ކުރިން އަސާސީ ހައްގު ވެސް ލިބުނީ ވަކި ފިކުރެއްގެ ބަޔަކަށް: ރައީސް

ރައީސް އެމްޑީޕީ މެންބަރުންނާ ބައްދަލުކުރައްވަނީ; އެމްޑީޕީއަށް އޮތް ތާއިދު މުޅި ރައްޔިތުންގެ ފައިދާއަށް ބޭނުންކުރުމަށް އިލްތިމާސްކުރެއްވި -- ފޮޓޯ: އެމްޑީޕީ

ރައީސް އެމްޑީޕީ މެންބަރުންނާ ބައްދަލުކުރައްވަނީ; އެމްޑީޕީއަށް އޮތް ތާއިދު މުޅި ރައްޔިތުންގެ ފައިދާއަށް ބޭނުންކުރުމަށް އިލްތިމާސްކުރެއްވި -- ފޮޓޯ: އެމްޑީޕީ

ކުރީގެ ސަރުކާރުން ރައްޔިތުންނަށް އަސާސީ ހައްގުތައް ވެސް ފޯރުކޮށްދިނީ ވަކި ފިކުރަކަށް ބޯލެނބުމުން ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

އެމަނިކުފާނު ވާދަ ކުރައްވާ އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ރ. މާކުރަތަށް ވަޑައިގެން ރައީސް ސޯލިހު ވިދާޅުވީ މީގެ ކުރިން ރާއްޖޭގެ ބައެއް ރަށްތަކަށް އަސާސީ ހިދުމަތްތަކާއި ތަރައްގީގެ މަޝްރޫއުތައް ވެސް ލިބެނީ ވަކި ފިކުރަކަށް ބޯލަނބާތީ ކަމަށާއި ނަމަވެސް އެމްޑީޕީން އެގޮތަށް އަމަލު ކުރުމާ ހިލާފު ކަމަށެވެ.

ރައީސް ސޯލިހު ވިދާޅުވީ އެމްޑީޕީއަކީ ރާއްޖޭގައި އޮތް އެންމެ ބޮޑު ސިޔާސީ ޕާޓީ ކަމުގައިވީ ނަމަވެސް ޑިމޮކްރަސީގެ އަސާސްތަކާ ހިލާފު ނުވާނެ ކަމަށާއި އަބަދުވެސް ރައްޔިތުން ބާކީ ނުކުރަން އެ ޕާޓީން ވިސްނާ ކަމަށެވެ.

Advertisement

ޑިމޮކްރަސީގައި މައިނޯރިޓީގެ ހައްގުތައް ހިމާޔަތް ކުރުމަކީ އެންމެ މުހިންމު ސިފަކަން ފާހަގަކުރައްވާ ރައީސް ވިދާޅުވީ މައިނޯރިޓީގެ ހައްގުތައް ހިމާޔަތް ކުރެވޭނީ އެމަނިކުފާނު ކެންޑިޑޭޓެއްގެ ގޮތުގައި ހޮވައިގެން ކަމަށެވެ. ޕްރައިމަރީގައި ވޯޓު ދެއްވާއިރު މައިނޯރިޓީގެ ހައްގުތައް ހިމާޔަތް ކުރުމާމެދު ވިސްނުމަށް ރައީސް ވަނީ އެދިވަޑައިގެންފަ އެވެ.

ރައީސް އިތުރަށް ވިދާޅުވީ ހުރިހާ ފިކުރަކާއި ވިސްނުމެއް ބާއްވަން ވާނީ އަންނަ ސެޕްޓެމްބަރު މަހު ބާއްވަން ހަމަޖެހިފައިވާ ރިޔާސީ އިންތިހާބު ކާމިޔާބު ކުރުމަށް ކަމަށެވެ. އެގޮތުން ރިޔާސީ އިންތިހާބަށް ކެންޑިޑޭޓަކު ހޮވުމަށް އެމްޑިޕީ ތެރޭގައި ބާއްވާ ޕްރައިމަރީ ކާމިޔާބު ކުރުމަށް އެންމެންގެ ވެސް ވިސްނުން ބަހައްޓަން ޖެހޭ ކަމަށް ރައީސް ވިދާޅުވި އެވެ.

