ލާޒިއޯ ބަލިކޮށް ޔުވެންޓަސް އިޓާލިއަން ކަޕްގެ ސެމީ އަށް

Feb 3, 2023, 1:29 AM
ޔުވެންޓަސްގެ ބްރެމާ ބޮލުން ބޯޅަ ފޮނުވާލަނީ.

ޔުވެންޓަސްގެ ބްރެމާ ބޮލުން ބޯޅަ ފޮނުވާލަނީ.

ޓިއުރިން (ފެބްރުއަރީ 3) - އިޓާލިއަން ކަޕް ގެ ކުއާޓާ ފައިނަލް ފަހު މެޗުގައި ރޭ ލާޒިއޯ އަތުން 1-0 އިން މޮޅުވެ، ޔުވެންޓަސް އިން މުބާރާތުގެ ސެމީ ފައިނަލަށް ދަތުރުކޮށްފި އެެވެ.

އިޓާލިއަން ކަޕްގެ ސެމީ ފައިނަލް ދެ ލެގަށް ކުޅޭއިރު، އަންނަ އޭޕްރީލް މަހުގެ ތެރޭގައި ކުޅޭ ސެމީގެ މެޗުތަކުގައި ޔުވެންޓަސް އިން ނުކުންނާނީ އިންޓަ މިލާނާ ދެކޮޅަށެވެ. މެއި މަހު ކުޅޭ ފައިނަލްގެ ޖާގަ އަކަށް ދެ ވަނަ ސެމީގައި ވާދަކުރަނީ ފިއޮރެންޓީނާ އާއި ކްރެމޮނީސޭ އެވެ. އިޓާލިއަން ލީގުގެ ފުލުގައި އޮތް ކްރެމޮނީސޭ ފައިނަލަށް ދަތުރުކުރީ ހޯސޭ މޮރީނިއޯ ކޯޗުކޮށްދޭ ރޯމާ އަތުން ކުއާޓާ ފައިނަލުގައި މޮޅުވެގެންނެވެ.

ޔުވެންޓަސް ދަނޑުގައި ރޭ ކުޅުނު ކުއާޓާ ފައިނަލްގެ ފަހު މެޗުގައި ފެނިގެންދިޔަ ހަމައެކަނި ގޯލު ޔުވެންޓަސް އަށް ޖަހައިދިނީ ބްރެޒިލްގެ ޑިފެންޑަރު، ގްލެއިސަން ބްރެމާ އެވެ.

މެޗުގެ 44 ވަނަ މިނިޓްގައި ބްރެއިމާ ބޮލުން ޖެހި މި ގޯލަކީ ޔުވެންޓަސްގެ ސާބިއާ ވިންގް، ފިިލިޕް ކޮސްޓިޗް ހުރަސްކޮށްލި ބޯޅަ އަކުން ޖެހި ގޯލެކެވެ. ބްރެމާ އެ ބޯޅަ ފޮނުވާލިއިރު، އެ ހުއްޓުވަން ލާޒިއޯގެ ކީޕަރު، ލުއިސް މެކްސިމިއާނޯ އަށް މާ ބޮޑު ކަމެއް ނުކުރެވުނެވެ.

މި މެޗުގައި ޔުވެންޓަސް އަށް އިތުރު ގޯލެއް ޖަހަން ފުރުސަތު ލިބުނު ނަމަވެސް ބޭނުމެއް ނުކުރެވުނެވެ. ލާޒިއޯ އިން ނަތީޖާ ހަމަހަަމަކުރަން ކުރި މަސައްކަތް ކާމިޔާބުނުވީ ޔުވެންޓަސް ޑިފެންސްލައިން އޮގަނައިޒްވުމުންނެވެ.

މިއީ މާލީ މުއާމަލާތްތަކުގައި މަކަރުހަދާފައިވާ މައްސަލަތަކެއްގެ ސަބަބުން އިޓަލީގެ ފުޓްބޯޅަ ފެޑެރޭޝަނުން ޔުވެންޓަސްގެ 15 ޕޮއިންޓް އުނިކުރަން ނިންމި ފަހުން، އެ އަޑިގަނޑުން އަރައިގަންނަން ބަލާއިރު، ޔުވެންޓަސް އަށް ބޭނުންހިފޭނެ ނަތީޖާ އެކެވެ.

އިޓަލީ ފުޓްބޯޅަ ފެޑެރޭޝަނުން ޕޮއިންޓް އުނިކުރަން ނިންމި މައްސަލައިގައި ޔުވެންޓަސް އިން ވަނީ އެޕީލްކޮށްފަ އެވެ.

މި ފަހަރުގެ އިޓާލިއަން ކަޕްގެ ސެމީ ފައިނަލުގައި އިންޓަ އާއި ޔުވެންޓަސް ބައްދަލުކުރަން ޖެހުނުއިރު، މިދިޔަ ފަހަރު ތަށްޓަށް ވާދަކުރީ މި ދެ ޓީމުންނެވެ. ފައިނަލުގައި ޕެނަލްޓީ ޖަހައިގެން ޔުވެންޓަސްގެ މައްޗަށް ކުރިހޯދީ އިންޓަ އިންނެވެ. ޔުވެންޓަސް އިން 14 ފަހަރު އިޓާލިއަން ކަޕް ކާމިޔާބުކުރިއިރު، އިންޓަ އިން މި މުބާރާތުގެ ތަށި އުފުލާލީ އަށް ފަހަރު އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox