާމަވާ ހާލަތްތަކުގައި ކަސްޓަމަރުންނަށް ފުރިހަމަ ރައްކާތެރިކަން ލިބި، އަދި މާލީ ގޮތުން އެއްވެސް ގެއްލުމެއް ނުލިބޭނެ އެވެ. އަދި ޑިސްޕިއުޓް މަރުހަލާ ނިމުމާއެކު ކަސްޓަމަރުންނަށް ރީފަންޑް ލިބޭނެ,"
ދުވަހުގެ ފޮޓޯ
ރިޔާސީ އިންތިހާބުގައި ކޯލިޝަން ހެދުމާ ގުޅޭ ގޮތުން އެމްޑީޕީއާއެކު މަޝްވަރާ ކުރަން އަދާލަތު ޕާޓީގެ މަޝްވަރާ މަޖިލީހުގައި ނެގި ވޯޓުގައި އެ މަޖިލީހުގެ މެމްބަރުން ވޯޓު ދެއްވަނީ. -- ފޮޓޯ: އަދާލަތު ޕާޓީ