ޕްރައިމަރީގައި ރިޔާސީ ކެންޑިޑޭޓެއްގެ ގޮތުގައި ހޮވައިފި ނަމަ, ރިޔާސީ އިންތިހާބު ބޮޑުތަނުން ކާމިޔާބު ކުރާނެ ކަމަށް ރައީސް ސޯލިހް ވިދާޅުވި އެވެ. އެމަނިކުފާނު ވިދާޅުވީ އިންތިހާބަކާ ކުރިމަތިލާއިރު, މީގެ ކުރީ އިންތިހާބުތަކުގެ ނަތީޖާއަށް ވިސްނުން މުހިންމު ކަމަށެވެ. އެގޮތުން އެމަނިކުފާނު ވަނީ ކުރީގެ ވެރިކަންކަމުގައި ރައްޔިތުން ކުރި ތަޖުރިބާގެ މައްޗަށް އަލިއަޅުއްވާލައްވާފަ އެވެ.

ކޮމެންޓް

ފަހުގެ ޚަބަރު

މުއްތަލިބު މަޖިލީހަށް ވަޑައިގެންނެވީ "ކަޅު ދަބަހެއް" ހިފައިގެން

ހައުސިން މިނިސްޓަރު އަބްދުﷲ މުއްތަލިބު ބޮޑު ކަޅު ދަބަހެއް ހިފައިގެން ރައްޔިތުންގެ މަޖިލީހަށް ވަޑައިގެން ސިއްރު ބައްދަލުވުމެއް ބޭއްވި ނަމަވެސް، އެ ދަބަހާ ގުޅޭގޮތުން ނޫސްވެރިން ކުރި ސުވާލުތަކަށް އޭނާ ޖަވާބެއް ނުދެއްވި. މި ބައްދަލުވުމަކީ ބިލުތަކާ ގުޅޭގޮތުން މެންބަރުންނަށް މައުލޫމާތު ދިނުމަށް ބޭއްވި ބައްދަލުވުމެއް ކަމަށް.

ސަރުކާރު އިސްވެރިން ޕީއެންސީ މެންބަރުންނާ ބައްދަލުކޮށްފި

ރަސްމާލެ މަޝްރޫއާ ގުޅޭ ރިއަލް އެސްޓޭޓް ބިލު ހިމެނޭހެން ހަތަރު ބިލެއްގެ ބަހުސް މަޖިލީހުގައި ތާވަލުކޮށްފައި ވަނިކޮށް، ސަރުކާރުގެ އިސްވެރިން ޕީއެންސީގެ މެންބަރުންނާ ސިއްރު ބައްދަލުވުމެއް ވަނީ ބާއްވާފައި. އޭޖީ ވިދާޅުވީ މި ބައްދަލުވުމަކީ އެ ބިލުތަކާ ގުޅޭގޮތުން މެންބަރުންނަށް އޮޅުންފިލުވައިދޭންޖެހޭ ކަންކަން ސާފުކޮށްދިނުމަށް ބޭއްވި ބައްދަލުވުމެއް.

ފޮރިން އިންވެސްޓްމަންޓުން އިސްތިގުލާލަށް އަސަރު ނުކުރާނެ: ނަޝީދު

ރަސްމާލެއިން ބައެއް ބޭރުގެ ކުންފުންޏަކަށް ދޫކުރުމާ ގުޅޭގޮތުން އެމްޑީޕީން ކަންބޮޑުވުން ފާޅުކުރަމުންދަނިކޮށް، ފޮރިން ޑައިރެކްޓް އިންވެސްޓްމަންޓްތަކުގެ ސަބަބުން ގައުމުގެ އިސްތިގުލާލަށް އަސަރުނުކުރާނެ ކަމަށް ކުރީގެ ރައީސް ނަޝީދު ވިދާޅުވި. އެމަނިކުފާނު ވިދާޅުވީ މިފަދަ އިންވެސްޓްމަންޓްތަކުގެ ސަބަބުން ގައުމުގެ އިގްތިސާދު ވަރުގަދަވާނެ ކަމަށް.

