މިދިޔަ އޮކްޓޯބަރު މަހުގައި ބޭއްވި އެޑެކްސަލް އޭ ލެވެލް އިމްތިހާނާއި އައިއޭއެލްގެ އިތުރުން އެޗްއެސްސީ އިމްތިހާނުގެ ނަތީޖާތައް ދޫކުރަން ފަށައިފި އެވެ.
އެޑިއުކޭޝަން މިނިސްޓްރީން ބުނީ، އޭ ލެވެލް އިމްތިހާނުތަކުގެ ނަތީޖާ އެ ދަރިވަރަކު އިމްތިހާނު ހެދި ސެންޓަރަކުން މިހާރު ލިބޭން ހުންނާނެ ކަމަށެވެ. އައިއޭއެލްއަކީ އޭ ލެވެލް އިމްތިހާނުގެ ބަޔެކެވެ. އެޗްއެސްސީއަކީ ދިވެހި އަދި އިސްލާމް ދެ މާއްދާ އެވެ.
އެ މިނިސްޓްރީން އިތުރަށް ބުނީ، އިމްތިހާނު ކަރުދާސްތައް ރީޗެކް ބޭނުންވާ ދަރިވަރުންނަށް އެފުރުސަތު ވެސް މިހާރު ހުޅުވާލާފައިވާ ކަމަށެވެ. އިމްތިހާނު ކަރުދާސް އަލުން ޗެކު ކުރަން ބޭނުންވާ ދަރިވަރުން އެކަމަށް އެދި ހުށަހަޅަންޖެހޭނީ ޖެނުއަރީ 26، ގެ ނިޔަލަށެވެ.
އިމްތިހާނު ކަރުދާސް އަލުން ބެލުމަށް ހުށަހަޅަންޖެހޭނީ އެ ދަރިވަރަކު އިމްތިހާނު ހެދި މަރުކަޒަކަށެވެ.
އޭލެވެލް އިމްތިހާނުތަކުގެ ނަތީޖާ ދޫކުރަން ފަށާފައިވާއިރު، މިދިޔަ އަހަރު މި އިމްތިހާނުގައި ޖުމްލަ 2849 ދަރިވަރުން ވަނީ ބައިވެރިވެފަ އެވެ.
