ސަރުކާރުން މާލެ ސިޓީ ކައުންސިލަށް ހުރަސްއަޅާ ކަމަށް ބުނެ އަނެއްކާވެސް ސިޓީ ކައުންސިލުން ކަންބޮޑުވުން ފާޅުކޮށްފި އެވެ.
މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު މިއަދު މީޑިއާތަކަށް ފޮނުވި މެސެޖެއްގައި ވިދާޅުވެފައި ވަނީ، ސަރުކާރުން އަންނަނީ ސަރުކާރުގެ އެންމެ އިސް އެއް ސިޔާސަތު ކަމަށްވާ ލާމަރުކަޒީ ނިޒާމާ ހިލާފުވަމުން ކަމަށެވެ.
މާލެ ސިޓީގެ ލޭންޑު ޔޫސްޕްލޭން ފާސްނުކޮށްދީ ލާމަރުކަޒީ ނިޒާމުގެ ގާނޫނުގެ ބާރު ކަނޑުވާލާފައިވާކަމަށް މުއިއްޒު ވިދާޅުވެފައި ވެއެވެ.
އަދި، އެކި ގޮތްގޮތުން ސަރުކާރުން އަންނަނީ ކައުންސިލަށް ފިއްތުންތައް ކުރިމަތިކުރަމުންކަން ފާާހަގަކޮށް މުއިއްޒު ވިދާޅުވީ، ހައުސިންް މައްސަލާގައި ސިޓީ ކައުންސިލުންް ހުށަހެޅި އެއްވެސް ކަމަކަށް ސަރުކާރުގެ އެއްބާރުލުން ނުލިބޭ ކަމަށެވެ.
އަދި، މާލޭގެ ލޭންޑް ޔޫސް ޕްލޭން ހުށަހެޅިތާ އަހަރަކާއި ދެމަސް ވީ އިރު ވެސް ފާސްކޮށްފައި ނުވާ ކަމަށާއި، އޭގެ ސަަބުން ރައްޔިތުންނަށް ނުހަނު ބޭނުންތެރި އެތައް މަސައްކަތްތަަކަކަށް ވަނީ ހުރަސް އެޅިފައި ކަމަށް ވިދާޅުވެފައި ވެއެވެ.
"ކައުންސިލުގެ ކޮމްޕެނީ އުފައްދަން ހުއްދަ ނުދީ އެއް އަހަރާ ހަތަރު މަސް. އޭގެ ސަބަބުން ކައުންސިލްގެ ސްޓްރިޖެޓިކް އެކްޝަން ޕްލޭނުގައި ހުރި ވަރަށް ގިނަ ކަންކަން މާލީ ގޮތުން ދެކޮޅު ޖެހޭ ދެމެހެއްޓެނިވި ގޮތެއްގައި ކުރުމަށް ހުރަސްތަކެއް ކުރިމަތިވެފައި" މުއިއްޒު ވިދާޅުވެފައި ވެއެވެ.
މިފަދަ އެހެން ގިނަ ކަންތައްތަކެއް ހުރިކަން ފާހަގަކޮށް މުއިއްޒު ވަނީ ކަންބޮޑުވުން ފާޅުކޮށްފަ އެވެ. ސަރުކާރާ ސިޓީ ކައުންސިލާ ދެމެދު ބޮޑެތި ހިޔާލު ތަފާތުވުންތަކެއް އެބަހުއްޓެވެ. ތަރައްގީގެ މަޝްރޫއުތައް ހިންގުމުގައި އާންމުކޮށް ދެބަސްވުންތައް އުފެދި އެ މަޝްރޫއުތައް މާލޭގައި ހިނގަމުން އަންނަނީ ވަރަށް ލަސް ސްޕީޑެއްގަ އެވެ.