ޝާހިދުގެ އިސްތިއުނާފު އަޑުއެހުން ކެންސަލް

ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކުރި ކުރީގެ ފޮރިން މިނިސްޓަރު ޝާހިދު ހައްޔަރުކުރި އަމުރުގެ އިސްތިއުނާފް އަޑުއެހުން އިދާރީ ސަބަބަކާ ހުރެ މިއަދު ވަނީ ކެންސަލްވެފައި. ޝާހިދު އޭނާގެ މައްޗަށް ކުރެވޭ ތުހުމަތުތައް ދޮގުކުރައްވާއިރު، މި މައްސަލަ ހައިކޯޓުގައި އިސްތިއުނާފު ކުރަން ހުށަހެޅީ މި މަހުގެ 4 ވަނަ ދުވަހު.

ރަސްމާލެ ވިއްކާލާ ބިލުގެ ބަހުސް މާދަމާގެ ޖަލްސާއަށް ތާވަލުކޮށްފި

ރަސްމާލެ މަޝްރޫއުގެ ދަށުން ބޭރު މީހުންނަށް 99 އަހަރަށް ބިން ވިއްކޭ ގޮތަށް ހުށަހަޅާފައިވާ ރިއަލް އެސްޓޭޓް ބިލު ހިމެނޭހެން، ސަރުކާރުގެ ހަތަރު ބިލެއްގެ ބަހުސް މާދަމާގެ މަޖިލީހަށް އެޖެންޑާކޮށްފިއެވެ. މީގެ އިތުރުން މަރުގެ އަދަބު ތަންފީޒުކުރުމާއި، އަބުރު ރައްކާތެރިކުރުމާއި، އިމިގްރޭޝަން ބިލުގެ ބަހުސް ވެސް މާދަމާ ކުރިއަށްދާނެއެވެ.

ރަސްމާލެއާ ދެކޮޅު ބޮޑު އެއްވުން ޑިސެމްބަރު ހަތަރެއްގައި ބާއްވަނީ

މި ހަރަކާތުން ވަނީ ރިއަލް އެސްޓޭޓް ބިލަށް ވޯޓު ނުދިނުމަށް މަޖިލިސް މެންބަރުންނަށް ގޮވާލައި، ސަރުކާރުން މި މަޝްރޫއު ހުއްޓާނުލައިފިނަމަ އަންނަ މަހު މާލޭގައި ބޮޑު އެއްވުމެއް ބާއްވާނެ ކަމުގެ އިންޒާރު ދީފައެވެ.

އަނިޔާ ދިން މައްސަލައިގައި ދައުލަތުން އެދުނީ ޖޫރިމަނާގެ އަދަބަށް

މާލޭގެ ގަރާޖެއްގައި ދެ މީހަކު ހިފަހައްޓައި ލާއިންސާނީ އަނިޔާދިން މައްސަލައިގައި ދައުވާލިބޭ އިބްރާހިމް ޝަރަފް ކުށަށް އިއުތިރާފުވުމުން، އޭނާގެ މައްޗަށް އައި 19 މަހުގެ ޖަލު ހުކުމް 116,700 ރުފިޔާގެ ޖޫރިމަނާއަކަށް ބަދަލުކޮށްފައި. މި ޖޫރިމަނާ އެއް އަހަރު ތެރޭ ދައްކަންޖެހޭއިރު، މި މައްސަލައިގައި ދެން ހިމެނޭ ދެ މީހުންގެ ޝަރީއަތް ކުރިއަށްދަނީ ވަކިން.

Newsletter

Get the latest news delivered straight to your inbox