އެމްޑަބްލިއުއެސްސީގެ ފެން ޕްލާންޓަކަށް ދިމާވި މައްސަލައަކާ ގުޅިގެން މުޅި ތިލަފުށިން ފެނުގެ ހިދުމަތް ކެނޑިއްޖެ އެވެ.
ދާދި ދެންމެއަކު އެކުންފުނިން ސޯޝަލް މީޑިއާގައި ލިޔެފައިވާ މެސެޖެއްގައި ވަނީ ފެން ކެނޑުނީ ޓެކްނިކަލް މައްސަލައަކާ ގުޅިގެން ކަމަށެވެ.
އެ މައްސަލަ ހައްލު ކުރުމުގެ މަސައްކަތް އެ ކުންފުނީގެ ޓެކްނިކަލް ޓީމުން ކުރަމުން އަންނަ ކަމަށް ވެސް އެ މެސެޖުގައި ލިޔެފައިވެ އެވެ.
އެކަމާ ގުޅޭގޮތުން މައުލޫމާތެއް ހޯދައިލުމަށް އެ ކުންފުނީގެ އޮފިޝަލަށް ގުޅާލުމުން ވިދާޅުވީ ދިމާވި ސީދާ މައްސަލަ ދެނެގަތުމުގެ މަސައްކަތް މިހާރު ކުރަމުންދާ ކަމަށެވެ.
މުޅި ތިލަފުށިން ފެނުގެ ހިދުމަތް ކެނޑުނުއިރު، އެ ރަށުގައި ސިނާއީ އެކި މަސައްކަތްތައް ކުރުމަށާއި އެނޫންވެސް މަސައްކަތްތައް ކުރުމަށް ގިނަ އަދަދެއްގެ ބަޔަކު އަބަދުވެސް ހަރަކާތްތެރިވަމުންދެ އެވެ.
ދިމާވި ޓެކްނިކަލް މައްސަލަ މިހާރު ހައްލު ކުރުމަށް މަސައްކަތް ކުރަމުން އަންނައިރު، ފެނުގެ ހިދުމަތް މެދުކެނޑުމުގެ ސަބަބުން ދިމާވެދާނެ ދަތިތަކަށް އެ ކުންފުނިން ވަނީ މައާފަށް އެދިފަ އެވެ.
