މޫސުން ގޯސްވުމުގެ ސަބަބުން ރާއްޖޭގެ ބޮޑު ބަޔަކަށް ވައިޓް އެލާޓް ނެރެފި އެވެ.
މިއަދާއި އިއްޔެ ރާއްޖޭގެ މޫސުމާ ބެހޭ ގައުމީ އިދާރާއިން ނެރުނު ޓުވީޓުތަކުން ދައްކާގޮތުން ޅ އަތޮޅުން ފެށިގެން ދ އަތޮޅާއި ދެމެދުގެ ކަނޑުތައް ގަދަވާނެ ކަމަށް ލަފާކޮށް ސަމާލުވާން ވަނީ އެދިފަ އެވެ.
އެގޮތުން އެންމެ ފަހުން ނެރުނު ވައިޓް އެލާޓުގައި ބުނެފައިވާ ގޮތުން އެ ސަރަހައްދަށް ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހި ކަނޑުތައް ގަދަވާނެކަމަށް ވަނީ ލަފާކޮށްފަ އެވެ.
އަދި މިއަދު ހެނދުނު 6:00 ގައި ނެރުނު އެލާޓު މިހާރު ވަނީ އިރުއޮއްސި 6:00 އާ ހަމައަށް އިތުރުކޮށް ކަނޑުދަތުރުކުރާ ފަރާތްތަކުން ސަމާލުވުމަށް އިލްތިމާސްކޮށްފަ އެވެ.
